Гувернерот на Калифорнија одби условно ослободување на убиецот на Роберт Кенеди

Гувернерот на Калифорнија го одби барањето на Сирхан Сирхан, убиецот на Роберт Кенеди, за условно ослободување, иако специјалната комисија летоска даде одобрение за тоа.

Гувернерот Гевин Њусом рече дека 77-годишниот затвореник и понатаму е „закана за јавната безбедност" и дека не сака „да ја преземе одговорноста за тоа злосторство", се вели во соопштението на неговата канцеларија.

Сирхан Сирхан беше прогласен за виновен на 17 април 1969 година, за убиството на сенаторот од Њујорк, помлад брат на Џон Фицџералд Кенеди. Тој беше осуден на смрт, но во 1972 година неговата казна беше променета во доживотен затвор благодарение на краткорочното укинување на смртната казна во Калифорнија.

Во август 2021 година, Одборот за условно ослободување во Калифорнија конечно го одобри ослободувањето на Сирхан, откако го одби петнаесет пати.

Одлуката потоа се испраќа до гувернерот кој може да ја одбие или измени.

„Убиството на сенаторот Кенеди од страна на Сирхан е меѓу најозлогласените злосторства во американската историја", напиша гувернерот Њусом во изјавата. „По децении поминати во затвор, тој допрва треба да ги исправи мааните што го наведоа да го убие сенаторот Кенеди. Сирхан не е доволно присебен да не ја донесе истата опасна одлука повторно", додаде тој.

Палестинскиот имигрант Сирхан Сирхан го уби „Боби" Кенеди во хотелот „Амбасадор" во Лос Анџелес додека водеше кампања за претседателски кандидат на Демократската партија. Повредени беа пет лица.

Тогаш убиецот го оправда својот чин со поддршката на Кенеди за продажба на воени авиони на Израел.

Во претходната апликација за условно ослободување што ја поднесе во 2016 година, Сирхан рече дека пиел премногу таа вечер и дека би сакал „ништо да не се случило". Тој исто така рече дека адвокатот го навел да го признае делото во текот на судењето, кој му давал лоши совети и го убедил дека е виновен.

Американските телекомуникациски компании ги одложуваат услугите во 5G мрежата

Извршните директори на големите американски авиокомпании предупредија на непосредна „катастрофална“ воздухопловна криза откако „AT&T“ и „Verizon“ ќе воведат услуги на 5G мобилните мрежи.

Американските телекомуникациски компании „AT&T“ и „Verizon Communications“ се согласија да го одложат воведувањето услуги во 5G мрежата, одложувајќи го вклучувањето на базните станици во близина на клучните аеродроми за да се спречат прекини во сообраќајот.

Извршните директори на големите американски авиокомпании предупредија на непосредна „катастрофална“ воздухопловна криза откако „AT&T“ и „Verizon“ ќе воведат услуги на 5G мобилните мрежи.

„Ќе има хаос меѓу авиокомпаниите“

Новата услуга би можела да направи значителен број авиони со широки трупови неупотребливи, оставајќи „десетици илјади Американци заробени во странство“ и „хаос“ на летовите во Соединетите Држави, соопшти здружението „ Airlines for America“.

Федералната управа за авијација (FAA) предупреди дека потенцијалните пречки може да влијаат на чувствителните инструменти во авионот, како што се висиномерите, и значително да го попречат летањето со слаба видливост.

Поради тоа, „Verizon“ одлучи да го одложи вклучувањето на петстотини базни станици во близина на аеродромите, помалку од 10 отсто од планираниот број, додека не се најде трајно решение, изјавија извори во вторникот. Деталите за договорот за одложување не се објавени и не се знае кога ќе бидат вклучени базните станици.

Изложба на дела од Владимир Темков во Кавадарци

„Виножито" е насловена ликовната изложба што вечерва е отворена во Музеј галеријата во Кавадарци. Претставени се дела од ликовниот уметник Владимир Темков.

Директорката на Музејот, Весна Ѓорѓиева посочи дека се презентирани педесетина дела со спектар од боите на виното и житото.

За 40-годишното ликовно творештво на Темков, говореше Трајче Цветков, виш кустос историчар на уметност при Музејот.

-Тој припаѓа во редот на хиперактивните сликари, кои секојдневно работат и по 12 часа во своите ателјеа. За тоа сведочат и над 100 самостојни и групни изложби во нашата земја и насекаде низ светот. Иако во неговиот богат творечки опус има повеќе фази, сепак има една нагласена универзална симболика за убавините на својот роден крај, истакна Цветков.

На љубителите на уметноста им се обрати и самиот автор, кој денеска слави роденден.

Темков е роден во Кавадарци во 1959 година. Педагошка академија, Факултет за ликовни уметности и магистерски студии завршил во Скопје.

– Има работено на повеќе работни позиции, меѓу кои и референт за култура, директор на Младински дом „Младост", директор на Дом на култура „Иван Мазов – Климе", потоа ја има извршувано функцијата претседател на Комисија за култура на бивша СФРЈ и тн. Во својата досегашна плодна уметничка кариера има реализирано повеќе проекти и интервенции од областа на уметноста и учествувано на повеќе меѓународни конференции. Има реализирано над 50 самостојни изложби, учествувано на многубројни групни изложби како и ликовни колонии, стои во неговата биографија.

Фото: „BMW“ се простува од „V12“ моторот во голем стил

Последните 12 примероци ќе бидат произведени ова лето.

„BMW“ уште претходно најави крај за моќниот „V12“ мотор, по 35 успешни години. Крајот на едната еда ќе биде обележан со специјална ограничена серија од моделот „BMW M760i xDrive“ со ознака „Final V12“.

Во рамките на оваа серија ќе бидат направени само 12 примероци од најмоќниот модел во серија 7 а сите автомобили се резервирани за американскиот пазар.

Засновата на стандардниот „BMW-u M760i xDrive“, верзијата „Final V12“, ќе има единствени ознаки на надворешноста и во ентериерот, потоа ексклузивни тркала и широк спектар за опции за персонализација на возилото по желба на купувачот.

Под хаубата се разбира се наоѓа 6.6 литарскиот „V12“ мотор со 609 КС. СИлата на сите четири тркала се пренесува преку 8-степен автоматски менувач.

Сите возина ќе бидат нумерирани со броеви од 1 до 12 а производството започнува во јуни 2022 година додека автомоблите кај своите сопственици ќе пристигна во јули.

Цената стартува од 200.000 долари.

притисни ентер