Голема акција на српската полиција: Во Белград уапсени десетици мигранти - Канал 5

Балкан

Голема акција на српската полиција: Во Белград уапсени десетици мигранти

Припадниците на Министерството за внатрешни работи на Србија, во рамки на опсежната акција што претходно започна на северот на земјата, приведоа десетици мигранти кои биле пронајдени на улиците на главниот град и надвор од прифатните центри.

Голема акција на српската полиција: Во Белград уапсени десетици мигранти

Акцијата се одржала во парк во близина на белградскиот Економски факултет, кој често го користат мигрантите како едно од местата за собирање во главниот град на Србија.

Неколку групи мигранти собрани по околните улици биле задржани во паркот, опкружени со триесетина полицајци. Во текот на попладневните часови, мигрантите со автобуси се превезени до прифатните центри во Обреновац, Боговаѓа и Сјеница, каде според неофицијални информации ќе бидат евидентирани сите кои не се веќе во официјална процедура.

Акцијата за масовно апсење започна по вооружениот конфликт меѓу мигрантите во војводинското село Хоргош, во близина на унгарско-српската граница, каде доцна синоќа беше ранет 20-годишен млад човек.

Српскиот МУП испрати голем број припадници на специјалната полиција во областа, а според досегашните податоци приведени се над 600 лица. При претресот на теренот на повик на мештаните, полицијата на местото на пресметката пронашла шест мигранти, меѓу кои и еден со две прострелни рани.

Радиотелевизијата на Србија (РТС) во врска со ова соопшти дека во тек е голема оперативна акција во која се врши теренска потрага на поширокото подрачје на Хоргош и Суботица, на северот на Војводина.

Српскиот министер за внатрешни работи Братислав Гашиќ во Хоргош изјави дека „во Србија има нулта толеранција за секаков вид криминал“ и дека „безбедноста на секој граѓанин на Србија и неговиот имот ќе биде заштитена“.

Српската полиција е подготвена да одговори на безбедносните предизвици, особено во овој дел од нејзината територија, каде што се концентрирани голем број мигранти, рече тој. Србија, Австрија и Унгарија на 15 ноември во Белград потпишаа документ за зајакнување на трилатералната соработка во борбата против илегалната миграција, чија една од целите е поместување на граничната одбрана на југ.

Меморандумот за разбирање го потпишаа српскиот претседател Александар Вучиќ, австрискиот канцелар Карл Нехамер и унгарскиот премиер Виктор Орбан, а дел од договорот е заеднички полициски патроли да ја контролираат границата со Македонија.

На заедничката прес-конференција Орбан рече дека Србија има клучна улога во регулирањето на миграцијата бидејќи „ги штити Австрија и Унгарија и другите земји од Унијата“, наведувајќи дека годинава во соработка со Србија биле спречени 250.000 обиди за илегални гранични премини. Мигрантите се „сè поагресивни“, а шверцерите на луѓе користат и оружје, рече тој.

Унгарскиот премиер останува на ставот дека единствениот начин да се спречи миграцијата е да се каже дека „нема преминување преку нашите граници“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Бајка на Мицкоски за провизија - цевка што ја нема, електрана што ја нема.,струја што ќе се увезе

Мицкоски вели: ќе донесеме гас, ќе правиме струја, ќе храниме дата-центри. 

СДСМ: Бајка на Мицкоски за провизија - цевка што ја нема, електрана што ја нема.,струја што ќе се увезе

Воздух и фреон, за да не ја пијат водата. Сè е чисто. Сè е модерно.

Народот не е наивен. Сметката е проста.

За да има струја од гас, треба две работи. Цевка што носи гас. И електрана што работи.

Цевките со Грција и Србија ги најавува. Капацитетот што го ветува - три, шест, осум милијарди кубици - не постои денес.

Денес мрежата издржува околу 800 милиони, трошиме околу половина милијарда. Тоа не е гориво за флота сервери.

Електрана што работи на гас има само една: ТЕ-ТО Скопје, околу 220 мегавати. Веќе работи. Прави струја и топлина за град Скопје. Не стои празна за Рамбл и за петте фирми без име.

ТЕЦ Неготино не е решение што сега произведува.

Новите централи се само на хартија. Хартијата не врти сервери.

Значи денес, ако влезе голем дата-центар, струјата не се раѓа од неговиот гас. Се купува. Се увезува. Или се зема од она што го плаќаат домаќинствата.

Кој увезува, знаеме. Мицкоски. Мрежата околу него. Партнерот Адамовиќ. Омилен бизнис: разлика на граница, провизија на сметка.

Прво рекоа нема да ја пијат водата. Сега најавуваат воздушно ладење и фреон. Тоа ја "пие" струјата повеќе. Водата ја трнаа од соопштенијата.

Киловатот го оставија на народот. Иста манипулација, друга амбалажа.

Нема цевка. Нема електрана. Нема евтина домашна струја за туѓ хардвер. Има интервју од Вашингтон и договор под радар. Дата-центрите што ги увезуваат се хардвер за туѓа дигитализација, не за Македонија.

Сè е лага. Сè е измама. Сè е манипулација.

Зад лагата стои увоз. Зад увозот стои каса и криминал и корупција.

Касата не е кај граѓанинот. Касата е кај арамијата.

Скопје, 19.09.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЈО: Поднесено обвинение за дел од осомничените во предметот со фалсификуваните возачки дозволи

Јавен обвинител од Основното јавно обвинителство Скопје поднесе Обвинителен предлог против шест лица за продолжени кривични дела – Фалсификување исправа од член 378 став 3 во врска со став 1 од Кривичниот законик.

ЈО: Поднесено обвинение за дел од осомничените во предметот со фалсификуваните возачки дозволи

Првата обвинета е вработена во Министерството за внатрешни работи, како помлад советник за патни исправи во Одделението за управни работи – Скопје, која во периодот од 03.09.2020 до 24.08.2026 година, во повеќе наврати ги користела своите шифри и вршела преправање на возачки дозволи, внесувајќи дополнителни категории.

Останатите петмина опфатени со обвинението се возачи кои, иако знаеле дека немаат положено за Ц и Д категорија, во договор со првата обвинета, поднесувале барања за издавање дозволи во кои им биле впишувани дополнителни категории.

Ваквите невистинити исправи тие ги користеле за да аплицираат и да добијат сертификати за професионална компетентност на возач за учество во меѓународен превоз на патници и стоки, а потоа во повеќе наврати управувале со автобус или товарно возило во меѓународен сообраќај.

За тројца обвинети, вклучувајќи ја и вработената во МВР, јавниот обвинител достави предлог за продолжување на претходно определената мерка притвор. За останатите тројца кои се недостапни на органите на прогонот предложи да им биде определен притвор од нивното пронаоѓање, а постапката против нив ќе продолжи во нивно отсуство.

Во меѓувреме, во рамките на истиот предмет, продолжуваат да се преземаат дејствија за обезбедување докази и против уште 21 лице, осомничени како посредници или корисници на фалсификуваните возачки дозволи, а обвинителството продолжува да истражува и други можни злоупотреби.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Најмалку 30 луѓе убиени во самоубиствен напад врз полициски комплекс во Пакистан

Најмалку 30 лице загинаа во самоубиствен напад врз полициски комплекс во северозападниот дел на Пакистан, јавуваат светските агенции.

Најмалку 30 луѓе убиени во самоубиствен напад врз полициски комплекс во Пакистан

Нападот бил извршен со автомобил наполнет со експлозив, кој бил насочен кон објектот во момент кога полицајци и членови на нивните семејства биле собрани на молитва во џамија во рамките на комплексот.

Експлозијата предизвикала големи материјални оштетувања, а спасувачките екипи продолжиле да го пребаруваат подрачјето. Надлежните стравуваат дека бројот на жртвите би можел дополнително да се зголеми.

Пакистан во последните години се соочува со зголемен број напади врз полицијата и безбедносните сили, особено во областите во близина на границата со Авганистан.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер