Новото спортско Ауди ќе се произведува врз платформа на Порше (ФОТО) - Канал 5

Новото спортско Ауди ќе се произведува врз платформа на Порше (ФОТО)

Porsche потврди дека претстојниот електричен спортски автомобил на Audi ќе ја користи платформата развиена за следната генерација 718 Boxster и Cayman. 

Новото спортско Ауди ќе се произведува врз платформа на Порше (ФОТО)

Информацијата дојде од невообичаено директен говор за време на состанокот за деловните резултати, каде што финансискиот директор на Porsche, Јохен Брекнер, ги откри деталите за соработката со Aуди.

Брекнер објасни дека Порше ја нуди својата платформа за проект што Audi интерно го нарекува C-Sport. „Ние ја нудиме нашата електрична платформа за 718 Boxster и Cayman, кои излегуваат следната година, за проект на Audi. Тие интерно го нарекуваат C-Sport, а ние ќе бидеме платени за тоа. Очекуваме тие пари во 2027 година“, рече Брекнер.

Основата на Porsche за спортскиот модел на Audi

Оваа изјава официјално го потврди она што се шпекулираше повеќе од една година. Даниел Шустер, портпарол на Audi за технички развој, претходно навести дека автомобилот ќе користи платформа што ќе се споделува во рамките на Volkswagen Group, а Porsche сега разјасни за која архитектура станува збор. Соработката е дел од поширок план за споделување на трошоците за развој и технологија во рамките на групата. Резултатот ќе биде електричниот спортски автомобил на Audi позициониран помеѓу поранешните модели TT и R8.

Споделувањето на платформата е логичен потег за трите модели што ќе се произведуваат во ограничени серии. Развивањето посебна архитектура за спортски автомобили е многу скапо, особено за електричните возила каде што поставувањето на батериите, ладењето и масовна дистрибуција претставуваат дополнителни предизвици.

Со споделување на хардверот, Porsche и Audi можат да ги распределат трошоците, додека секој автомобил ќе го задржи својот идентитет преку дизајн, подесување на суспензијата и моќност на моторот. Партнерството не е еднонасочно, бидејќи идниот Macan со мотор со внатрешно согорување повторно ќе биде базиран на моделот Q5 на Audi.

Три автомобили, три верзии

Додека новата генерација на Boxster и Cayman ќе го задржи платнениот или фиксен покрив, верзијата на Audi ќе има електричен тарга покрив. Производствениот модел базиран на концептот C ќе биде првиот Audi во историјата со такво решение, каде што двата панели на покривот се складираат под задниот капак.

Техничките спецификации сè уште не се објавени, но се знае дека Porsche ќе ги постави батериите на местото каде што се наоѓал бензинскиот мотор кај постарите модели 718. Таквиот пристап овозможува пониска положба за седење и подобра распределба на тежината. Плановите вклучуваат и систем за симулација на менување брзини и вештачки звук на моторот.

Спецификации и димензии

Audi Concept C беше претставен со погон на задните тркала и еден мотор, а компанијата потврди дека платформата може да поддржи и мотор напред за quattro погон. Концептот тежеше 1.690 килограми. Што се однесува до димензиите, Concept C е долг 4.520 милиметри, широк 1.970 mm и висок 1.285 mm. Овие пропорции го прават малку поголем од моделот R8, па се очекува дека сериската верзија ќе биде значително поголема од моделот TT.

Нов дизајнерски почеток за Audi

Concept C за Audi претставува повеќе од враќање на спортски двосед во гамата. Тој го означува почетокот на нов дизајнерски јазик што ќе ги обликува идните модели на брендот, и надворешно и внатрешно. Компанијата најавува целосен пресврт во дизајнот на ентериерот по години доминација на големите екрани и контролите чувствителни на допир.

Новата насока става помал акцент на екраните, а повеќе на физичките копчиња и прекинувачи и материјалите со повисок квалитет, вклучувајќи го и вистинскиот метал. Во суштина, проектот не е само за создавање привлечен електричен спортски автомобил, туку и за редефинирање на идентитетот на брендот, дури и ако е базиран на технологијата на Porsche.

Porsche веќе потврди дека ќе ги претстави новите електрични Boxster и Cayman следната година, но не е познато дали обете верзии ќе пристигнат истовремено. Производната верзија на Concept C на Audi треба да дебитира во 2027 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фото: Ретко кој го забележа шеширот покрај бујното деколтет!

Од шеширот едвај се гледа, но градите сепак „штрчат“, дали знае некој која е оваа убавица?

Фото: Ретко кој го забележа шеширот покрај бујното деколтет!

Раперката Карди Б не пропушти прилика повторно да ги покаже своите прекрасни бујни облини – но и својот префинет вкус за мода и модни трендови.

Синоќа во Лос Анџелес се одржа 17-тото доделување на наградите „Гувернерс“ (Governors Awards), настан на кој присуствуваа бројни ѕвезди.

Американската раперка Карди Би не ја пропушти можноста да заблеска на овој настан, воодушевувајќи ги сите присутни со своето модно издание.

За хуманитарниот настан, таа му ја довери довербата на модниот дизајнер Тамара Ралф и облече нејзин фустан од висока мода. Како што може да се види, белиот фустан, кој е кроен со нагласен струк, ја истакна нејзината витка фигура, но истовремено ги нагласи и нејзините бујни гради.

Интересен беше и делот на стомакот – златниот елемент во стил на корсет, кој на целата креација ѝ даде нота на модерен гламур.

Сепак, главниот акцент во стајлингот беше преголемата шапка, која совршено се вклопи во оваа комбинација и го претвори целокупниот изглед на раперот во уметничко доживување.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

НБА инвестира милијарди во европската кошарка !

Најсилното светско кошаркарско првенство, НБА планира да инвестира милијарди долари во создавањето на нова европска кошаркарска лига, во која сака да ги вклучи најголемите фудбалски клубови од Стариот континент.

НБА инвестира милијарди во европската кошарка !

НБА не се откажува од идејата за започнување ново кошаркарско натпреварување на Стариот континент, а амбициите на американската организација стануваат сè поголеми.

Според информациите на британскиот „Скај њуз“ (Sky News), планот е да се формира огромен инвестициски фонд кој би располагал со милијарди долари. Средствата првенствено би биле наменети за изградба на модерни спортски сали, развој на инфраструктурата и привлекување на големи европски клубови.

Целта на НБА е да создаде натпреварување кое ќе ги обедини најпознатите спортски брендови во Европа и ќе стане сериозен конкурент на Евролигата.

Посебно внимание привлекува списокот на клубови што американската организација сака да ги вклучи во проектот. Меѓу нив се Реал Мадрид, Барселона, Милан и Пари Сен Жермен. Идејата е овие фудбалски гиганти да добијат свои кошаркарски франшизи и да ја искористат својата постоечка популарност за развој на нов спортски производ.

НБА особено смета на британскиот пазар, па Лондон и Манчестер веќе се споменуваат како потенцијални градови домаќини за нови тимови. Ова би му дало дополнителна комерцијална вредност на европскиот проект и би ја отворило вратата кон пазар каде што кошарката сè уште ја нема популарноста што ја ужива фудбалот.

Сепак, реализацијата на еден ваков голем потфат нема да биде едноставна. Дел од потенцијалните инвеститори се загрижени поради огромните трошоци за започнување на натпреварувањето, но и поради неизвесноста во однос на неговата долгорочна профитабилност.

Инаку, НБА претходно се обиде да најде заеднички јазик со Евролигата, но договор меѓу двете страни не беше постигнат. По неуспешните преговори, американската организација продолжи да ја развива идејата за посебно европско натпреварување, со поддршка од ФИБА.

Доколку планот се реализира, европската клупска кошарка би можела да влезе во сосема нова ера, со огромни финансиски вложувања и доаѓање на некои од најголемите спортски имиња.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Ле Пен потврди дека ќе ја укине финансиската помош за Украина доколку победи на изборите

Марин Ле Пен, лидерката на француската крајнодесничарска партија „Национален собир“, денеска потврди дека ќе ја прекине финансиската помош за Украина доколку победи на претседателските избори следната година.

Ле Пен потврди дека ќе ја укине финансиската помош за Украина доколку победи на изборите

Таа ја даде оваа изјава по средбата со украинскиот амбасадор во Париз, пренесува „Еуроњуз“ (Euronews).

Ле Пен изрази жалење што состојбата со француските јавни финансии не дозволува продолжување на финансиската помош за Украина, но нагласи дека Франција ќе испочитува дел од своите претходно преземени обврски.

Според анкетата на агенцијата „Елаб“ (Elabe), објавена на 14 ноември, Ле Пен моментално ужива поддршка од околу 32 отсто од гласачите пред претседателските избори во 2027 година. Жан-Лик Меланшон, од крајнолевичарската партија „Непокорена Франција“, има поддршка од околу 17 отсто.

Во пресрет на петтата годишнина од почетокот на руската инвазија врз Украина, партијата „Национален собир“ издаде соопштение во кое се наведува дека Франција не може да продолжи да ѝ дава финансиска помош на Украина, иако ќе ги испочитува постојните обврски. Тие вклучуваат европски заем за Украина во износ од 90 милијарди евра, донации на опрема, хуманитарна помош и поактивен дипломатски ангажман.

Ле Пен ја опиша својата средба со украинскиот амбасадор во Франција, Вадим Омелченко, како срдечна. Таа изјави дека тоа била можност повторно да ја потврди својата поддршка за Украина. Нејзините изјави повторно покренаа прашања во врска со минатите врски на нејзината партија со Русија. Во 2017 година, Ле Пен се сретна со рускиот претседател Владимир Путин во Кремљ, а нејзината партија претходно имаше земено заем од руска банка – долг што беше целосно отплатен во 2023 година.

Според соопштението од партијата „Национален собир“, Ле Пен и украинскиот амбасадор воделе отворен разговор за иднината на војната.

Ле Пен нагласи дека постигнувањето мир – колку и да е тешко – мора да остане приоритет за сите. Нејзините политички противници предупредуваат дека инсистирањето на брз крај на војната би можело да ја принуди Украина да прифати неповолни услови во мировниот договор.

За време на денешната средба, Ле Пен побара од украинскиот амбасадор да му пренесе на претседателот Володимир Зеленски дека таа е подготвена да разговара со него во Париз или Брисел. Сепак, таа не спомна ништо за можноста да отпатува во Киев, иако Зеленски претходно ја покани да го посети украинскиот главен град.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер