Грчките медиуми за посетата на Дендиас на Скопје - Канал 5

Балкан

Грчките медиуми за посетата на Дендиас на Скопје

„ЕРТ", се осврна и на средбите на Дендиас со премиерот Заев и претседателот Пендаровски, споменувајќи ја неговата претстојна посета на Атина, „која ќе биде прва посета на Грција на претседател наМакедонија".

Грчките медиуми за посетата на Дендиас на Скопје

Вчерашната реконструкција на грчката Влада и неочекуваната разврска со одбивањето на Евангелос Апостолакис да ја преземе министерската функција, иако во текот на вчерашниот ден беше главна тема во медиумите во Грција, сепак во вечерните, централни изданија на вестите на дел од грчките телевизии, беше одвоено време и за посетата на Скопје на министерот за надворешни работи Никос Дендиас, јави дописничката на МИА од Атина.

Акцентот во телевизиските прилози беше ставен на пораките испратени за време на средбите, но и на ставот околу Договорот за соработка во одбраната потпишан неодамна меѓу Македонија и Турција.

Државната телевизија „ЕРТ" коментираше дека „политичката волја на Атина и Скопје да се имплементира Договорот од Преспа ја потврдија, за време на нивната средба во соседната земја, министрите за надворешни работи на Грција и Македонија".

„ЕРТ", се осврна и на средбите на Дендиас со премиерот Заев и претседателот Пендаровски, споменувајќи ја неговата претстојна посета на Атина, „која ќе биде прва посета на Грција на претседател наМакедонија".

Телевизијата „Open" коментираше дека посетата е во период кога Македонија потпишаа петгодишен договор за одбранбена соработка со Турција, нешто за што „Дендиас побара објаснување од Скопје".

-Според информациите, премиерот Зоран Заев, но и министерот за надворешни работи на Македонија Бујар Османи, го уверија Дендиас дека во суштина не е важен договор, се однесува само на обуката, а не за купување турски дронови и ја земаат предвид чувствителноста на Грција. Засега, објаснувањата ги прифати Никос Дендиас, но без ова да значи дека не се сфаќа улогата на Турција во регионот, рече новинарката од грчката телевизија.

Со сличен коментар беше и телевизијата „Мега" дека „Дендиас побара и доби објаснувања за прашањата што во Атина ги покрена Договорот за одбранбена соработка Северна Македонија- Турција", но и дека целта на посетата е „затоплување на односите со Македонија".

-Имплементација на Договорот од Преспа, продлабочување на економската соработка меѓу двете земји, како и европската перспектива на земјите од Западен Балкан, беа, меѓу другото, во фокусот на разговорите, објави „Мега".

Паралелно, во централните изданија на вестите на дел од грчките телевизии, беа пренесени и изјавите на шефовите на двете дипломатии, по нивната средба.

Посетата на Дендиас и средбите со државниот врв во Скопје, беа проследени и од онлајн изданијата на медиумите, но и од денешните изданија на весниците во Грција, пренесува МИА.

„Грција силен поддржувач на Македонија"; „Дендиас од Скопје: Западен Балкан никогаш повторно да не стане буре барут во Европа"; „Низа контакти на Дендиас во Скопје"; „Дендиас: Средба со Заев- разговор за инвестиции и Договорот од Преспа"; „Дендиас: Добивме појаснувања од С.Македонија за одбранбениот договор со Турција"; „Дендиас до Скопје: Иднината е европска – не за балканизација ", се дел од насловите во информативните портали во Грција,

Медиумите во Грција, потсетуваат дека ова е втора посета на Никос Дендиас на Скопје.

Од грчкото МНР, како што пренесува МИА, преку официјалниот „Твитер" профил информираа за средбите на Дендиас со премиерот Заев, претседателот Пендаровски и претседателот на Собранието, Џафери.

Билатералната соработка во економијата, инвестициите, трговијата, транспортот, енергетиката и справувањето со пандемијата, но и европската перспектива на регионот и имплементацијата на Договорот од Преспа, биле , според грчкото МНР темите во фокусот на средбата Заев – Дендиас, а со Џафери станало збор за соработката на парламентарно ниво.

За средбата со претседателот Стево Пендаровски, објавија дека се разговарало за билатералните односи „во пресрет на претстојната официјална посета на претседателот Пендаровски на Атина, како и за имплементација на Договорот од Преспа" и за европската перспектива на Западен Балкан.

Освен со државниот врв, Дендиас и неговиот заменик задолжен за економска дипломатија Костас Франкојанис се сретнаа и со членовите на грчката бизнис заедница во Северна Македонија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Тркало отпадна од автомобил и со цела сила удри во момче, страшниот момент е снимен од надзорна камера (ВИДЕО)

Едноставна прошетка се претвори во драматичен инцидент за 19-годишник од Сантијаго, главниот град на Чиле.

Тркало отпадна од автомобил и со цела сила удри во момче, страшниот момент е снимен од надзорна камера (ВИДЕО)

Младиот човек безгрижно одел по тротоарот кога, од никаде, пред него се појавило тркало од автомобил и со голема брзина излетало од правец на улицата.

Тој поминал со полесни повреди

Снимка од надзорна камера го забележала драматичниот момент во кој момчето било соборено на земја од силата на ударот, по што загрижените сограѓани му се приближиле.

И покрај сè, 19-годишникот преживеал и бил пренесен во клиниката Санта Марија, каде што добил прва помош за повреди на челото, лицето и градите.

Надлежните органи го идентификувале возилото од кое се откинало тркалото, како и возачот, а започната е истрага за да се утврдат околностите на бизарниот инцидент.

Тркалото удрило и во два автомобила

Според изјавата на возачот, автомобилот бил паркиран во гаражата непосредно пред несреќата. Додека возел, едно од тркалата одеднаш се откинало, објавува Иефимерида.

Прво удри во два автомобила, потоа се одби и со голема брзина летна на широкиот тротоар на авенијата Лос Леонес. Во следниот момент, силно го удри 19-годишникот одзади, соборувајќи го на земја.

Тагови: момче тркало

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Апокалиптични снимки од Нов Зеланд: Десетици китови умираат на плажа (ВИДЕО)

Десетици китови-пилоти се пронајдени насукани на плажа на Северниот остров на Нов Зеланд, а спасувачите се обидуваат да ги вратат малкуте преживеани во морето, соопшти Одделот за заштита на природата.

Апокалиптични снимки од Нов Зеланд: Десетици китови умираат на плажа (ВИДЕО)

Најмалку 20 китови-пилоти се насукани по должината на брегот на Нгави, во близина на ’ртот Палисер, најјужната точка на Северниот остров, според „The Straits Times“.

Одделот соопшти дека соработува со локалното племе Маори и Проектот Џона, организација специјализирана за спасување на насукани китови. Досега, две животни се успешно вратени во морето.

Според локалните жители, дури 50 китови се насукале на брегот преку ноќ, објави Радио Нов Зеланд.

Повеќето од животните им подлегнале на повредите, додека волонтерите се обидуваат да ги одржат преживеаните китови во живот и да спречат нивно дехидрирање користејќи кофи со вода и крпи.

„Ужасно е. Оние што се уште се живи едвај дишат“, изјави жителот на Нгави, Роб Барг, за Радио Нов Зеланд.

Проектот Џона објави на Фејсбук на 5 ноември дека четири од китовите се уште се живи и дека спасувачите ќе се обидат да ги вратат во морето при плима. Насукувањето на китови е релативно честа појава во Нов Зеланд и соседна Австралија, поради големиот број китови-пилоти кои ги населуваат длабоките води околу двете островски земји. Причината за феноменот е сè уште непозната.

Тагови: китови Нов Зеланд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Лидер на секта е осуден на 200 години затвор поради убиство на 190 деца- одговорен е за смртта на 500 луѓе

Кенискиот суд денеска го осуди водачот на сектата Пол Мекензи на 200 години затвор за убиство на 190 деца кои биле изгладнети до смрт и закопани во шумата по негова наредба. 

Лидер на секта е осуден на 200 години затвор поради убиство на 190 деца- одговорен е за смртта на 500 луѓе

Тие се меѓу околу 500 лица осомничени дека се поврзани со едно од најлошите масовни ритуални злосторства во модерната историја.

Казната се состои од 100 години затвор за убиствата од глад и уште 100 години за директните убиства, изјави судијката Дијана Кавеџа читајќи ја пресудата, објави Ројтерс.

Обвинителството изјави дека Мекензи, кој водел апокалиптична христијанска црква во шума во близина на брегот на Индискиот Океан во источна Кенија, им рекол на своите следбеници да се изгладнат себеси и своите деца до смрт за да стигнат до рајот пред крајот на светот.

Неговите соучесници им се заканувале и ги тепале жртвите за да ги принудат да ги следат неговите наредби. Изгладнетите тела биле пронајдени расфрлани во плитки гробови и фрлени во тоалети. Некои жртви биле закопани живи.

Макензи, облечен во сива поло маица и црни панталони, се насмевна додека влегуваше во шатор поставен пред судот каде што се одржуваше рочиштето.

Тој ги негираше обвиненијата за убиство, велејќи дека не ги принудил жртвите да гладуваат. Судот ја отфрли неговата одбрана.

Татко загубил шест деца

Случајот ја шокираше Кенија во април 2023 година, кога полицијата почна да открива тела во шумата Шакахола, во близина на крајбрежниот град Малинди.

Иако судењето ги опфаќа само случаите на 190 деца и една возрасна жртва, Националната комисија за човекови права на Кенија вели дека вкупно 448 тела се пронајдени во шумата.

Макензи е обвинет и за наредба за убиства на 52 лица пронајдени на друга локација, во село оддалечено 30 километри, со што бројот на потенцијални жртви се зголеми на 500. Во тој случај, тој се изјасни за невин.

Размерот на убиствата е споредлив со апокалиптичниот култен злостор во кој загинаа повеќе од 700 луѓе во Уганда во 2000 година, како и масакрот во Џонстаун во Гвајана во 1978 година, кога американски водач на секта им наредил на повеќе од 900 луѓе да пијат отров.

Стивен Мвити, 48, татко на шесте деца на Мекензи кои биле жртви и сопруг на еден од неговите осудени соучесници, рече дека неговата сопруга ги однела децата во Шакахоле, каде што умреле од глад.

Дури и ако возрасните се согласат да постат, „што е со децата?“, праша Мвити за Ројтерс пред пресудата.

„Ги изгубив моите деца и нема да можам да ги вратам, без разлика што ќе се случи со Мекензи и неговите соучесници“, рече Мвити.

„Очекувам да биде осуден на смрт или доживотен затвор, за да не излезе никогаш и да предизвика повеќе смртни случаи.“

Ден Мекензи, еден од синовите на Пол, рече дека неговиот татко не го поштедил своето семејство.

„Не завршив во Шакахола затоа што повеќе не верував дека ќе одиме во рајот. Затоа ја напуштив црквата и почнав да си го правам своето“, изјави тој за Ројтерс.

„Исто така, изгубив пријатели, како и помлад брат. Ова е правда за луѓето што ги изгубивме таму во Шакахола.“

Важен чекор, но потребна е поголема одговорност

Макензи е на радарот на властите од 2017 година, кога полицијата изврши рација во неговите простории. Властите ја затворија неговата црква во Малинди во 2019 година, по што тој се пресели во блиската шума Шакахола.

Откритијата доведоа до повици за построги контроли врз религиозните групи

Кенискиот претседател Вилијам Руто назначи работна група во мај 2023 година за да ја разгледа законската и регулаторната рамка. Одделни предлози поддржани од владата и Сенатот беа објавени во 2024 година, но сè уште не се усвоени.

Оџиро Одиамбо, раководител на единицата за брза реакција во Комисијата за човекови права на Кенија, рече дека пресудата е важен чекор, но дека одговорноста мора да се прошири, бидејќи локалните администратори, полицијата, разузнавачките службеници и верските водачи се сметаат за одговорни за тоа што не постапиле по повторените предупредувања.

„Сите овие луѓе ги изневериле граѓаните“, рече тој.

Руто во 2023 година изјави дека како претседател ја преземал одговорноста за неуспехот на владата да спречи умирање на луѓе.

Тагови: затвор секта

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер