ЕУ наскоро ги укинува визите за Косово

Земјите-членки на ЕУ се договорија за заеднички став за укинување на визниот режим за граѓаните на Косово од датумот на отпочнување на Европскиот систем за информации и овластување за патување (ETIAS) или најдоцна од 1 јануари 2024 година.

Врз основа на овој заеднички став, ротирачкото претседателство ќе започне преговори со Европскиот парламент и ќе се обиде да се договори за конечна одлука.

Договорот е постигнат на состанокот на амбасадорите на земјите членки (Корепер).

„Денеска направивме важен чекор кон безвизно патување за Косово и сега се надеваме дека брзо ќе постигнеме договор со Европскиот парламент за да го направиме тоа ветување реалност. Визната либерализација е овозможена со напорите на Косово да ја зајакне граничната контрола, управувањето со миграцијата и безбедноста, и веруваме дека оваа добра соработка само ќе стане посилна во иднина“, рече Јан Липавски, чешкиот министер за надворешни работи, чија земја претседава со Советот на ЕУ.

Според договорениот став, на граѓаните на Косово ќе им биде дозволено да патуваат во ЕУ без виза за престој од 90 дена во кој било период од 180 дена.

Во согласност со ставот на Советот, ослободувањето од обврската за поседување виза ќе се применува од датумот на започнување на операцијата ETIAS, а во секој случај најдоцна до 1 јануари 2024 година.

Новиот Европски информативен систем за патување требаше да стапи на сила во мај 2023 година, но тоа беше одложено за шест месеци до ноември 2023 година.

Кога ETIAS стапи во сила, државјаните на трети земји на кои не им е потребна виза за патување во Шенген зоната ќе треба да аплицираат за одобрение за патување пред нивното патување преку едноставна процедура преку веб-страницата на ETIAS или мобилната апликација и ќе мора да плати такса од седум евра , а добиеното одобрение ЕТИАС ќе важи три години.

Косово е единствената земја на Западен Балкан на чии граѓани им се потребни визи за влез во ЕУ.

Санкционирани 109 возачи на територијата на СВР Тетово

Санкционирани се 109 возачи на територијата на СВР Тетово при денешната акциска контрола, информираат од Министерството за внатрешни работи.

– Во периодот од 11 до 17 часот, Секторот за сообраќајни работи и Мобилната единица за безбедност на сообраќајот на патиштата, спроведоа акциска контрола на територијата на СВР Тетово за санкционирање на возачи кои не ги почитуваат сообраќајните правила и прописи. При контролата санкционирани се 109 возачи. Од нив, 22 за возење без возачка дозвола, 44 за непрописно вградени фолии – затемнети стакла, шест за истечена важност на регистрација и осум мерки кон возачи кои вршат јавен превоз на патници. На сите прекршители изготвени им се соодветни поднесоци, се појаснува во соопштението на МВР.

Оттаму наведуваат дека сообраќајните контроли продолжуваат и во наредните денови.

Во соопштението се апелира до сите учесници во сообраќајот да ги почитуваат сообраќајните правила и прописи и заеднички да се придонесе за побезбедни патишта.

Папата ги повика Израелците и Палестинците на дијалог во потрага по мир

Папата Франциско ги повика Израел и Палестинците на дијалог во потрага по мир и го осуди неодамнешното насилство во регионот.

По неделната молитва во Рим, Папата рече дека е длабоко тажен поради веста за убиените Палестинци во израелските антитерористички операции и смртта на израелските Евреи во нападот на синагога во петокот.

„Со голема болка ги слушам вестите што доаѓаат од Светата земја. Спиралата на смртта, која расте секој ден, ја убива малата доверба што постои меѓу овие два народи“, рече тој.

„Ги повикувам двете влади и меѓународната заедница и барам од нив веднаш, без губење време, да најдат други начини, кои вклучуваат дијалог и искрена потрага по мир“, додаде Папата.

Израелскиот премиер Бенјамин Нетанјаху вети силен, брз и прецизен одговор на нападот на синагога во предградијата на Ерусалим, а израелската армија испрати уште војници на окупираниот Западен Брег.

Нападот во Ерусалим следи по израелската воена операција во градот Џенин на Западниот Брег во четвртокот, во која загинаа девет Палестинци, вклучително и седум вооружени лица, и прекуграничниот оган меѓу Израел и Газа во петокот. Најмалку 30 Палестинци, милитанти и цивили, се убиени на Западниот Брег од почетокот на јануари.

Средба на Спасовски и Демерџиев утре во Скопје

Како што соопшти МВР, изјави од министрите не се предвидени, а на крајот од официјалната средба ќе биде објавено соопштение за медиумите.

Вицепремиерот за јавен ред и безбедност и министер за внатрешни работи на Република Бугарија Иван Демерџиев со придружна делегација, утре, ќе престојува во работна посета на Министерството за внатрешни работи на Република Македонија во рамки на која ќе се сретне со неговиот колега, министерот за внатрешни работи Оливер Спасовски.

Како што соопшти МВР, изјави од министрите не се предвидени, а на крајот од официјалната средба ќе биде објавено соопштение за медиумите.

Посетата на Дерменџиев беше најавена во петокот, по телефонскиот разговор на премиерите на Бугарија и на Македонија, Галаб Донев и Димитар Ковачевски, посветен на актуелните случувања во односите меѓу двете земји. Прес-службите на двете Влади соопштија дека двајцата премиери разговарале за потребата претстојните празнувања на 151-годишнината од раѓањето на Гоце Делчев, да се одвиваат мирно и непречено.

Во таа насока, за утре, беше најавена посетата на вршителот на должноста вицепремиер и министер за внатрешни работи на Бугарија Иван Демерџиев и претседателот на државната агенција „Национална безбедност“ Пламен Тончев, кои ќе имаат работна средба со своите македонски колеги во Скопје на која ќе ги прецизираат заедничките активности за да се гарантира мирно и безбедно одбележување на 4 февруари.

притисни ентер