Фановите на Тејлор Свифт во Шкотска предизвикаа земјотрес на концертот

Обожавателите на Тејлор Свифт буквално ја затресоа земјата на почетокот на нејзината турнеја во Велика Британија, предизвикувајќи сеизмичка активност да биде забележана на 6 километри од местото на концертот, соопшти Британскиот геолошки институт.

Американската поп ѕвезда ја започна својата турнеја „Ерас“ во Велика Британија со три концерти во шкотската престолнина Единбург, на кои од петокот до неделата присуствуваа над 200.000 обожаватели.

Секој концерт го соборуваше рекордот за најпосетен концерт на стадион во историјата на Шкотска, а BGS (Британски геолошки институт) забележа земјотреси за време на концертите. BGS, исто така, откриле дека „најзначајната сеизмичка активност во ноќта“ се случила за време на омилените песни на фановите Ready For It?, Cruel Summer и Champagne Problems.

Публиката за време на песната Ready for it? префрлиле приближно 80 киловати енергија, што одговара на приближно 6000 батерии за автомобили. Ова не е првпат Тејлор Свифт да ги натера своите обожаватели да ја „затресат земјата“ бидејќи нејзините концерти во Сиетл во САД во јули минатата година создадоа сеизмичка активност еквивалентна на земјотрес со јачина од 2,3 степени.

По Единбург, swfitmania се упатува кон Ливерпул во северозападна Англија, проследено со настапи во Кардиф, Велс и лондонскиот стадион Вембли.

Според истражувањето на Barclays од мај, турнејата треба да ја поттикне економијата на Британија за речиси 1 милијарда фунти (1,3 милијарди долари). Се проценува дека речиси 1,2 милиони фанови ќе потрошат 848 фунти за билети, патувања, сместување и сувенири.

„Возбудливо е да се истражува сеизмичката активност создадена од различен вид феномен. Јасно е дека шкотската публика продолжува да биде најентузијастичката публика“, рече сеизмологот на БГС, Калум Харисон.


Разбеснет кит скока врз бротче и ги катапултира рибарите - исплашен тинејџер снимал (ВИДЕО)

Застрашувачката снимка е снимена на брегот на Њу Хемпшир, кога рибарски брод бил на удар на разбеснет грбав кит.

Двајца рибари се катапултирале во морето откако монструозното животно „скокнало“ на пловилото! Сцената ја забележале млади луѓе на брод, а еден од нив имал камера.

Бродот плутал некое време, а потоа почнал да тоне. Сепак, бил извлечен на брегот со акција на другите рибари.

Според извештаите, за време на инцидентот немало повредени, пишува Дејли Мејл.

Корисниците на социјалните мрежи беа шокирани од глетката, особено затоа што грбавите китови - за разлика од орките, ретко напаѓаат бродови.

„Ова е неверојатно и не е случајно“, напишало едно лице, додека друго додаде: „Целосно луда сцена“.

Експертите за морски животни веруваат дека китот е стар две години и претходно бил забележан околу границата на Мејн и Њу Хемпшир.

Останува нејасно што го поттикнало да го нападне рибарскиот брод.

Мистеризона смрт: Излегла на вечера со пријателите, се разболела и починала по два дена

Сицилијанка ненадејно починала за време на викендоv, откако излегла на вечера со пријателите.

Официјалните лица наредија обдукција за да се утврдат причините за смртта, објави РАИ.

Џулијана Фарачи (40) од областа Месина на Сицилија, во петокот вечерта излегла со пријателите на вечера. Првите симптоми на болеста се појавиле во саботата попладне.

Џулијана се пожалила на треска и повраќање, а бидејќи состојбата ѝ се влошила во неделата, повикала итна помош и лекарите направиле електрокардиограм. Следното утро била пронајдена без знаци на живот.

Џулијана починала во сон, а нејзиното тело е пренесено на обдукција.

Заменик-обвинителот Андреа Аполонио отвори истрага за случајот, а сестрата на Џулијана, придружувана од адвокатот Салваторе Манкузо, отиде во полициска станица да поднесе пријава и да побара обдукција за да се разјаснат причините за смртта.

Според адвокатот, Џулијана за време на вечерата со пријателите не јадела суши или сирова риба, со што ги демантираше натписите кои кружеа во некои медиуми.

„Тоа што некои весници го пишуваат не е точно, самоволно претпоставувајќи ја можната причина за труење со храна и смртта како последица. Ги чекаме резултатите од обдукцијата за да добиеме медицинско-правни појаснувања за причините за оваа трагична и прерана смрт“, вели адвокатот.

Според него, ниту една од нејзините пријатели со кои вечерала не се разболела.

Меѓу жителите на Санта Агата ди Милитело, каде што живеела Џулијана, владее шок и тага. Никому не му е јасно како дошло до оваа мистериозна смрт, додека истрагата продолжува.

Хали Бери позира топлес со мачки: Засекогаш останува Жена-мачка (ФОТО)

Актерката Хали Бери (57) е активна на својот Инстаграм профил.

Овој пат со објава покажа колку е горда на себе и улогата која ја одигра во филмот Catwoman од 2004 година.

„Денес се навршуваат 20 години откако ја имав честа да му дадам живот на овој легендарен лик. Секогаш ќе ја чувам во моето срце и засекогаш ќе бидам Patience Phillips, или Catwoman “, напишала Хали заедно со фотографиите на кои позира во гаќички со маска на лицето. Градите ги покрила со своите миленици, мачките кои неодамна ги посвоила.

„Ова е најжешката жена досега“, „Безвременска убавица“, „Најдоброто од најдобрите“, „Подготвени сме за продолжение“, беа само дел од коментарите на нејзините фанови.

Пред неколку недели објави дека мачките со кои сега позира се викаат Бутс и Коко и дека ги пронашла заедно со уште две мачиња и нивната мајка во својата градина. "Ја стерилизирав нивната мајка и ја пуштив назад во мојата градина и сега е наша! Ги посвоив другите две бебиња што ги најдовме, а овие две малечки сега се нашите нови љубови! Секогаш имаме полна куќа", напишала Хали.

притисни ентер