Новата Тојота Јарис дебитираше во октомври минатата година а продажбата во Европа ќе започне оваа пролет. Станува збор за првиот модел на Тојота кој ја користи новата „TNGA-B“ механичка платформа, па затоа автомобилот е поширок но и понизок од претходникот, додека во меѓуосовинското растојание е продолжен за 50 милиметри, па патниците имаат повеќе простор во кабината.
Јапонскиот гигант значително инвестирал во овој малечок автомобил, кој е најпродаваниот модел на Тојота на европскиот пазар. Четвртата генерација е дизајнирана во Европа, со фокус на европските купувачи а ќе продолжи да се продолжи да се произведува во Франција.
Промените во дизајнот влијаеја и на промената на пропорциите на автомобилот, кој сега има подинамичен изглед.Во предниот дел и понатаму доминира големата маска на радијаторот а светлосните групи се модернизирани во однос на актуелната генерација на Јарис.
Тојота најави дека столбот на продажбата во Европа ќе се сочинува од хибридната верзија. Станува збор за хибриден погонски систем од четврта генерација кој во себе има 3 цилиндарски 1.5 литарси бензински мотор кој е помогнат од два електромотори. Силата на тркалата се пренесува со помош на „CTV“ менувач.
Фабриката за сега не објави спецификации за погонскиот систем, но како што се наведува новиот хибрид ќе биде за 15% помоќен од претходникот, па се очекува да има околу 115 коњски сили.
Тојота тврди и дека автомобилот ќе биде и поекономичен за 20% во однос на верзијата на Јарис која е во заминување, а од 0 до 100км/ч ќе забрзува за 10,3 секунди.
Новата литиум-јонска батерија е полесна за 27% од претходната некел-метал хибридна. Одредени пазари во Европа, на кои хибридите не се толку популарни ќе добијат и регуларни бензински мотори и тоа 1.0 и 1.5 литарски.
Деталите ќе бидат соопштени дополнително.
Книгата за нарачки на новиот Јарис ќе биде отворена на пролет а се очекува дека овој автомобил европската публика ќе може да го види на претстојниот автомобилски саем во Женева, кој се одржува на почетокот на март.