Годишен состанок на ЕБОР во Рига, билатерални состаноци со ЕБОР, ЕИБ и Зелениот климатски фонд - Канал 5

Македонија

Годишен состанок на ЕБОР во Рига, билатерални состаноци со ЕБОР, ЕИБ и Зелениот климатски фонд

Годишен состанок на ЕБОР во Рига, билатерални состаноци со ЕБОР, ЕИБ и Зелениот климатски фонд, инфраструктурните проекти значајна ставка во политиките на Владата

Годишен состанок на ЕБОР во Рига, билатерални состаноци со ЕБОР, ЕИБ и Зелениот климатски фонд

Државниот секретар во Министерството за финансии Андриана Матлиоска од 5 до 7 јуни 2026 учествуваше на Годишното собрание и бизнис форум на Европската банка за обнова и развој, што се одржа во Рига, Латвија.

Годинашното Собрание беше посветено на тема „Од нестабилни до разновидни економиии коишто иновираат во свет што се менува“, на коешто учествуваа владини претставници, финансиски и корпоративни директори, акционерите, партнерите и клиентите на банката, бизнис секторот, како и граѓанскиот сектор.

Матлиоска за време на престојот во Рига оствари повеќе билатерални состаноци со претставници на ЕБОР, ЕИБ, Зелениот климатски фонд, како и со претставници на Министерството за надворешни работи на Холандија и ЕБОР Конституенцата предводена од Холандија.

На состанокот со директорката за инфраструктура за Европа во ЕБОР, Елена Гордеева беше истакната посветеноста на земјава за унапредување на инфраструктурата во што значаен партнер во реализацијата е Европската банка за обнова и развој.

ЕБОР во земјата има инвестирано во 213 проекти во вредност од 3,13 милијарди евра, а во моментов се работат проекти во вредност од 1,3 милијарди евра.

Матлиоска изрази благодарност за подршката што досега е дадена од страна на ЕБОР на нашата земја и ја потенцираше посветеноста на Владата на реализацијата на капиталните расходи.

“Капиталните расходи претставуваат клучен инструмент на фискалната политика и двигател на економскиот раст за периодот 2027–2031 година, со цел обезбедување долгорочни економски придобивки преку зголемување на јавните инвестиции особено во патната и железничката инфраструктура, енергетски капацитети, системи за водоснабдување и канализација, дигитална инфраструктура, како и проекти во образованието и социјалната заштита“, посочи Матлиоска на состанокот, на којшто беше истакната подготвеност на Банката за понатамошно партнерство во реализацијата на проекти во патната и железничката инфраструктура и општинската инфраструктура.

На состанокот со директорката на Секторот за инфраструктура за Европа во ЕБОР беше истакната посветеноста на земјава за унапредување на инфраструктурата во што значаен партнер во реализацијата е Европската банка за обнова и развој.

На средбата со директорoт за партнерство на ЕИБ Глобал, Ричард Амор беше, исто така, посочено на значењето на поддршката што ЕИБ ја дава на земјата во реализација на повеќе проекти и којашто поддршка е на ниво од 1,6 милијарди евра.

Матлиоска изрази благодарност за досегашната поддршка на ЕИБ во енергетската и железничката инфраструктура, општинската водоводна инфраструктура, а исто така изрази и благодарност за подготвеноста на ЕИБ за продолжување на соработката за поддршка на приватниот сектор, поточно на малите и средни претпријатија преку Развојната банка.

Државниот секретар, исто така, оствари средба со директорот на одделот за регионот на Источна Европа, Централна Азија и Блискиот Исток на Зелениот климатски фонд Томас Ериксон.

На овие средби покрај горенаведеното Матлиоска посочи дека Владата продолжува со силна посветеност кон реформските процеси вклучително и реформската агенда, препознавајќи ја како основа за економски развој, зајакнување на институциите и успешна интеграција во Европската Унија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

Премиерата на „Идеален маж“ во ХНК Загреб дочекана со долги аплаузи и одлична реакција од публиката

Со голем успех и исклучителен интерес од публиката, на 5 јуни во HNK (Hrvatsko narodno kazalište) во Загреб се одржа премиерата на претставата „Идеален маж“ според драмата на Оскар Вајлд, во режија на Александар Поповски и со музика на Кирил Џајковски

Премиерата на „Идеален маж“ во ХНК Загреб дочекана со долги аплаузи и одлична реакција од публиката

Премиерата беше проследена со долги аплаузи и одлични реакции од публиката, која ја исполни големата сала на HNK до последно место. Претставата уште пред премиерата привлече огромно внимание и сите пет закажани изведби во текот на јуни се целосно распродадени.

Претставата доби одлични критики, па така Večernji list пишува„ Пофалби за оваа продукција, која верувам дека ќе живее на сцените на нашиот национален театар уште долго време, бидејќи освен што ќе ве насмее, оваа драма ќе ве воодушеви со својата екипа, сценографија, костими, музика, светло или, едноставно кажано, со сите нејзини делови.“, додека 24sata.hr напиша дека „ Режисерот Александар Поповски донесе модерно, хумористично и многу проникливо читање на една од најпознатите драми на Оскар Вајлд. Не штедеа зборови ниту хрватски Telegram, ниту Jutarnji list каде наведоа дека претставата ја одушеви публиката и дека покажа како класиците, со квалитетна глума, можат силно да комуницираат и со денешните гледачи.

„Идеален маж“ претставува ново остварување на долгогодишната и исклучително успешна соработка меѓу Александар Поповски и Кирил Џајковски, авторски тандем кој повеќе од две децении создава значајни театарски проекти на сцените низ Европа. Нивниот препознатлив уметнички јазик уште еднаш беше потврден преку современото читање на класичното дело на Оскар Вајлд, во кое темите за моќта, моралот и општественото лицемерие добиваат силна актуелност.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Фронтот за вистина и правда е повик за надпартиско обединување за иднината на државата

Кузеска посочи дека Македонија не смее да биде заложник на политики кои ја оддалечуваат од европскиот пат и дека е потребно обединување околу заедничките државни интереси.

СДСМ: Фронтот за вистина и правда е повик за надпартиско обединување за иднината на државата

Наместо поделби, СДСМ нуди визија за обединување околу државните интереси, економски развој, борбата против корупцијата и европските вредности преку поширок Фронт за вистина и правда, порача портпаролката и членка на Извршниот одбор на СДСМ, Богданка Кузеска, на денешната прес-конференција.

Кузеска посочи дека Македонија не смее да биде заложник на политики кои ја оддалечуваат од европскиот пат и дека е потребно обединување околу заедничките државни интереси.

„Фронтот за вистина и правда не е партиски проект туку широко надпартиско - општествено движење отворено за сите граѓани, организации, интелектуалци, професионалци, синдикати и општествени чинители“, рече Кузеска.

Воедно, на прес-конференцијата Кузеска посочи дека со „Скопската иницијатива“ и платформата „Твоја држава, твоја шанса“ СДСМ ја започнува новата етапа на политичко дејствување.

„Етапа заснована на вредностите на социјалдемократијата, борбата за подобар животен стандард, борба против корупцијата и за европска иднина за Македонија.Програмската платформа „Твоја држава, твоја шанса“ е визијата на СДСМ за модерна, праведна и европска држава во која институциите работат за граѓаните, трудот е вреднуван, а младите имаат причина да останат и да ја градат својата иднина дома.Преку „Скопската иницијатива“, СДСМ ја потврди својата улога како обединувачки фактор на поширокото прогресивно движење во регионот и Европа, кое се спротивставува на корупцијата, авторитарноста и антиевропските политики“, рече Кузеска.

Скопје, 08.06.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Видео: Авион се урна на писта на аеродром во Доминиканската Република

Авион се урна на пистата на меѓународниот аеродром Ла Романа во Доминиканската Република, при што загинаа пилотот и копилотот.

Видео: Авион се урна на писта на аеродром во Доминиканската Република

Две лица загинаа во недела кога приватен авион се урна на пистата на меѓународниот аеродром Ла Романа во источна Доминиканска Република, соопшти националната служба за цивилно воздухопловство. Пилотот и копилотот загинаа во несреќата, а во авионот немаше патници, објави CNBCTV18.

Снимките објавени на социјалните мрежи покажаа густ облак од чад како се издига над аеродромот додека пожарникарите се бореа со пожарот.

Доминиканскиот институт за цивилно воздухопловство соопшти дека екипажот прогласил вонредна состојба додека авионот се наоѓал на околу 16 наутички милји југозападно од Ла Романа. Авионот се урна додека се обидувал да се врати на аеродромот. Властите потврдија дека е започната истрага за да се утврди причината за падот на „Галфстрим Г200“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер