Ѓорѓиевски: „Дрисла“ е во исклучително лоша состојба, силно ќе се залагаме да се трансформира - Канал 5

Македонија

Ѓорѓиевски: „Дрисла“ е во исклучително лоша состојба, силно ќе се залагаме да се трансформира

Во обраќањето на експертската работилница за креирање зелени работни места во Македонија, Ѓорѓиевски порача дека земјава треба максимално да се заложи за селектирање на отпадот и за негово поефикасно искористување како суровина. 

Ѓорѓиевски: „Дрисла“ е во исклучително лоша состојба, силно ќе се залагаме да се трансформира

Скопската депонија „Дрисла“ е во исклучително лоша состојба и силно ќе се залагаме да се трансформира по примерот на другите современи европски регионални центри за обработка и третман на отпадот, рече денеска градоначалникот на Град Скопје, Орце Ѓорѓиевски.

Во обраќањето на експертската работилница за креирање зелени работни места во Македонија, Ѓорѓиевски порача дека земјава треба максимално да се заложи за селектирање на отпадот и за негово поефикасно искористување како суровина.

Градоначалникот потсети дека веднаш по стапувањето на својата нова функција се зафати со чистење на Скопје.

-На самиот почеток на мојот мандат максимално се посветив на средување на состојбата со нередот и ѓубрето во главниот град, нешто што беше проблем многу години наназад. Убеден сум дека Скопје, но и останатите општини, во соработка со Владата ќе почнат да се справуваат со отпадот на многу подобар и поцелисходен начин, напомена Ѓорѓиевски.

Тој го потенцира значењето на невладините организации кои работат на собирање, селектирање и третман на отпадот.

-Како пример ќе го истакнам поставувањето на специјалните контејнери за одделно собирање стаклен отпад, пластика, хартија и слично. Интересно е искуството за поставување машини за рециклирање пластични шишиња во основните училишта, но и можноста за плаќање паркинг со собирање шишиња, како и примерот во Кисела Вода за поставување канти за селектирање отпад во влезовите на објектите за колективно домување, подвлече градоначалникот.

Осврнувајќи се на работилницата, изрази надеж дека добар дел од искуствата на австриските експерти ќе бидат пренесени во Скопје.

Денешното јавно обраќање беше прво на Ѓорѓиевски по неговото стапување на функцијата скопски градоначалник.

Работилницата „Креирање зелени работни места во Македонија“ ја организираат Австриското министерство за работа, социјални прашања, здравство, грижа и заштита на потрошувачите и Австриската амбасада во Скопје.

Тагови: Дрисла Орце Ѓорѓиевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Заседаваше кризниот штаб за надминување на состојбата во Гостивар

Кризниот штаб бара решение за обезбедување технички исправна вода во Гостивар. 

Заседаваше кризниот штаб за надминување на состојбата во Гостивар

Водата и натаму е небезбедна за употреба, а залихи ќе се обезбедуваат со цистерни од околните општини, но и од Куманово, Кавадарци и Неготино.

Кризниот штаб усвои и низа дополнителни мерки за заштита на здравјето на граѓаните на Гостивар.

Во меѓувреме продолжува да се испитува квалитетот на водата, а на помош се испратени и екипи од скопскиот водовод.

Тагови: Гостивар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Сончево со температура до 34 степени

Според Управата за хидрометеоролошки работи времето денеска ќе биде сончево, со мала до умерена локална облачност.

Сончево со температура до 34 степени

Ќе дува умерен, повремено засилен ветер од североисточен правец, особено долж Повардарието и во источните делови од земјата.

Утринските температури ќе се движат од 8 до 19 Целзиусови степени, додека максималните ќе достигнат од 24 до 34 степени.

Во Скопје ќе биде сончево со мала до умерена облачност, а ќе дува слаб до умерен северен ветер.

Утре под влијание на влажен бран се очекуваат повремени врнежи од дожд, кои локално ќе бидат пообилни и ќе надминат 15 литри на квадратен метар. Врнежите наместа ќе бидат проследени со грмежи и со засилен ветер, а температурите значително ќе опаднат.

Тагови: УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

На ГП „Богородица“ за излез од државата се чека 15 минути

На ГП „Богородица“ се бележи зголемена фреквенција на возила, а времето на чекање за излез од државата е околу 15 минути.

На ГП „Богородица“ за излез од државата се чека 15 минути

Сообраќајот на државните патишта се одвива непречено, по претежно суви коловози. Интензитетот на сообраќај на патните правци надвор од градските средини е умерен. На ГП „Богородица“ се бележи зголемена фреквенција на возила, а времето на чекање за излез од државата е околу 15 минути. На останатите гранични премини од македонска страна, нема подолги задржувања за влез и излез од државата – информира АМСМ.

Препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер