Кефалојани за законот за кампери и приколки: Она што важи во цела Европа, сега важи и во Грција - Канал 5

Балкан

Кефалојани за законот за кампери и приколки: Она што важи во цела Европа, сега важи и во Грција

Можеш да застанеш да купиш нешто, да одиш на плажа, но не и да преноќиш каде што сакаш, ова е нешто што се подразбира, правилата што важат во цела Европа, сега важат и во Грција и велиме „не“ за злоупотребата на јавниот простор.

Кефалојани за законот за кампери и приколки: Она што важи во цела Европа, сега важи и во Грција

Можеш да застанеш да купиш нешто, да одиш на плажа, но не и да преноќиш каде што сакаш, ова е нешто што се подразбира, правилата што важат во цела Европа, сега важат и во Грција и велиме „не“ за злоупотребата на јавниот простор, истакна министерката за туризам на Грција Олга Кефалојани во интервју за државната телевизија ЕРТ, говорејќи за измените во законот што се однесуваат на паркирање приколки, полуприколки и кампери, тема за која постоеја реакции во земјата, јави дописничката на МИА од Атина.

Кефалојани објасни дека законот „што става крај на беззаконието“ беше изгласан во јануари, а не пред почетокот на туристичката сезона, нагласи дека имаше дискусија во Парламентот и доби зелено светло и од опозициските партии.

Паралелно посочи дека веќе 50 години во земјата постои рамка за тоа како функционира системот со камперите и приколките, објаснувајќи дека не беше направена некоја промена во однос на ова, туку беше разјаснето каде е дозволено паркирање на овие возила.

- Министерството со овој закон става крај на беззаконието, бидејќи не може на некои да им се дозволува опсада на јавниот простор. Не може државата да не се грижи, да не постои ограничување на слободата на жителите и посетителите, не може државата да не го штити јавниот интерес, јавниот простор, природното богатство на земјата, рече Кефалојани.

Додаде дека за паркирањето на камперите и камп приколките важи она што е предвидено со Законот за безбедност во сообраќајот, а се осврна и на туристите од странство, кои Грција ја посетуваат со приколки.

- Она што важи во нивните земји важи и тука. Не разбирам зошто во Грција некој би можел да оди на плажа, во шума или на археолошко наоѓалиште. Не сфаќам зошто некои треба да имаат поголеми права во однос на јавниот простор. Јавниот простор е за сите, посочи министерката.

Како што објави МИА пред десет дена, со конкретниот закон изгласан во јануари е забрането поставување шатори и паркирање приколки, полуприколки и кампери на археолошки локалитети, крајбрежни делови, плажи, на рабови на јавни шуми и општо на јавни површини, а за прекршувањето предвидена е казна затвор до три месеци или парична казна од 300 евра по лице или по шатор или по превозно средство.

Конкретната тема во Грција се актуализираше откако на Пелопонез тројца кампери добиле казната од 300 евра за непрописно паркирање на бесплатен јавен општински паркинг на кој, според медиумите, немало никаква ознака со која се забранува паркирање на кампери во оваа област.

Неколку дена подоцна следеше и реакција од Министерство за туризам на Грција, од каде што преку соопштение објаснија дека „граѓаните/посетителите со кампери можат да паркираат во организирани кампови, односно во бизниси кои работат легално и ги исполнуваат сите хигиенски и безбедносни стандарди за посетителите и, генерално, законските урбанистички и еколошки стандарди, со што се става крај на злоупотребувачкото окупирање на шумите, плажите, археолошките локалитети и, генерално, на просторите за јавна употреба од кампери и приколки“.

Објаснија дека паркирањето на кампер возилата и приколките е регулирано со Законот за безбедност во сообраќајот според кој во населени места, паркирањето на приколки, каравани и чамци е забрането повеќе од 24 последователни часа и дека „можат да се паркираат во соодветни оградени области одредени од надлежните општини или заедници“.

Тагови: грција приколки

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

„Apple“ ја менува долгогодишната традиција: Новиот „iPhone“ добива промена што никој не ја сака

„Apple“ со години избегнуваше да се натпреварува со конкурентите на „Android“ во капацитетот на батеријата, но со доаѓањето на серијата „iPhone 18“, работите драстично се менуваат.

„Apple“ ја менува долгогодишната традиција: Новиот „iPhone“ добива промена што никој не ја сака

Иако неколку месеци не делат од официјалната премиера на новата генерација телефони на „Apple“, веќе циркулираат инсајдерски информации. Според податоците од кинеската регулаторна база на податоци „3C“, објавени од познатиот типстер „Digital Chat Station“, „iPhone 18 Pro Max“ ќе има значително поголема батерија, но затоа ќе биде значително подебел и потежок.

Поради зголемените барања за вештачка интелигенција (Apple Intelligence), компанијата е принудена да ја промени својата филозофија за тенок дизајн. Новиот „iPhone 18 Pro Max“ наводно доаѓа со масивна батерија со капацитет од дури 5.567 mAh (во eSIM верзијата). За споредба, претходниот „iPhone 17 Pro Max“ имаше батерија од 5.088 mAh. Помалиот „iPhone 18 Pro“ исто така ќе добие сериозно подобрување, чиј капацитет се зголемува на 4.288 mAh.

Отстранувањето на слотот за физичка SIM картичка ослободува вреден простор во куќиштето за дополнителни милиампер-часови. Кога овој хардверски скок ќе се комбинира со новата генерација енергетски ефикасни чипови „A20 Pro“ (направени на 2nm процес), аналитичарите предвидуваат дека „iPhone 18 Pro Max“ би можел да понуди најдобра автономија во историјата на паметните телефони, што би можело да им конкурира на „Android“ телефоните со батерии од дури 7.000 mAh.

Фото: ВИ

Извор: Б92

Тагови: Apple

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Хорор на градилиште во Брисел: Безживотни тела пронајдени во лифт

Неколку лица загинаа во пожар на градилиште во Брисел денес, додека потрагата по уште шест исчезнати е во тек, соопштија локалните власти.

Хорор на градилиште во Брисел: Безживотни тела пронајдени во лифт

Телевизијата „VRT“ објави дека повеќето од приближно 200 работници биле евакуирани откако избувнал пожарот.

Портпаролот на локалниот инспекторат за труд изјави дека голем број тела се пронајдени во еден од двата лифтови на голем проект за реновирање на „Place de Brouckere“, каде што пожарот избувна рано утрово.

Сепак, тој не прецизираше за колку тела станува збор.

Тој додаде дека сè уште не е јасно дали телата на исчезнатите работници се пронајдени.

Тагови: Брисел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Падна Владата на Украина

Украинскиот парламент, Врховната рада, денес ја прифати оставката на премиерката Јулија Свириденко.

Падна Владата на Украина

Целата украинска влада со тоа автоматски поднесе оставка заедно со премиерката, а 258 пратеници гласаа за нејзино усвојување, објавува Укринформ.

Свириденко претходно им се заблагодари на пратениците во своето обраќање пред парламентот за нивната заедничка работа во текот на целата година и на украинскиот претседател Володимир Зеленски за довербата што ѝ ја покажаа, објавува агенцијата.

Претседателот на украинскиот парламент, Руслан Стефанчук, вчера објави на Фејсбук дека оставката на премиерката Јулија Свириденко стигнала до украинскиот парламент.

„Благодарен сум на Јулија Анатолиевна за нејзината работа на чело на владата во исклучително тежок период за земјата, нејзиниот придонес во зајакнувањето на економијата, поддршката на граѓаните и напредокот на нашата земја на патот кон Европската унија. Ѝ посакувам успех во понатамошната работа“, додаде претседателот на украинскиот парламент.

Зеленски претходно најави реорганизација на Кабинетот на министри како дел од спроведувањето на нова политичка стратегија и промената на раководителите на безбедносните и судските институции.

На 17 јули 2025 година, Врховната Рада го поддржа назначувањето на Јулија Свириденко за премиер на Украина.

Според извори на „Укринформ“, гласањето во парламентот за назначување на нова влада се очекува да се одржи на 16 јули.

Дотогаш, првиот заменик-премиер, поранешниот премиер Денис Шмигал, привремено ќе ја извршува функцијата шеф на владата.

Фото: ВИ

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер