Македонија

Град Скопје со дрон ќе ги открива жариштата на загадувањето

Канал 5 заедно со инспекторатот на град Скопје на терен ја следеше примената на најсовременото летало кое врши 3Д мапирање на теренот за да се откријат од воздух сите црни точки од каде се и најпроблематичните извори на загадување.

Првиот лет ова летало го направи токму на Вардариште како една од најкритичните точки за извор на ПМ 10 честичките.

Од инспекторатот се пофалија дека бројот на изречени казни против загадувачи е двојно поголем споредено со октомври 2017.

Покрај ова поголема ефикасност од инспекторатот најавуваат со отворањето на можноста за гонење кривично и за откупувачите на материјали добиени со спалување како што се жици од кабли, од гуми и слично.

Линијата 193 е отворена за сите граѓани кои ќе забележат дека некој пали оган на отворено и загадува, без разлика дали се ниви, смет во диви депонии или лисја во дворовите.

Град Скопје покрај ова најави дека ја почнува и постапката за набавката на 30 до 40 еко автобуси за јавниот превоз кои треба да помогнат ЈСП да се вклучи во борбата со загадувањето.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Бура во Холандија одзеде живот: Дрво падна врз автомобил

Силна бура го погоди југот на Холандија, а едно лице загина во градот Бокстел откако дрво падна врз автомобил, додека во кампот во Рамсдонк е предизвикана голема материјална штета.

Јака бура на југот на Холандија собори дрво кое падна врз автомобил и го усмрти возачот во Бокстел, додека град во покраината Северен Брабант предизвика голема штета на камп во Рамсдонк, соопштија денес локалните власти.

Комуналната служба во општина Бокстел објави дека возач во тој град бил убиен од скапано дрво во вторник попладне, кое било турнато врз автомобилот од силни ветрови, и дека сите високи дрвја во областа ќе бидат проверени за да се проверат знаци дека се во опасност од паѓање, објавува NL Times.

Во кампот „Де Бонте Крај“ во Рамсдонк, град ги искина покривите на камперите и речиси сите шатори беа срушени. Холандскиот метеоролошки институт (KNMI) издаде жолто ниво на предупредување за денес за југоисточната половина од земјата, каде што се очекуваат врнежи со уште повеќе грмотевици.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Хаос во Белфаст, маж се обиде да му отсече глава на човек - Маск ги повика луѓето да излезат на улица и да протестираат против мигрантите!

Нападот се случил вчера околу 22:30 часот по локално време синоќа пред зграда во северен Белфаст.

Вознемирувачко видео кое кружи на социјалните мрежи го покажува напаѓачот како се обидува да ја отсече главата на жртвата.

По страшниот инцидент со нож кој предизвика шок и осуда низ цела Северна Ирскасега властите стравуваат од големи немири во Белфаст.

Некои на социјалните мрежи, вклучувајќи го и Елон Маск, ги повикаа граѓаните да излезат на улиците и да протестираат против мигрантите, објавува Гардијан.

Инаку неколку мажи се обиделе да го спречат напаѓачот, дури еден од нив со дрвена палка го удирал.

Нападнатиот маж, кој е во четириесеттите години, заврши во болница. Лекарите ја опишуваат неговата состојба како сериозна. Тој добил сериозни повреди на лицето, вратот и грбот.

Полицијата соопшти дека уапсениот маж, за кој првично се верувало дека е од Сомалија, всушност бил Суданец во триесеттите години.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Одговорност од Трипуновски за катастрофалната состојба во земјоделието

Вистина е дека за две години Влада на Мицкоски и ВМРО, македонското земјоделство е доведено во катастрофална состојба.

Субвенциите се намалени за 40 милиони евра. Наместо зголемени субвенции како што лажеа кога беа опозицијата, земјоделците од ВМРО добија намалување.

Субвенциите за говеда се намалени од 12.000 на 8.000 денари по грло. Намалена е и поддршката за тутунот, од 100 на 80 денари за прва класа. Укинати се низа мерки кои директно ги поддржуваа малите земјоделци, лозарите и оризопроизводителите.

Земјоделците не се соочуваат само со намалени, туку и со неисплатени субвенции.

Илјадници сточари, житопроизводители, градинари и други производители сè уште ги чекаат средствата кои им следуваат, додека производните трошоци секојдневно растат.

Во меѓувреме, откупот од малите земјоделци падна за 46,2 проценти. Тоа е директен показател за колапсот на земјоделското производство и пласманот.

Сточарите протестираат поради доцнењето на субвенциите и поради намалените откупни цени на млекото. Млекарниците во повеќе наврати ги намалија откупните цени, а Владата остана нем набљудувач.

Житопроизводителите влегуваат во жетва без позната откупна цена и без исплатени субвенции.

Лозарите се оставени во неизвесност поради непочитување на законските обврски за утврдување на производна цена на грозјето. Оризопроизводителите останаа без значајни мерки за поддршка, а цената на оризовата арпа е драматично намалена.

Дополнително, Владата ги поништи повиците за набавка на трактори, механизација и друга опрема преку Програмата за рурален развој. Укинати се или стопирани мерки кои со години им помагаа на земјоделците да инвестираат и да го модернизираат своето производство.

На сето ова се надоврзуваат и сериозните корупциски скандали во секторот. Јавноста беше сведок на скандалото со ИПАРД програмата и митото од 50 илјади евра.

Затоа политичката одговорност не смее да се избегне и СДСМ поднесе интереплација за Цветан Трипуновски.

Време е Трипуновски да понесе одговорност за катастрофалната состојба во земјоделието.

Скопје, 10.06.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.