ЕП побара преговори со Македонија во јуни 2019 и екстрадиција на Груевски - Канал 5

Македонија

ЕП побара преговори со Македонија во јуни 2019 и екстрадиција на Груевски

Европските пратеници на пленарна седница вчера го усвоија извештајот на Иво Вајгл за Македонија во кој се бара почеток на преговори со Македонија во јуни 2019 и екстрадиција на Никола Груевски.

ЕП побара преговори со Македонија во јуни 2019 и екстрадиција на Груевски

Со 470 гласови за и 116 против, резолуцијата за Македонија изгласана вчера го поздраво „засилувањето на реформските напори" во земјата како и гласањето во македонското собрание за уставните измени кои произлегуваат од Преспанскиот Договор. Европратениците оценија дека оваа спогодба претставува позитивен сигнал за помирување и стабилност во регионот.

Европскиот Парламент бара од Македонија да покаже резултати во реформскиот процес, посебно судството, борбата против корупцијата, и другите клучни закони за отворање на преговори во јуни 2019.

-Откако сите услови ќе бидат исполнети, членството на Македонија во ЕУ ќе обезбеди ветувачка иднина за оваа и следните генерации, изјави Иво Вајгл на дебатата пред гласањето.

ЕУ исто така ќе треба да ги исполни своите ветувања кон земја која предолго беше оставена во чекалната и која може да има суштински придонес за стабилноста, безбедноста и напредокот на југоисточна Европа во целост, додаде изестувачот.

Амандманите поднесени од страна на грчки европратеници во кои се бараше да биде избришана придавката „македонски" секаде во извештајот беа отфрлени од страна на мнозинството европратеници на вчерашното гласање.

Но, беа усвоени сите амандмани поврзани за азилот на експремиерот Никола Груевски во Унгарија и барањата за негова екстрадиција во Македонија, со што Европскиот Парламент официјално зазеде став дека Будимпешта не треба да му одобри азил на Груевски и дека тој чин претставува мешање во внатрешните работи на Македонија.

Амандманот поднесен од групата на Зелените гласи и дека Груевски побегнал од Македонија со "дипломатска помош од Унгарија за да избегне затворска казна" и го смета овој потег како мешање во внатрешните работи на Македонија како и „чин на презир" кон судството и владеењето на правото во земјата.

Социјалдемократите исто така поднесоа два амандмани за азилот на Груевски кои беа усвоени.

Со усвојувањето на амандманите Европскиот Парламент става на знаење дека Никола Груевски добил „транспарентен судски процес" потврден од повеќе судски инстанци и потсетува дека тој е инволвиран во дополнителни пет кривични истраги.

Социјалдемократите го поздравија гласањето на европратениците на нивниот амандман и посочија дека е во прашање кредбилитетот на Европската Унија во овој случај.

-Европскиот Парламент ја повика Унгарија да го екстрадира Никола Груевски, поранешиот македонски премиер кој избега во Унгарија откако беше осуден на затвор во Скопја за корупција и кому му беше одобрен азил од страна на унгарската влада. За Социјалдемократите ова е единствен можен начин ако ЕУ сака да остане кредибилна пред земјите кои бараат членство, ЕУ не може да има едни правило за нив, а друго за нас, соопштија Социјалдемократите по вчерашното гласање.

Усвоен е и амандманот на групата на Зелените за загрозувањето на животната средина преку одредени инфраструктурни проекти. Европскиот Парламент бара да се суспендираат проектите во Националниот парк Маврово додека не биде комплетирана „Стратешка проценка за животната средина" во целосна согласност со европското законодавство за животна средина.

Европскиот Парламент секоја година гласа резолуција за секоја од земјите кандидати за проширување, по објавувањето на извештаите на Европската Комисија за овие земји. Овие резолуции се официјалниот став на ЕП, кој Советот и Комисија го земаат предвид иако не е правно обврзувачки текст. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Мафијата криела над 3 милиони евра во ѕидови и под на стан кај Неапол- уапсени се 34 лица (ВИДЕО)

Италијанската полиција пронајде 3,2 милиони евра во кеш скриени во ѕидовите, подовите и мебелот на стан во близина на Неапол. 

Мафијата криела над 3 милиони евра во ѕидови и под на стан кај Неапол- уапсени се 34 лица (ВИДЕО)

34 лица се уапсени во голема операција против мафијата, објави Ил Матино. Парите беа откриени во населбата Каивано, а стануваше збор главно за банкноти од 50 евра.

Тие беа завиткани во целофан и наредени под подни и ѕидни плочки и во фиоки од плакарот. Полициските службеници ги извадија сноповите пари во пластични кофи и ги префрлија во оклопно возило. За време на претресот, беа пронајдени и 11 луксузни часовници „Ролекс“, оружје и опрема за кои полицијата вели дека се користеле за продажба на дрога.

Акцијата следеше по повеќемесечна истрага предводена од обвинителот за борба против мафијата во Неапол, Никола Гратери. Меѓу другото, истражителите ги прислушкуваа мобилните телефони на затворените членови на криминални групи. Гратери рече дека нивните мобилни телефони биле внесени во затворот од членови на семејството.

Кланот е толку силен во градот што владата е ставена под судска администрација.

„Само во еден дом, запленивме 3,2 милиони евра во готово, како и вредни часовници“, рече Гратери. Полицијата, исто така, добила информации за скриените пари и криминалната група од информатори кои дале изјави во замена за заштита.

Полицијата вели дека уапсените се поврзани со кланот Анџелино. Со текот на времето, овој клан го зајакнал своето влијание во Каиван толку многу што локалната самоуправа била ставена под судска администрација минатата година. Истрагата, исто така, го открила наводниот начин на организирање на криминални активности.

Обвинителот Гратери го опишал нивниот модел на работа како „претприемачки“, каде што луѓето работеле во смени и организирале трговија со дрога и изнуда. Против 34 уапсени лица се покренати сомневања за приклучување кон мафијашка организација, трговија со дрога, изнуда и поседување дрога за продажба.

Акцијата предизвика политички реакции

Пронајдените пари ќе бидат уплатени во Италијанскиот фонд за правда, кој финансира помош на жртвите на организиран криминал. Акцијата, исто така, предизвика политички реакции. Опозицијата го искористи случајот за да ја критикува владината програма „Каивано“, која беше започната во 2023 година за реновирање на запоставени области и борба против криминалот. Обвинителот Гратери, исто така, се осврна на проблемот со финансирањето на полициското прислушување. Тој иронично рече дека запленетите 3,2 милиони евра би можеле да ги покријат трошоците за прислушување во Неапол во текот на цела година.

Тагови: мафија Неапол

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Дали Британија се враќа во Европската Унија?!

Британскиот премиер Енди Барнам денеска изјави дека негов моментален приоритет е „обнова на мостови со европските сојузници“, но дека не ја исклучува можноста Обединетото Кралство (Велика Британија) повторно да се приклучи на Европската Унија .

Дали Британија се враќа во Европската Унија?!

Барнам, кој ќе го одржи својот прв состанок со претседателката на Европската комисија, Урсула фон дер Лајен, во вторник не ја исклучи можноста за вклучување на пресврт во Брегзит во следниот манифест на Лабуристите, објави Гардијан.

Тој рече дека земјата прво треба да се фокусира на обезбедување поблиски трговски врски со ЕУ.

„Она што треба да го направиме сега е да преминеме на следното ниво во однос на постигнување практичен договор што дополнително ќе ја поттикне британската економија и тие прашања се од суштинско значење“, рече Барнам.

Граѓаните на Велика Британија гласаа на референдум во 2016 година за напуштање на ЕУ, а во 2020 година земјата официјално ја напушти унијата.

Тагови: Британија Европската Унија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски во Њујорк се сретна со словенечкиот премиер Јанша: Македонија нема да стои во место додека го чекори европскиот пат

Во Њујорк остварив средба со претседателот на Владата на Република Словенија, Јанез Јанша.

Мицкоски во Њујорк се сретна со словенечкиот премиер Јанша: Македонија нема да стои во место додека го чекори европскиот пат

Разговаравме за европската перспектива на Македонија, за продлабочување на политичката и економската соработка меѓу нашите две држави, како и за актуелните геополитички и безбедносни предизвици во Европа и регионот.

Македонија останува цврсто посветена на европската иднина и на реформите кои носат подобар живот за граѓаните. Нашиот став е јасен – европската интеграција мора да се темели на заслуги, исполнети критериуми и реални резултати, а не на нови билатерални условувања кои немаат суштинска врска со европските вредности.

Не бараме привилегии и не бараме пократок пат. Бараме фер и предвидлив процес во кој постигнатото ќе се вреднува, а Македонија ќе биде почитувана како држава и партнер.

Словенија е наш долгогодишен пријател и важен партнер во Европската Унија и НАТО. Заеднички интерес е ова пријателство да го преточиме во уште посилна економска соработка, повеќе инвестиции и конкретни проекти кои ќе создаваат нови можности за граѓаните и стопанството.

Македонија нема да стои во место додека го чекори европскиот пат. Ќе продолжиме да ја развиваме економијата, да ги спроведуваме реформите, да ги зајакнуваме нашите меѓународни партнерства и достоинствено да ги браниме македонските национални интереси.

Градиме пријателства, создаваме можности и работиме Македонија да биде економски посилна и почитувана држава, објави на ФБ премиерот Христијан Мицкоски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер