Изложба на олдтајмери во рамките на Велешката питијада 2022 - Канал 5

Автомобилизам

Изложба на олдтајмери во рамките на Велешката питијада 2022

Во рамките на годинашната „Велешка питијада 2022“ – фестивалот на највкусна велешка пита пастрмајлија и врвни македонски вина, кој започна вчера, по вторпат се одржа изложба на олдтајмери.

Изложба на олдтајмери во рамките на Велешката питијада 2022

-Изложбата на стари возила во исправна возна состојба кои воопшти или ретко ги има на улиците и патиштата низ државата, е многу привлечна за посетителите, за постарите да евоцираат спомени од младоста, а помладите првпат во живо да се запознаваат со овие возила, изјави за МИА Борче Саздов од олдтајмер клубот King off the street кој ја организира изложбата заедно со поддршка на Општина Велес.

На изложбата се претставени вкупно 43 олдатјемри од повеќе градови во земјава – Скопје, Кочани, Штип, Скопје, Кавадарци, Велес, а има и гостин од Врање, соседна Србија.

Најстарото возило на изложбата на отворено во Велес е „опел капитан“ од 1941 година реставрирано и сопственост на Љупчо Трајковски од Скопје. Трајковски со ова возило досега се претставил на повеќе вакви олдтајмер изложби во земјава. Автомобилот го вози само кога е суво време, приврзан е за олдтајмерот и е многу горд на него, а привлече внимание и на многу посетителикои посакаа да се сликаат со возилото.

На изложбата беа претставени и две возила од богатата колекција на некогашниот претседател на велешкиот олдтајмер клуб King off the street, Борче Мирчевски, кој почина во февруари 2020 во сообраќајна несреќа. Неговата љубов кон олдтајмерите ја наследиле неговите сеуште малолетни синови Александар и Андреј, кои ќе ја продолжат традицијата. Борче Мирчевски беше организатор на првата олдтајмер изложба во рамките на Велешката Питијада во 2016 година на која беа изложени 30 – тина вредни возила олдтајмери од колекционери од земјава, но и од гости од соседна Бугарија. Во наредните две години манифестации беше прекината, а потоа три години не се одржа ни Велешка питијада.

Неговиот клупски колега Борче Саздов за МИА појаснува дека годинава по пет години пауза, изложбата на олдтајмери повторно ја врати новата локална власт и градоначалник Марко Колев кои финансиски ја поддржаа изложбата.

-Имавме кратко време да се организираме, но за в година имаме планови да има многу повеќе олдтајмер возила од земјава и странство, најави Саздов.

Инаку, во рамки на забавниот дел од манифестацијата „Велешка Питијада“ денеска од 18 часот први настап ќе имаат членовите на детската група од „Дајте музика“. Вечер на сцената на отворено во Велес ќе настапат Наум Петрески и Зуица Лазова, Фолтин и Каролина Гочева. Во недела 5 + бенд, Сузана Спасовска, Академци, Љубојна +Brass Fantasy и Лозано.

За посетителите вкусните велешки пити пастрмајлии со средна големина се продаваат по цена од 200 денари, а чаша вино за 50 дена од бројните винарии од Велес и Повардарието.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Зеленски: „Подготвен сум за средба со Путин“

Украинскиот претседател Володимир Зеленски денеска изјави дека е подготвен да се сретне со рускиот претседател Владимир Путин, како и дека американскиот претседател Доналд Трамп „сака да ја заврши војната“ и оти ќе стори сѐ за да успее во тоа.

Зеленски: „Подготвен сум за средба со Путин“

Во изјава за „Скај њуз“, Зеленски истакнал дека најважно е тоа што Трамп може да организира трилатерална средба на која би се разговарало за „сите чувствителни теми“ што би можеле да придонесат за завршување на војната.

На прашањето дали е подготвен да се сретне со Путин, Зеленски одговори дека е „подготвен“ и оти средбата би можела да се одржи „во секое време, кога сите страни ќе бидат подготвени“.

Зеленски изјави дека Трамп не му поставил никакви барања за време на денешниот разговор, но напомена дека двајцата лидери претходно разговарале за барањата на Вашингтон кон Киев.

Зборувајќи за разговорот со Трамп, Зеленски рече дека разговарале и за можноста за енергетско примирје меѓу Украина и Русија. Тој изјави дека Киев е подготвен за каков било формат на такво примирје, под услов Русија да не го напаѓа украинскиот енергетски систем. „Подготвени сме за каков било формат на енергетско примирје... За сè што е поврзано со енергетиката, сè“, рече Зеленски. Тој им се заблагодари на Трамп и на американските власти и додаде дека Вашингтон ќе ја пренесе позицијата на Киев до Москва.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Економија

НБ: Во август: Годишен раст од 9,0% на вкупните депозити и од 13,6% на вкупната кредитна поддршка

Вкупните депозити на годишна основа се повисоки за  9,0%, при што зголемување бележат и депозитите на домаќинствата и на корпоративниот сектор. 

НБ: Во август: Годишен раст од 9,0% на вкупните депозити и од 13,6% на вкупната кредитна поддршка

Орочените депозити на домаќинствата (без средствата на трансакциските сметки), бележат годишно зголемување од 5,8%.

Кредитната активност бележи раст од 13,6% на годишна основа. Раст е забележан кај двата сектора, при поголем годишен придонес на корпоративниот сектор.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Рубио и Лавров се среќаваат денес во Њујорк- Ќе разговараат за војната во Украина

Американскиот државен секретар Марко Рубио ќе се сретне со рускиот министер за надворешни работи Сергеј Лавров  денеска во Њујорк . 

Рубио и Лавров се среќаваат денес во Њујорк- Ќе разговараат за војната во Украина

Средбата ќе се одржи на маргините на Генералното собрание на Обединетите нации, соопшти Стејт департментот.

Средбата се одржува во рамките на дипломатските напори на Вашингтон поврзани со војната на Русија против Украина, пренесува „Киев индепендент“.

Еден ден претходно, американскиот претседател Доналд Трамп разговараше со украинскиот претседател Володимир Зеленски во ОН.

По средбата со Трамп, Зеленски изјави дека Украина е подготвена за енергетско примирје, под услов Русија да се согласи на истите услови. Двајцата претседатели разговараа и за поддршката за Украина во текот на зимата, за противвоздушната одбрана и за идните мировни преговори.

Руските државни медиуми објавија дека Лавров пристигнал во Њујорк за да присуствува на Генералното собрание на ОН. Рубио и Лавров се сретнале неколку пати во текот на изминатата година, како дел од напорите на администрацијата на Трамп да посредува за прекин на руската инвазија.

Двајцата дипломати се сретнале и на маргините на минатогодишното Генерално собрание на ОН во септември 2025 година, кога Рубио ја повикал Москва да го „запре крвопролевањето“ и да преземе конкретни чекори кон завршување на војната.

Пред тоа, тие одржале разговори во Ријад во февруари 2025 година – првите официјални преговори на високо ниво меѓу САД и Русија од почетокот на руската инвазија од целосен обем.

Стејт департментот соопшти дека Рубио престојува во Њујорк од 20 до 23 септември по повод 81-вата сесија на Генералното собрание на ОН. За време на посетата, тој се среќава со министри за надворешни работи од други земји за да разговараат за безбедноста, економските прашања и напорите за постигнување мир.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер