Ердоган „се вљуби“ во италијанската премиерка, снимката е хит (ВИДЕО)

Италијанската премиерка Џорџија Мелони и турскиот претседател Реџеп Таип Ердоган се сретнаа минатата недела на самитот на Г20 на Бали, а сега на социјалните мрежи се прошири видео од нивната средба.

На Твитер е објавено видео, а луѓето се шегуваат дека турскиот претседател гледа „заљубено“ во италијанската премиерка.

„Љубовта е во воздухот“, е еден од коментарите.

„Не дозволувајте сопругата на Ердоган да го види ова“, се пошегува друг твитерџија.

„Генералот од Уганда и понуди 100 крави. Колку ќе плати Ердоган?“, додаде трет корисник на социјалната мрежа.

Имено, како ново лице на политичката сцена, Мелони привлече значително внимание. Воен генерал од Уганда, син на претседателот на државата, ги понудил „најубавите крави во земјата“ за раката на Џорџија Мелони. Тој објаснил дека во нивната култура кравите се подаруваат на девојката со која сакате да се омажите и рече дека „веднаш ќе ѝ подари 100 крави бидејќи е бестрашна“.

Бугарско здружение поднело претставка против Богојески до Комисијата за антидискриминација

Бугарско здружение од Македонија поднело претставка во Комисијата за антидискриминација против претседателот на Македонски концепт Петар Богојески.

Богојески добил претставка за неговите ставови на на фејсбук, тој цени дека се работи за класична цензура од Бугарија.

Рамов: Реализиравме 80 проценти од програмата за капитални комунални проекти во 2022 година

Општина Кавадарци реализираше 80 проценти од програмата за капиталните комунални проекти во 2022 година и ова е тренд кој ќе продолжи и во идната 2023 година. 

Ова се дел од поентите од излагањето на Стојанчо Рамов, Претседател на Советот на Општина Кавадарци на регионална средба и трибина на општините од Вардарскиот плански регион.

- Општина Кавадарци во изминатиов период беше во интензивна комуникација со месните заедници и граѓаните, каде од нив се црпеа идеите, плановите и идните развојни проекти кои ќе треба да се реализираат во Општина Кавадарци во 2023 година. Сите овие идеи ќе се најдат во развојната програма, а во однос на капиталните проекти кои се планирани за 2023 година би ги издвоил изградбата на старечкиот дом во градскиот парк во Кавадарци со капацитет од 80 легла, изградба на Дневен центар за лица со посебни потреби, изградба на отворен базен и Луна центар- затворен базен и многу други проекти – кажа Рамов.

Рамов истакна дека соработката на Општина Кавадарци со Вардарскиот плански регион е одлична и дека преку истиот реализирани се повеќе проекти, а проекти се планираат и за идната година.

- Како еден од најважните комунални проекти кои ќе се реализираат во 2023 година преку Вардарскиот плански регион, а кој е од голема важност за општините Кавадарци и Неготино е патното поврзувањето на Горни и Долни Дисан со општина Кавадарци, кој е во должина од 5.7 километри. Со изградбата на ова ново патно поврзување значително ќе се олесни движењето за жителите на овој реон и претставува големо скратување на патувањето од досегашните 15 километри – додаде Рамов.

Регионалната средба беше организирана од страна на Комисијата за локална, Комисијата за инфраструктура, урбанизам и транспорт, Комисијата за енергетика и Комисијата за финансии при ВМРО-ДПМНЕ

Со почит,

Центар за комуникации на ВМРО-ДПМНЕ

За четворица затворски полицијаци од Штип, поднесени дисциплински мерки

Двајцата затворски полицајци на кои пред неколку дена им побегна затвореник со штраф во колкот од одделот за ортопедија на Клиничка Болница – Штип се суспендирани  се до донесување на правосилна одлука.

Директорот на Затвор-Штип, Мики Тодоров истакна дека против двајцата вработени е поднесена дисциплинска постапка.

– Против двајца затворски полицајци за бегство кое се случи од КБ Штип каде по претходно закажан операциски зафат осуденото лице неколку дена беше на болнико лекување се водат две дисциплински постапки. Припадниците против кого е поднесена дисциплинската постапка се суспендирани се до донесување на правосилна одлука, вели Тодоров.

Дисциплински мерки се поднесени и за други двајца затворски полицајци, кои непристојно се однесувале во угостителски објект за време на работа, а истото го потврди и директорот Тодоров.

-Секое неправилно работење и непочитување на работните обврски носи дисциплинска одговорност. За повреда на службена должност припадникот на затворска полиција одговара дисциплински. Во моментот во КПУ Затвот Штип се водат две одделни дисциплински постапки. Првата е за непристојно однесување на припадникот на затворска полиција при вршење на работа и работни задачи, а втората е за не извршување, несовесно, ненавремено или небрежно вршење извршување на работните задачи, вели Тодоров.

притисни ентер