Живот

Илон Маск нуди 100 милиони долари за оној кој ќе открие како да се отстрани CO2 од атмосферата

Американскиот претприемач и милијардер Илон Маск оваа недела им понуди награда од 100 милиони долари на пронаоѓачите, доколку смислат начини за борба против климатските промени со отстранување на јаглерод диоксидот од атмосферата и океаните.

„Во моментов имаме само една планета“, рече Маск, сопственик на производителот на автомобилите „Тесла“.

"Дури и ако имаме 0,1 процентна шанса за катастрофа, зошто да ризикуваме? Лудо е!"

Маск ја објави наградата од 100 милиони долари уште во јануари, а во четвртокот, Денот на планетата Земја, објави инструкции за натпреварот. Организаторите го нарекуваат натпреварот „најголема стимулативна награда во историјата“ и ќе трае четири години, до Денот на планетата Земја 2025 година.

„Зафаќањето“ и складирањето на јаглерод со текот на времето привлекува се поголемо внимание кај истражувачите, бидејќи глечерите се топат како резултат на климатските промени, тропските бури се интензивираат, а бројот на топлотни удари се зголемува.

Светските сили работат на намалување на емисиите на јаглерод, но научниците истакнуваат дека патот до нулта емисија до 2050 година, исто така, ќе игра многу важна улога во технологиите за отстранување на јаглерод.

"Ќе бидат земени предвид и трошоците и можноста за надградба. Дали ќе се отстрани доволно јаглерод и дали можеме да си го дозволиме тоа како цивилизација? Ова се работи што се важни", рече Маск во видео пораката во која стои бос, опкружен со вода и дрвја.

Проектите за отстранување на јаглерод веќе добија поддршка од стартапите на Силиконската долина, јавните службеници загрижени за бавното намалување на емисиите, но и компаниите со високи емисии заинтересирани за нивно намалување.

Оваа технологија сè уште не е комерцијално исплатлива. Отстранувањето јаглерод може да чини повеќе од 300 долари по тон јаглерод, во свет кој произведува 50 милијарди тони јаглерод диоксид годишно. Научниците проценуваат дека 10 милијарди тони јаглерод ќе треба да се отстранат до 2050 година, пишува Ројтерс.

„Мислам дека е една од оние работи за кои е потребно време да се најде вистинското решение“, рече Маск.

„И особено за да дознаам кое е најдоброто економско решение за отстранување на СО2“.

Конкурсот за отстранување на јаглероден диоксид на Маск има за цел да најде решение за отстранување на илјадници тони од атмосферата секоја година, со потенцијал за надградба.

Оние кои аплицираат мора да имаат план за отстранување на јаглерод за најмалку сто години. Организаторите најавија дека ќе ги разгледаат апликациите до средината на мај.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Кошарка

АБА-лигата бара нови судии: Познати услови и рокот за пријавување

Регионалната кошаркарска АБА-лига распиша конкурс за нови судии кои во иднина би можеле да ја делат правдата во регионалното кошаркарско натпреварување.

Право на пријавување имаат судии кои имаат најмалку 25 години и пет сезони искуство на највисокото ниво од домашното првенство или на меѓународната сцена.

Од кандидатите се очекува добро познавање на англискиот јазик и соодветна физичка подготвеност, а сите пријавени ќе треба да поминат низ неколку стручни проверки.

Процесот на селекција ќе вклучува тест за правилата на кошарката, анализа на спорни и карактеристични ситуации од натпревари, проверка на познавањето на англискиот јазик, физичко тестирање и интервјуа со кандидатите.

Заинтересираните судии можат да поднесат пријави најдоцна до 21 септември, до 15:00 часот.

Регионалното натпреварување исто така ги објави судиските хонорари за сезоната 2026/27, кратко откако во јавноста се појавија информации дека Здружението на судии на АБА-лигата побарало значително подобрување на материјалната и правната положба на судиите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Австралија нареди отстрел на ајкула поради напад, потрагата по телото на пливачот продолжува

Мажот кој вчера наутро загина во напад од ајкула на плажата Соренто во Перт, Австралија, е идентификуван како 63-годишниот Грег О'Нил.

Тој пливал близу до брегот кога бил нападнат од голема бела ајкула.

Неговото семејство го опиша како посветен татко и сопруг и голем љубител на океанот, пренесува ABC News.

„Нашето семејство е длабоко потресено и скршено од ужасната трагедија во која животот го загуби еден татко, иден дедо, брат, вујко, сопруг и пријател – Грег Џејмс О'Нил“, се вели во соопштението на семејството.

„Тој беше великодушен и посветен семеен човек кој на своите деца им пружаше огромна љубов, внимание и можности. Грег го сакаше океанот и беше страстен пливач, љубител на спортот, посветен работник и, пред сè, великодушен и духовит човек. Длабоко сме благодарни за сите изрази на сочувство и поддршка што ги добивме.“

A swimmer was taken by a shark while on a morning swim with a mate. The victim was just metres from shore, when the giant predator attacked. https://t.co/Y4wWOxYbvd
— 7NEWS Queensland (@7NewsBrisbane) September 18, 2026

Министерката за рибарство на Западна Австралија, Џеки Џарвис, издаде налог за фаќање и убивање на ајкулата. Сепак, таа нагласи дека не смета оти е соодветно да се спроведе поширока акција за нивно истребување по овој инцидент.

Плажите во северните предградија на Перт и денес остануваат затворени додека продолжува потрагата по ајкулата и по телото на жртвата, О'Нил.

Министерката Џарвис објаснила дека одлучила да издаде налог за уништување откако полицијата успеала да ја идентификува ајкулата пред таа да отплива.

„Ја донесов одлуката земајќи ги предвид вонредните околности на нападот, опасноста што ја претставуваше таа ајкула и можноста за прибирање докази за истрагата на судскиот вештак“, изјави Џарвис.

Џарвис забележува дека ова е првпат по десет години во Западна Австралија да се издаде налог за фаќање и убивање ајкула, но нагласува дека масовното истребување на големите бели ајкули не е решение во овие околности. „Големите бели ајкули се меѓународно заштитеен вид. Тоа не значи дека ќе ги истребиме сите грабливци во океанот. Не сакам да им давам на луѓето лажно чувство на сигурност, бидејќи е невозможно целосно да се елиминира секој ризик“, изјави таа.

Досегашната стратегија на Западна Австралија се потпираше на обележување и следење на ајкулите, апликации за предупредување, сирени, заштитни мрежи и лични уреди за одвраќање на ајкули. Министерката најави дека владата ќе ги преиспита постоечките мерки.

Тагови: Австралија ајкула

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Путин: Русија нема агресивни намери кон Европа

Русија нема агресивни намери кон Европа и е подготвена да ги обнови односите и да соработува со своите европски соседи, изјави рускиот претседател Владимир Путин.

Говорејќи на состанокот на Воено-индустриската комисија во петокот, Путин обвини одредени европски лидери дека се подготвуваат за војна со Русија и тврдеше дека тие ги користат конфликтот во Украина и наводната руска закана за да ги оправдаат своите политики.

„Сакам уште еднаш да нагласам: Русија нема агресивни намери кон Европа или кон европските земји“, истакнал Путин. „За тоа едноставно нема никаква основа. Подготвени сме за соработка и за обновување на односите со нашите европски соседи.“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.