Живот

Исчезнувањето на инсектите кои опрашуваат е причина за половина милион смртни случаи годишно

Три четвртини од сите култури бараат опрашување.

Исчезнувањето на инсектите кои опрашуваат на глобално ниво е причина за половина милион смртни случаи годишно, бидејќи поради недостиг на опрашувачи, светската популација нема пристап до здрава храна, покажува научната студија објавена во списанието „Енваројментал хелт перспективс“.

Три четвртини од сите култури бараат опрашување, но популацијата на многу инсекти кои опрашуваат драстично се намалува, при што се губат три до пет проценти од овошните култури, зеленчукот и јаткастите плодови, пишува „Гардијан“.

Како резултат на тоа, луѓето консумираат помалку здрава храна, а тоа значи дека околу еден процент од сите рани смртни случаи може да се припишат на исчезнувањето на инсектите кои опрашуваат.

Истражувачите во причини за рана смрт ги вклучија срцеви заболувања, мозочен удар, дијабетес и некои видови на рак.

Според научниците, ризикот од развој на овие болести може да се намали со поздрава исхрана.

Ова е прва студија која го поврзува исчезнувањето на инсектите кои опрашуваат со последиците по здравјето на луѓето.

– Клучна алка која недостасува во дискусијата за биолошката разновидност досега беше недостигот на директната поврзаност со здравјето на луѓето, рече еден од водечките автори на студијата, д-р Семјуел Мајерс.

Според него, постои решение, а тоа е да се создадат соодветни услови за опрашување на инсектите, што подрабира ограничување на употребата на пестициди.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

На папата Лав XIV му е дијагностициран рак на белите дробови, но успешно е опериран соопшти Ватикан

На Папата Лав 14 му е дијагностициран рак на белите дробови, но успешно е опериран соопшти Ватикан .

71-годишниот папа бил подложен на 90-минутна операција во вторникот во болницата „Џемели“ во Рим, каде му бил дијагностициран аденокарцином на белите дробови.

„Операцијата беше успешна и немаше никакви компликации“, соопшти Ватикан. „По операцијата, папата се разбуди нормално и се врати по краток период на набљудување во својата соба“, додаде Ватикан. Грутката првпат била откриена за време на она што Ватикан го опиша како „рутински проверки“.

Се очекува папата да остане во болница околу една недела. Претходно, големи толпи чекаа со часови пред болницата на папата.Тие го поздравуваа со радосни поздрави и му посакуваа добро здравје додека поминуваше. Во своето соопштение, Ватикан соопшти дека целиот долен лобус на десниот белодроб на папата бил отстранет „за да се осигури дека постапката е успешна “. Извор од Ватикан изјави за новинската агенција „Франс прес“ дека се спроведуваат дополнителни тестови за да се види дали има некакви знаци дека ракот се проширил.

Папата во неделата ја објави веста за својата операција на светот, зборувајќи од балконот на плоштадот „Свети Петар“ .

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Нема промена кај цените на горивата

Нема промена на цените на бензините и дизелот. Со најновата одлука на Регулаторната комисија за енергетика, Еуросупер БС-95 останува 98,50 денари за литар, Еуросупер БС-98 се продава по 100,50 денари, а дизелот по 97 денари за литар.

Единствено поскапува мазутот, за 2,14 денари и сега чини 51,74 денари за килограм. Во актуелните цени на горивата се вклучени владините мерки за намалено ДДВ на дизелот од 18 на 10%, како и намалената акциза за бензините и дизелот за 4 денари по литар..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МВР распиша меѓународна потерница по Ива Михаилова

Министерството за внатрешни работи распиша потерница по 23-годишната Ива Михаилова, по барање на Основниот суд во Кочани..

Лицето е барано по централна и меѓународна потерница по барање на Основен суд Кочани за кривично дело по член 300 став 4 и член 297 став 3 од кривичниот законик, објави МВР, откако Михаилова пред три дена побегна во Бугарија и беше утврдено дека таа нелегално ја напуштила земјава..

Претходно, судот во Кочани и одреди 30-дневен притвор на Михаилова, која е обвинета за предизвикување сообраќајна несреќа со смртни последици..

Иако таа и нејзиниот адвокат за бугарските медиуми изјавија дека легално ја поминале границата, од МВР соопштија дека на ниту еден граничен премин не е евидентиран нивни излез од Македонија, ниту влез во Бугарија..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.