Како правилно се чуваат летните гуми?

Со правилно складирање, гумите не ги губат своите карактеристики, па нивниот век на траење ќе биде подолг.

Време е за промена на гумите на возилата, а често се поставува прашањето, што со летните гуми?

Едно од решенијата се хотели за гуми – доколку ги внесете овие клучни зборови во интернет пребарувач, ќе ви се отвори целиот свет на приватно сместување односно „апартмани“ за гуми.

Ако одлучите сами да ги складирате вашите гуми, треба да знаете неколку важни информации.

Правилно складираните гуми не ги губат своите карактеристики, така што нивниот век на траење ќе биде подолг. Експертите на „Goodyear“ подготвија неколку корисни совети кои ќе ви помогнат правилно да ги чувате вашите гуми.

Пред да ги складирате гумите, исчистете ги од нечистотија и отстранете ги камењата и сличните предмети што можат да ги оштетат или да влијаат на обликот на површината на лежиштето.

Чувајте ги гумите на темно, суво и ладно место бидејќи изложувањето на дневна светлина, а особено на УВ зраците е многу штетно за нив.

Контактот со масла, лубриканти, лакови и горива исто така ги оштетува гумите.

Гуми со бандажи

Ако ги чувате гумите со бандажи, намалете го воздушниот притисок пред складирањето, но не ги испразнувајте целосно.

Не чувајте ги гумите со бандажи во исправена положба, туку закачете ги на носачи за да ја поминат зимата без оптоварување.

Ако не можете да ги закачите гумите со бандажи, наредете ги една врз друга, но висината на наредените пневматици да не надминува 1,5 метри.

Добро е еднаш месечно да се прередуваат за да се смени онаа на дното

Гуми без бандажи

Гумите што сте ги извадиле од бандажи, ставете ги паралелно во исправена положба, оставајќи малку простор меѓу нив.

Се препорачува да се вртат на секои четири недели за да не се деформира гумата, пишува Б92.

Американските телекомуникациски компании ги одложуваат услугите во 5G мрежата

Извршните директори на големите американски авиокомпании предупредија на непосредна „катастрофална“ воздухопловна криза откако „AT&T“ и „Verizon“ ќе воведат услуги на 5G мобилните мрежи.

Американските телекомуникациски компании „AT&T“ и „Verizon Communications“ се согласија да го одложат воведувањето услуги во 5G мрежата, одложувајќи го вклучувањето на базните станици во близина на клучните аеродроми за да се спречат прекини во сообраќајот.

Извршните директори на големите американски авиокомпании предупредија на непосредна „катастрофална“ воздухопловна криза откако „AT&T“ и „Verizon“ ќе воведат услуги на 5G мобилните мрежи.

„Ќе има хаос меѓу авиокомпаниите“

Новата услуга би можела да направи значителен број авиони со широки трупови неупотребливи, оставајќи „десетици илјади Американци заробени во странство“ и „хаос“ на летовите во Соединетите Држави, соопшти здружението „ Airlines for America“.

Федералната управа за авијација (FAA) предупреди дека потенцијалните пречки може да влијаат на чувствителните инструменти во авионот, како што се висиномерите, и значително да го попречат летањето со слаба видливост.

Поради тоа, „Verizon“ одлучи да го одложи вклучувањето на петстотини базни станици во близина на аеродромите, помалку од 10 отсто од планираниот број, додека не се најде трајно решение, изјавија извори во вторникот. Деталите за договорот за одложување не се објавени и не се знае кога ќе бидат вклучени базните станици.

Изложба на дела од Владимир Темков во Кавадарци

„Виножито" е насловена ликовната изложба што вечерва е отворена во Музеј галеријата во Кавадарци. Претставени се дела од ликовниот уметник Владимир Темков.

Директорката на Музејот, Весна Ѓорѓиева посочи дека се презентирани педесетина дела со спектар од боите на виното и житото.

За 40-годишното ликовно творештво на Темков, говореше Трајче Цветков, виш кустос историчар на уметност при Музејот.

-Тој припаѓа во редот на хиперактивните сликари, кои секојдневно работат и по 12 часа во своите ателјеа. За тоа сведочат и над 100 самостојни и групни изложби во нашата земја и насекаде низ светот. Иако во неговиот богат творечки опус има повеќе фази, сепак има една нагласена универзална симболика за убавините на својот роден крај, истакна Цветков.

На љубителите на уметноста им се обрати и самиот автор, кој денеска слави роденден.

Темков е роден во Кавадарци во 1959 година. Педагошка академија, Факултет за ликовни уметности и магистерски студии завршил во Скопје.

– Има работено на повеќе работни позиции, меѓу кои и референт за култура, директор на Младински дом „Младост", директор на Дом на култура „Иван Мазов – Климе", потоа ја има извршувано функцијата претседател на Комисија за култура на бивша СФРЈ и тн. Во својата досегашна плодна уметничка кариера има реализирано повеќе проекти и интервенции од областа на уметноста и учествувано на повеќе меѓународни конференции. Има реализирано над 50 самостојни изложби, учествувано на многубројни групни изложби како и ликовни колонии, стои во неговата биографија.

Фото: „BMW“ се простува од „V12“ моторот во голем стил

Последните 12 примероци ќе бидат произведени ова лето.

„BMW“ уште претходно најави крај за моќниот „V12“ мотор, по 35 успешни години. Крајот на едната еда ќе биде обележан со специјална ограничена серија од моделот „BMW M760i xDrive“ со ознака „Final V12“.

Во рамките на оваа серија ќе бидат направени само 12 примероци од најмоќниот модел во серија 7 а сите автомобили се резервирани за американскиот пазар.

Засновата на стандардниот „BMW-u M760i xDrive“, верзијата „Final V12“, ќе има единствени ознаки на надворешноста и во ентериерот, потоа ексклузивни тркала и широк спектар за опции за персонализација на возилото по желба на купувачот.

Под хаубата се разбира се наоѓа 6.6 литарскиот „V12“ мотор со 609 КС. СИлата на сите четири тркала се пренесува преку 8-степен автоматски менувач.

Сите возина ќе бидат нумерирани со броеви од 1 до 12 а производството започнува во јуни 2022 година додека автомоблите кај своите сопственици ќе пристигна во јули.

Цената стартува од 200.000 долари.

притисни ентер