Изабел Вил (18) од Велика Британија се прослави по храброста, талентот за шминкање и насмевката, која и покрај хендикепот речиси никогаш не ја симнува од лицето.

Нејзиниот живот драматично се променил кога лекарите и` дијагностицирале менингитис во 2010 година. Имала само седум години кога морала да се бори за живот.

Наставниците во училиштето први забележале дека нешто не е во ред, па еден ден ја донеле дома мислејќи дека има грип. Изабел го изгубила апетитот, се чувствувала лошо и често паѓала во несвест.

Кога отишла во болница, единственото нешто што можеле да и` кажат лекарите е дека морале да и ги ампутираат двете раце и нозе речиси до лактите и колената за да и` го спасат животот.

Кога закрепнала, Изабел морала да се прилагоди на новиот начин на живот полн со ограничувања. Меѓутоа, со текот на времето научила со насмевка да ги користи максимално сите можности што ги има.

Денес, неполни 12 години по операцијата, оваа девојка успеала да го оствари својот сон и да стане шминкерка, а многумина и предвидуваат светла кариера.

Нејзините совети за убавина ги споделуваат познатите личности на нивниот Инстаграм, а меѓу нив е и Худа Катан, која на оваа социјална мрежа ја следат повеќе од 50 милиони луѓе.

Импресивната вештина на шминкање на Изабела ја направила сензација на социјалните мрежи. Повеќе од 400.000 луѓе ја следат на Инстаграм, а уште повеќе на ТикТок.

Колку е добра во овој бизнис покажало и едно нејзино видео кое собрало неверојатни 19 милиони прегледи и повеќе од милион коментари. Во него таа покажува како се комбинира бронзената сенка и моливот за очи.

Покрај тоа, оваа весела, оптимистичка и енергична девојка работи и во маркетинг за автомобилска компанија. Изабел го положила возачкиот испит и признава дека не била сигурна како ќе го направи тоа, но желбата да стане независна била толку силна што ништо не ја спречувало.

Во интервју, Изабел се присетила на најтажните денови од својот живот.

- Срцето ми застана во болницата, доживеав повеќе откажувања на органи и паднав во кома. Лекарите решија да ми ги ампутираат екстремитетите бидејќи краевите на сите четири екстремитети изгубија циркулација, односно беа мртви. Операцијата траеше шест часа - се присетува Изабел.

- Во болница останав уште два месеци. Сè ми беше некако заматено. Се сеќавам дека бев збунета за целата ситуација, но си помислив: „Во ред, ова мораше да се случи, ајде да продолжиме понатаму“. Тоа ми помогна да бидам свесна за реалноста на целата ситуација – рече таа и додаде:

- Додека ја напуштав болницата, никој не знаеше како ќе јадам, пијам, шетам и како ќе се грижам за себе. Моите родители не беа сигурни дали ми треба некој да биде со мене секој ден по цел ден и дали треба да одам во специјално училиште. Се вратив во светот што го познавав, но сега сè ми беше непознато.“

Освен тоа, немаше никој со кого би можела да се поврзам. Така почнав да објавувам видеа на YouTube. Објавував видеа кои покажуваат како го користам телефонот, јадам, пијам, се чешлам и правам други секојдневни работи.

Кога почнала да објавува видеа, околу себе собрала други луѓе кои исто така имале ампутирани раце или нозе или еден екстремитет; всушност тие создадоа заедница каде разменуваат совети, разговараат за проблемите, се смеат заедно... Изабел раскажува како тоа детско искуство ја направило посилна и порешителна денес.

- Кога почнав со средно училиште, почнав да тренирам на трамболина и брзо освоив две британски национални првенства и наградата „Гордост на спортот“ - гордо вели таа.

Се присетила и на моментите кога одењето на училиште за неа било вистинско мачење.

View this post on Instagram

A post shared by Isabelle Weall (@itz.izz)

-Децата се злобни и често ми кажуваа страшни работи, иако јас стоев блиску до нив и можев да слушнам се`. Сега е многу полесно. Среќна сум, самоуверена во себе и во моите достигнувања. Не ме сфаќајте погрешно, да се биде без екстремитети има свои подеми и падови. Но, моето тело е единственото тело што некогаш ќе го имам и секако дека го сакам. Тогаш зошто би го трошела животот на тага или несигурност поради нешто што не можам да го променам – заклучила оваа храбра девојка.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.