Инспекторка за храна е фатена со мито од 250 евра- определен ѝ е 30 дневен притвор - Канал 5

Македонија

Инспекторка за храна е фатена со мито од 250 евра- определен ѝ е 30 дневен притвор

Поведена истрага за примање поткуп против инспекторка за храна.

Инспекторка за храна е фатена со мито од 250 евра- определен ѝ е 30 дневен притвор

Основното јавно обвинителство Скопје донесе Наредба за спроведување истражна постапка против едно лице за кое постои основано сомнение дека сторило кривично дело – Примање поткуп според член 357 став 1 од Кривичниот законик.

Осомничената 42-годишна вработена во Агенцијата за храна и ветеринарство, како службено лице – инспектор за храна, во периодот од 17 до 25 септември, побарала и примила поткуп во износ од 250 евра од управител на правно лице за да изготви записник со кој ќе констатира дека извршила инспекциски надзор и дека нема неправилности во работата на објектот, односно дека тој ги почитува сите потребни процедури за работа.

Поради ризикот од бегство, опасноста осомничената да влијае врз оштетениот и неговиот исказ, како и можноста од позиција на службено лице- инспектор да го повтори дејствието кое не смеела да го изврши, јавниот обвинител до судијата на претходна постапка достави предлог за определување мерка притвор, соопштуваат од Обвинителството.

Од Кривичниот суд потврдија дека на инспекторката ѝ се определени 30 дена притвор.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Лига на нации: Македонија вечерва против првиот фаворит Швајцарија

Македонија и Швајцарија вечерва од 20:45 часот на Националната арена „Тодор Проески“ во Скопје го отвораат новиот циклус во Лигата на нации.

Лига на нации: Македонија вечерва против првиот фаворит Швајцарија

За првпат Македонија е дел од Б-сегментот, а во првиот напревар ќе се соочи со фаворитот во групата, во која се наоѓаат уште и Шкотска и Словенија.

Селекторот Гоце Седлоски очекува во овие натпревари репрезентацијата да покаже поголем карактер, отколку на последните четири натпревари, на кои немаше постигнато гол.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

На Косово уапсен убиецот што застрела 26-годишик во Дуќанџик

Во Косово вчера бил уапсен Рами Кучи, првоосомничениот за убиството на 26-годишниот А.М., кое се случи на 6 септември во скопската населба Дуќанџик.

На Косово уапсен убиецот што застрела 26-годишик во Дуќанџик

Според информациите, тој бил уапсен од косовската полиција, во меѓународна акција за недозволена трговија со дрога на територија на Република Косово. За Кучи беше распишано централна и меѓународна потерница, а по вториот осомничен сè уште се трага.

Тешкиот инцидент се случи вечерта на 6 септември во Дуќанџик. Кучи заедно со И.С. се сомничи дека пукал кон група лица од мотоцикл во движење. Во престрелката животот го загуби 26-годишниот А.М., додека уште неколку лица беа повредени.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Сенаторите бараат од Трамп да ја повлече поканата на Путин: Му се дава легитимитет со доаѓањето на Г20

Група од 14 американски сенатори од Републиканската и Демократската партија побараа од американскиот претседател Доналд Трамп да ја повлече поканата до рускиот претседател Владимир Путин .

Сенаторите бараат од Трамп да ја повлече поканата на Путин: Му се дава легитимитет со доаѓањето на Г20

Група од 14 американски сенатори од Републиканската и Демократската партија побараа од американскиот претседател Доналд Трамп да ја повлече поканата до рускиот претседател Владимир Путин да присуствува на самитот на Групата 20 (Г20) во Мајами во декември.

„Претседателот (на Русија) Владимир Путин сноси единствена одговорност за започнувањето на војната против Украина“, велат сенаторите во писмо, според Вашингтон пост (WP).

Сенаторите рекоа дека учеството на Путин на самитот на Г20 во САД би предизвикало сериозна загриженост бидејќи, како што рекоа, тоа би ги легитимирало и нормализирало односите со владата која, како што рекоа, продолжува да напаѓа украински цивилни цели секојдневно.

Американските сенатори, исто така, рекоа дека Путин можеби има помал поттик да се согласи на прекин на огнот во Украина ако не е изолиран од остатокот од меѓународната заедница.

Писмото го предводеа сенаторите Роџер Викер, републиканец од Мисисипи, и Џин Шахин, демократска сенаторка од Њу Хемпшир, а го потпишаа уште шест демократи и шест републиканци.

Викер е претседател на Комитетот за вооружени сили на Сенатот, додека Шахин е највисоко рангиран демократ во Комитетот за надворешни односи на Сенатот.

Американскиот државен секретар Марко Рубио во среда објави дека Путин е поканет и рече дека самитот е „можност да се разговара не само со претседателот, туку и со други светски лидери“.

Тагови: Владимир Путин Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер