Автомобилизам

Го возел Фанџо: Овој „Mercedes“ вреди мало богатство

Аукцијата доаѓа само две години откако друг „Mercedes“ автомобил беше продаден за неверојатни 143 милиони долари, што го прави најскапото возило на светот.

Производителите на автомобили имаа малку ограничувања во дизајнот во раните години на Формула 1, долго пред строгите регулативи да ги претворат болидите во речиси идентични копии.

„Mercedes-Benz“ ја искористи оваа можност во средината на 1950-тите и го создаде „W 196 R“, тркачки автомобил кој имаше исклучително аеродинамично тело.

Тој модел се вика „Stromlinienwagen“, а еден примерок со неверојатно педигре сега се продава од аукциската куќа „RM Sotheby's“.

Овој автомобил го имаше своето деби на Големата награда на Буенос Аирес во јануари 1955 година, кога Хуан Мануел Фанџо ја однесе победата за „Mercedes“ зад воланот на примерот чија шасија го носеше бројот 9.

Тој ја заврши својата тркачка кариера со уште една победа, кога Сер Стирлинг Мос возеше на Италијанското ГП во 1955 година, поставувајќи го и најбрзиот круг.

По трките, „Mercedes“ ги задржа сите 10 преостанати примероци на моделот „W 196“ во работна состојба.

Сепак, на крајот беа донирани четири автомобили, меѓу кои и овој со шасија број 9.

Тој автомобил најде нов дом во Индијанаполис, каде што остана до ден-денес, подложен на две реставрации во текот на својот животен век.

Според „RM Sotheby's“, ова е единствениот „Stromlinienwagen “некогаш понуден на приватни купувачи и еден од само четирите познати примери на аеродинамичната каросерија „W 196 R“ од сезоната Формула 1 во 1955 година.

„RM“ неговата вредност ја проценува на „повеќе од 55 милиони долари“.

Аукцијата доаѓа само две години откако „Mercedes 300 SLR Uhlenhaut Coupe“ (еден од двата произведени досега) е продаден за неверојатни 143 милиони долари, што го прави најскапото возило во светот.

Иако „W 196“ не е толку редок, неговата тркачка историја е неспоредлива, а проценката на неговата вредност изгледа сосема оправдана.

Извор: Б92

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВРЕДИ: Шасивари, Ферати и Сулејмани ќе раководат со трите нови министерства

По вечерашната седница на Претседателството на ВРЕДИ, донесена е одлука претставници на коалицијата во Владата да бидат личности кои носат нова енергија, одговорност и посветеност во служба на граѓаните.

За министер за правда е предложен универзитетскиот професор Џетон Шасивари, за министер за односи меѓу заедниците е предложен Агон Ферати, додека за министер за култура и туризам е предложен Седат Сулејмани.

Во новиот владин состав продолжуваат да ги извршуваат своите функции Беким Сали како прв заменик-претседател на Владата и министер за европски прашања, Бесар Дурмиши како министер за економија и труд, како и Мухамет Хоџа како министер за животна средина и просторно планирање.

ВРЕДИ решително продолжува по патот на промените, носејќи нова енергија, професионални кадри и одговорен пристап кон владеењето.

Со овој тим, ВРЕДИ повторно ја потврдува својата посветеност на реформите, развојот и достоинственото застапување на интересите на граѓаните.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Филипче: Горан Герасимовски го номинирам за нов потпретседател, СДСМ се зајакнува

„СДСМ дополнително се зајакнува. Со задоволство ги информирам членовите дека Горан Герасимовски ќе го номинирам за нов потпретседател на #СДСМ.

Горан е човек кој со силна, посветена и одговорна работа ја заслужи довербата на граѓаните на општина Центар. Победата и освоениот втор мандат како градоначалник се најдобра потврда дека резултатите, блискоста со луѓето и искрената работа секогаш се препознаваат.

Убеден сум дека Горан, со своето искуство, работа и искрена желба, ќе внесе нов импулс, ќе ги обедини сите наши капацитети против криминалната власт и ќе даде придонес во градењето на уште посилен СДСМ.

Продолжуваме заедно, со посветеноста и новата енергијата на целиот наш тим, за подобра иднина на Македонија. „

Соопштение - објава на претседателот на СДСМ, д-р Венко Филипче

-https://www.facebook.com/share/1CQxHidueX/

Скопје, 02.07.2026

СДСМ

Тагови: Венко Филипче

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Реформите кои ги спроведува Владата на ВМРО-ДПМНЕ со дигитализацијата даваат резултати

Реформите кои ги спроведува Владата на ВМРО-ДПМНЕ со дигитализацијата даваат резултати, крај на бирократијата и ефикасни институции во корист на граѓаните

Реформите кои ги спроведува Владата предводена од ВМРО-ДПМНЕ даваат резултати. Дигитализацијата носи конкретни резултати за граѓаните и крај на бирократијата и чекањето по шалтери.

Дигиталната трансформација е обврска кон граѓаните. Државата мора да работи брзо, ефикасно и без бирократски лавиринти, а институциите конечно да бидат во служба на народот, а не обратно.

Преку Националниот портал за електронски услуги uslugi.gov.mk граѓаните добиваат можност да ги завршуваат административните постапки без непотребно чекање по шалтери. Тоа е само почеток на процесот кој мора да продолжи со уште посилно темпо.

Паралелно, се работи на усогласување на законодавството со европските стандарди, со што македонските граѓани ќе можат да ги користат придобивките од иницијативата „Роаминг како дома“ при патување во земјите од Европската Унија, без дополнителни трошоци за комуникација.

Реформската агенда останува врвен приоритет. По најобемниот пакет закони донесен во 2025 година, реформите продолжуваат со уште посилен интензитет.

Македонија веќе обезбеди 31,7 милиони евра од Планот за раст во делот на дигиталната трансформација, средства кои мора да се претворат во конкретни услуги и подобар животен стандард. Истовремено, бројот на центрите за услуги е значително зголемен, со што институциите стануваат подостапни за граѓаните низ целата држава.

Посебен фокус се става и на развојот на вештачката интелигенција преку Националниот центар „Везилка“, со цел развој на македонски јазични модели, заштита на културното наследство и изградба на доверлив национален систем за примена на вештачката интелигенција во согласност со европските стандарди.

ВМРО-ДПМНЕ останува цврсто определена да стави крај на спорите, нефункционални и скапи административни процедури. Дигитализацијата значи помалку бирократија, помалку трошоци и повеќе време за граѓаните.

Разликата е јасна, наместо празни ветувања и изгубени години како во минатото и владеењето на СДС, денес се градат системи кои носат реални резултати. Целта е институциите конечно да работат брзо, транспарентно и во интерес на секој граѓанин.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.