Грција на удар на „Инес“ - се очекува и африкански песок - Канал 5

Балкан

Грција на удар на „Инес“ - се очекува и африкански песок

Бурата Инес, како што ја нарече италијанската метеоролошка служба, се движи кон Грција и се очекува да предизвика значително влошување на времето.

Грција на удар на „Инес“ - се очекува и африкански песок

Системот се движи североисточно од брегот на Тунис и се очекува да остане во Грција од денеска до сабота, објави порталот „Крета пост“.

Метеоролозите ја објавија временската прогноза и кои делови од Грција ќе бидат погодени од бурата.

Во ноќта помеѓу четврток и петок се очекуваат обилни врнежи од дожд и бури во областите Кефалонија, Закинтос, Итака, како и во северозападниот Пелопонез, западна и централна Тесалија.

Од петок наутро до вечерта се очекуваат бури во Јонското Море, а ќе бидат погодени регионот на Крф, Паксос, Левкас, Епир, западна Стера и северот на Грција.

Од петок попладне до сабота наутро се очекуваат обилни врнежи од дожд и бури во Тракија и североисточниот Егеј, со особено влијание врз областа Лемнос.

Бурни југоисточни ветрови се очекуваат во Егејското Море и Крит во петок, а попладне ќе дуваат и во Јонското Море и јужен Пелопонез.

Се очекува силни ветрови да донесат африкански песок во јужна Грција, особено на Крит, Кикладите, Додеканезите и јужен Пелопонез.

Тагови: грција песок

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Интерпелација за работата на министерот за внатрешни работи Панче Тошковски

Денеска на собраниска седница е  интерпелацијата за работата на министерот за внатрешни работи Панче Тошковски поднесена од пратениците од опозицијата.

Интерпелација за работата на министерот за внатрешни работи Панче Тошковски

Го обвинуваат министерот Тошковски за креирање на „приватна партиска полиција заради владино прикривање и таргетиран политички реваншизам кон опозицијата“; командна одговорност за полициските пропусти кои доведоа до трагедијата во Кочани; непостапување на македонската полиција во случаи на семејно, врсничко и родово базирано насилство и говор на омраза. Меѓу другото, забележуваат и за, како што наведуваат, непрофесионални „двојни стандарди“ при постапувањето на полицијата со различно однесување за исти или слични случаи проследено со злоупотреба на овластувањата при употреба на сила. Ова е трета интерпелација за министерот Тошковски.

Тагови: Панче Тошковски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Денеска официјално ќе биде промовирана „Везилка“ – првиот центар за вештачка интелигенција во земјава

Денеска  официјално ќе биде промовирана „Везилка“ – првиот центар за вештачка интелигенција во земјава. 

Денеска официјално ќе биде промовирана „Везилка“ – првиот центар за вештачка интелигенција во земјава

Проектот е воспоставен во рамки на европската заедница за пресметување со високи перформанси, кофинансиран од Европската унија и координиран од факултетот за компјутерски науки и инженерство при УКИМ во соработка со министерството за дигитална трансформација.

Проектот е од важност за зајакнување на дигиталниот суверенитет, забрзување на дигиталната трансформација, поттикнување на иновациите во јавната администрација, подобрување на одлучувањето засновано на податоци и создавање можности за истражување, претприемништво и технолошки развој. Има за цел и да ја зајакне соработката меѓу институциите, универзитетите, истражувачките центри, организациите на граѓанското општество и деловната заедница.

Тагови: Везилка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Минчев ќе оствари билатерална средба со министерката за јавна администрација и локална самоуправа на Србија

Министерот за јавна администрација на Република Македонија, Горан Минчев, ќе оствари билатерална средба со министерката за јавна администрација и локална самоуправа на Република Србија.

Минчев ќе оствари билатерална средба со министерката за јавна администрација и локална самоуправа на Србија

Средбата се организира со цел размена на искуства и унапредување на соработката во областа на јавната администрација.

По завршувањето на билатералната средба, двајцата министри ќе дадат изјави за медиумите.

Кабинет на Министер за Јавна Администрација

Тагови: Минчев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер