Иран ракетира повеќе држави на Блискиот Исток, тврдењата на Трамп за преговори со Техеран засега само во најава - Канал 5

Свет

Иран ракетира повеќе држави на Блискиот Исток, тврдењата на Трамп за преговори со Техеран засега само во најава

Ден откако американскиот претседател Трамп најави пет дневен прекин на воените дејствија со Иран, се уште е нејасно дали воопшто се воделе тајни преговори и со кого?

Иран ракетира повеќе држави на Блискиот Исток, тврдењата на Трамп за преговори со Техеран засега само во најава

Техеран жестоко негира дека воопшто имало разговори, кои пак Белата Куќа без да открие повеќе детали, ги оцени како флуидни. Дел од американските медиуми повикувајќи се на високи претставници во САД пренесуваат дека преговорите би можеле да се одржат во Пакистан, со учество на потпретседателот Џеј Ди Венс, а 9 април е оодреден како евентуален рок за ставање на крај на војната со Иран. Според информациите, Оман ја имал улогата на посредник, а Египет и Турција разменувале пораки меѓу двете страни. Трамп во меѓувреме, ја потвори пораката дека очекува добар договор.

-Ќе видиме што ќе се случи, мислам дека има многу добра шанса да постигнеме договор, ќе дадеме пет дена и ќе видиме каде ќе не однесе тоа и би рекол дека на крајот од овој период, мислам дека се ќе заврши со многу добар договор за сите. Добар како и да одевме до крај и буквално да го уништевме местото. - Доналд Трамп – претседател на САД

Изјавите на Трамп за заедничка контрола на Ормускиот теснец наидоа на реакција кај иранските дипломати, кои со доза на потсмев на социјалните мрежи објавуваја илустрација на детски волан-играчка прикачен на совозачкото седиште на автомобил. Дека нема најави за смирување на тензиите, потврди и жестокиот ракетен напад кој Исламската република го изврши врз северот на Израел, оштетувајќи неколку станбени згради, а израелскиот премиер Нетанјаху најави продолжување на воените дејствија и покрај можноста за некаков договор.

-Претседателот Трамп верува дека постои можност да се искористат големите достигнувања што ги постигнавме со американската војска, со цел да се реализираат воените цели во договорот - договор што ќе ги заштити нашите витални интереси. Во исто време, продолжуваме со нападите и врз Иран и врз Либан.- Бенјамин Нетанјаху – Премиер на Израел

Повик за прекин на воените дејствија повторно упати и шефицата на ЕК Урсула фон дер Лајен која оцени дека војната предизвикува неизмерни последици врз светската економија.

-Мислиме дека време е да се седне на преговарачката маса и да се стави кај на непријателствата, ситуацијата е критична за снабдувањето со енергенси на светски ниво. - Урсула фон дер Лајен – Претседателка на ЕК

Цената на суровата нафта на светските берзи по вчерашниот пад кој дојде кратко по објавата на Трамп за наводни разговори меѓу Вашингтон и Техеран во меѓивреме, повторно се искачи на над 100 долари за барел. Како причина за повторниот скок на цените дел од светските медиуми го наведоа негирањето на Иран дека имало било какви разговори со претставници од САД за ставање крај на војната.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Меѓународниот аеродром во Нешвил би можело да се преименува во чест на Доли Партон

Меѓународниот аеродром во Нешвил би можел да го носи името на иконата на кантри музиката Доли Партон.

Меѓународниот аеродром во Нешвил би можело да се преименува во чест на Доли Партон

Меѓународниот аеродром во Нешвил би можел да го носи името на иконата на кантри музиката Доли Партон, според предлогот објавен вчера од гувернерот на Тенеси Бил Ли и управата на аеродромот по нејзината смрт.

Преименувањето на меѓународниот аеродром во Нешвил (БНА) ќе биде „траен спомен на нејзиното неизбришливо наследство“, се вели во соопштението од канцеларијата на гувернерот и аеродромот. Партон инспирираше генерации луѓе во Тенеси и ширум светот, се додава.

„На место каде што Тенеси го пречекува светот, сосема е соодветно BNA да го носи името на Доли Партон“, рече Ли во објавата на социјалната мрежа X.

Долго време живеела во Нешвил

Доли Партон е родена во Тенеси во 1946 година, а се преселила во Нешвил во 1964 година, каде што ја започнала својата кариера како текстописец и музичар. Таа стана една од најпознатите личности во кантри музиката.

Таа мирно почина во Нешвил на 80-годишна возраст, објави нејзината агенција.

Тагови: Доли Партон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп си се прогласи за најголем претседател во историјата на САД

Доналд Трамп повторно го привлече вниманието на јавноста со својата најнова објава на социјалната мрежа Truth Social, каде што се прогласи за најголем претседател во историјата на Соединетите Американски Држави.

Трамп си се прогласи за најголем претседател во историјата на САД

Трамп се постави себеси на врвот на својата листа како „најголем“, додека меѓу „големите“ ги наведе познатите претседатели како Џорџ Вашингтон и Абрахам Линколн.

На листата се наоѓаат и „најголеми губитници“, вклучувајќи ги демократите Барак Обама и Џозеф Бајден, кои Трамп често ги критикува.

Трамп ги избра Теодор Рузвелт, Гровер Кливленд и Џон Адамс како „скоро одлични“, додека Бил Клинтон го означи како просечен.

Џејмс Бјукенен и Калвин Кулиџ беа меѓу оние „под просекот“.

Објавата доаѓа откако анкетата на CNN покажа дека 53% од републиканските гласачи го оценуваат Трамп најмногу како претседател на Републиканската партија, пред Роналд Реган и Абрахам Линколн.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Договорен е еден од најголемите трансфери во фудбалката историја

Бредли Баркола доби подарок во форма на историски трансфер неколку дена пред неговиот 24-ти роденден. 

Договорен е еден од најголемите трансфери во фудбалката историја

Поранешното лево крило на ПСЖ и Франција, кој постигна три гола на неодамнешното Светско првенство, за малку ќе потпишеше за Ливерпул.

Сигурниот Дејвид Орнштајн објави: „Ливерпул договори сè за трансферот на Бредли Баркола од ПСЖ. Крилниот напаѓач на парижаните доаѓа за 106 милиони фунти фиксни и 17 милиони фунти бонус. Претворено во евра, обештетувањето е 125 милиони + 20 милиони. Францускиот репрезентативец ќе ги помине медицинските прегледи и ќе потпише договор со Липоол за 24 часа“.

Баркола во ПСЖ дојде пред три години од Лион со отштета од 45 милиони евра. Оттогаш одигра 152 натпревари со учинок од 39 гола и 37 асистенции. Тој освои три француски титули и две титули во Лигата на шампионите, како и два домашни купа, како и еден Интерконтинентален куп. Трансфермаркт неговата вредност ја проценува на 90 милиони евра.

Влегува на седмото место, а може да скокне и на третото

Трансферот на Баркола е еден од најскапите во историјата. Фиксната сума за обештетување од 125 милиони евра го става на седмото место. Ја дели со Јано Диоманде, кој неодамна за истата сума се пресели од Лајпциг во Реал.

Доколку се исполнат условите за активирање на бонусот од 20 милиони евра, тој се искачува на третото место од кое ќе го измести нешто поевтиниот Александар Исак. Минатото лето беше купен и од Ливерпул.

Најскапите трансфери во историјата:

1. Нејмар од Барселона во ПСЖ за 222 милиони евра

2. Килијан Мбапе од Монако во ПСЖ за 180 милиони евра

3. Александар Исак од Њукасл во Ливерпул за 145 милиони евра

4. Морган Роџерс од Астон Вила во Челзи за 137 милиони евра

5. Елиот Андерсон од Нотингем во Манчестер Сити за 135 милиони евра

6. Жоао Феликс од Бенфика во Атлетико Мадрид за 126 милиони евра

7. Јан Диоманде од Лајпциг во Реал за 125 милиони евра

8. Енцо Фернандез од Бенфика во Челзи за 121 милион евра

9. Антоан Гризман од Атлетико во Барселона за 120 милиони евра

10. Филипе Кутињо од Ливерпул во Барселона за 118 милиони евра

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер