Ова легендарно име, кое последен пат беше на пазарот во 2001 година, се враќа со модерен хибриден погон и нови технологии.

Деталите за новиот модел се уште не се познати, но познато е дека Prelude ќе користи варијација на актуелниот хибриден систем на Honda. Комбинацијата вклучува 2.0-литарски бензински мотор и два електромотори. Едниот електричен мотор функционира како генератор, додека другиот помага при возење на предната оска. Иако моќта на овој систем се уште не е откриена, се очекува да обезбеди импресивни перформанси.

Honda потврди дека Prelude ќе доаѓа со нов систем за пренос. Додека сегашните хибриди Civic и HR-V се познати по нивното непречено возење, нивните менувачи, кои се потпираат на поголема електрична контрола наместо конвенционален менувач, не го нудат истото чувство на интеракција како мануелните или автоматските менувачи.

За да го реши тој проблем, Honda го разви системот Honda S+ Shift. Иако не е рачен менувач, овој систем го симулира звукот и чувството на брз автоматски менувач, слично на она што го прави Hyundai со Ioniq 5 N. Ова ќе им овозможи на возачите да уживаат во подинамично возење со дополнително чувство за контрола.

Првата генерација на моделот Prelude беше лансирана пред 46 години, а производството траеше до 2001 година. Враќањето на овој модел означува 24-годишен прекин од производството.

„Honda Prelude е легендарно име, а најновиот модел ќе го продолжи тоа наследство со нашите хибридни перформанси и најновата технологија. Не само што ќе испорача одлична ефикасност, туку ќе понуди и забавни перформанси за возење како што е познат овој модел, ние сме возбудени поради неговото пристигнување во Европа“, изјави Ханс де Јегер, виш потпретседател на Honda Motor Europe.

Иако Prelude не се произведува од 2001 година, Honda слави 25 години иновации во хибридната технологија. Нивниот прв модел за масовно производство беше аеродинамичниот Honda Insight, кој беше лансиран во декември 1999 година. Денес, сите модели на Honda во Европа – Jazz, Civic, HR-V, ZR-V и CR-V – стандардно доаѓаат со eHEV хибриден погон.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.