ЕУ има подготвено нацрт, се очекува Србија и Косово да се договорат за помалку од една година - Канал 5

Балкан

ЕУ има подготвено нацрт, се очекува Србија и Косово да се договорат за помалку од една година

Висок европски дипломат, говорејќи на маргините на самитот во Тирана, потврди дека Европската унија подготвила нов предлог за нормализација на односите меѓу Косово и Србија.

ЕУ има подготвено нацрт, се очекува Србија и Косово да се договорат за помалку од една година

Дипломатот, кој сакал да остане анонимен, тврди дека нацрт-предлогот вчера бил испратен и до косовските и до српските власти.

Европската унија очекува дека двете страни ќе постигнат конечен договор за помалку од една година, а планираните временски рокови се јасно наведени во нацртот. „Ова е голем чекор напред во споредба со сегашната ситуација поради многу работи... Тоа не е целосно признавање... но тоа е целосна нормализација на односите“, рече дипломатот.

Во 2013 година, Белград и Приштина се обврзаа на дијалог под покровителство на ЕУ за решавање на отворените прашања, но мал напредок е постигнат. Договорот со Косово е еден од главните предуслови за влез на Србија во ЕУ. „Откако ги сослушавме двете страни, го реконструиравме предлогот“, додаде дипломатот.

Дипломатот ги повика Приштина и Белград „да продолжат со конструктивниот ангажман и да се фокусираат на постигнување неповратен напредок во нормализација“. Косовскиот претседател Вјоса Османи и српскиот претседател Александар Вучиќ денеска потврдија дека остануваат посветени на дијалогот под покровителство на ЕУ.

„Сметаме дека дијалогот што го води Европската Унија и целосно го поддржуваат Соединетите Американски Држави е единствениот начин да се постигне конечен договор, кој би се засновал на взаемно признавање“, рече Османи. Таа најави и дека Косово до крајот на годинава ќе поднесе барање за членство во ЕУ.

„Секогаш сме го охрабрувале дијалогот меѓу Белград и Приштина, кој мора да се одвива со добра волја од двете страни за да се постигне потребниот напредок во однос на комплетната интеграција на Западен Балкан во европското семејство“, изјави грчкиот премиер Киријакос Мицотакис.

Неодамна дојде до нова ескалација на тензиите меѓу Србија и Косово кога властите во Косово иницираа спроведување на одлуката за замена на српските регистарски таблички во регионите каде што етничките Срби се мнозинство. Според одлуката, српските регистарски таблички би биле заменети со издадени од косовските власти.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Баерн Минхен убедлив против Унион Берлин, 100 гол на Кејн за „Баварците“

Фудбалерите на Баерн Минхен со „седмица“ дојдоа до победа против Унион Берлин, Кејн го постигна 100-тиот гол за Баварците

Баерн Минхен убедлив против Унион Берлин, 100 гол на Кејн за „Баварците“

Фудбалерите на Баерн синоќа го декласираа Унион Берлин со убедливи 7:0 во четвртото коло од Бундеслигата. Џамал ​​Мусијала погоди во 18. минута и покажа дека болеста е зад него, а потоа Хари Кејн од пенал во 39 минутаго постигна јубилејниот, својот 100-ти гол за Баварците.

Кејн повторно се запиша во листата на стрелците во 54. минута, Мајкл Олисе постигна хет-трик (во 43., 73. и 76. минута), а Исмаил Саибари погоди во 70. минута. Баерн е лидер на табелата со 10 бода.

Тагови: Баерн М. Хари Кејн

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Рубио: „Договорот на САД со Данска и Гренланд е победа за американскиот народ“

Американскиот државен секретар Марко Рубио денеска изјави дека договорот на САД со Данска и Гренланд претставува голема победа за американскиот народ.

Рубио: „Договорот на САД со Данска и Гренланд е победа за американскиот народ“

„Овој историски договор претставува голема победа за Соединетите Држави и за американскиот народ. Благодарение на визијата и лидерството на претседателот Трамп, овој историски договор трајно ги гарантира безбедносните интереси на САД на Арктикот, без никаков трошок за американските даночни обврзници“, изјави Рубио во објава на социјалната мрежа „Икс“ (X).

Како што наведе тој, Гренланд засекогаш ќе биде дел од стратешката одбранбена зона на Северна Америка, што ќе го спречи присуството на кој било противник на таа територија и во нејзината околина.

„Овој договор трајно и целосно ги решава прашањата за нашата национална безбедност поврзани со Гренланд“, заклучи Рубио.

Претходно, американскиот претседател Доналд Трамп објави дека Соединетите Американски Држави постигнале договор со Данска и Гренланд, кој, како што наведе, му обезбедува на Вашингтон трајна контрола врз безбедноста и други прашања поврзани со Гренланд.

Според него, договорот предвидува дека ниту еден противник на САД нема да може да воспостави база или воено присуство, ниту пак да реализира чувствителни инвестиции на Гренланд, без изречно писмено одобрение од Вашингтон.

Тагови: Марко Рубио

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Првиот список на Манчини – девет дебитанти

 Италија е подготвена да започне нова ера по фијаското со Џенаро Гатузо, а сега Роберто Манчини повторно е на чело.

Првиот список на Манчини – девет дебитанти

Искусниот стручњак ја презеде должноста во исклучително деликатен момент, со задача да ги подигне четирикратните светски шампиони кои се најдоа во криза, откако Италија претрпе трет последователен дебакл и не успеа да се пласира на Светското првенство.

За Италија во Лигата на нации претстои исклучително збиен и напорен распоред од четири натпревари за помалку од две недели.

На 25 септември „Аѕурите“ ја пречекуваат Белгија, три дена подоцна гостуваат во Турција, потоа на 2 октомври играат дерби против Франција, додека циклусот го заокружуваат на 6 октомври со уште еден натпревар против Турција.

Манчини прв го објави својот список, на кој се наоѓаат дури девет дебитанти: Мохамед Али Зома, Антонио Вергара, Алесандро Романо, Иса Думбија, Мајкл Кајоде, Масимо Песина, Самуеле Инасио, Себастијано Еспозито и Даниеле Џиларди.

Голмани: Марко Карнесеки (Аталанта), Џанлуиџи Донарума (Манчестер Сити), Масимо Песина (Болоња), Гиљермо Викарио (Јувентус).

Одбрана: Онест Ачанор (Кристал Палас), Алесандро Бастони (Интер), Рикардо Калафиори (Арсенал), Диего Копола (Париз), Џовани ди Лоренцо (Наполи), Федерико Димарко (Интер), Даниеле Џиларди (Рома), Мајкл Кајоде (Брентфорд), Еди Квадиома (Брентфорд), Еди Квадиома Џорџо Скалвини. (Аталанта).

Среден ред: Николо Барела (Интер), Брајан Кристанте (Рома), Иса Думбија (Спортинг Лисабон), Николо Фаџоли (Фиорентина), Давиде Фратези (Лацио), Роландо Мандрагора (Торино), Алесандро Романо (Каљари), Сандро Тонали (Тотенхем).

Напад: Николо Камбијаги (Болоња), Франческо Пио Еспосито (Интер), Себастиано Еспосито (Сасуоло), Самуеле Инасио (Борусија Дортмунд), Мојсе Кин (Комо), Даниел Малдини (Каљари), Џакомо Распадори (Аталанта), Џанлукаталакалап (Аталанта), Антонио (Аталанта) Заниоло (Удинезе), Мохамед Али Зома (Нирнберг).

Тагови: Манчини

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер