Борбата со ветерници, како што ја нарекува, најави ќе ја продолжи по институционален пат, оти гладувањето по шестиот ден веќе почнало да влијае врз неговото здравје. Ваквата одлука, вели, доаѓа и по краткиот разговор со деканот на медицинскиот факултет – Светозар Антовиќ, со кого ставовите околу фер и транспарентноста на постапките за вработување останали спротивни.

-Вчера, некаде околу пладне, имав кратка средба со деканот на медицинскиот факултет, кој веднаш штом се врати од патување ме повика да се видиме, на таа средба ги разговаравме нивните и моите ставови. Тие и понатаму стојат на нивниот став дека се е фер и транспарентно, јас и понатаму стојам на мојот став дека не е фер и не е транспарентно. Со оглед на тоа што веќе колегите се во работен однос и по разговорот со деканот и дека веќе изминуваше шестиот ден од штрајкот со глад, веќе чувствував изнемоштеност, слабост итн, решив да го прекинам штрајкот со глад и понатаму моите убедувања да ги докажувам преку институтуциите. Не се откажувам, ќе го докажам тоа што го тврдам, па колку време и да е потребно за истото,- - Дарко Василевски.

Разговорот бил конструктивен, а деканот на Медицинскиот факултет, Антовиќ, вели дека детално одговорил на сите прашања на Василевски, кои повеќето биле за критериумите.

Тој, веднаш по враќањето од САД, каде службено бил на подолг период, се сретнал со професорите кои го спровеле изборот на кандидатите и добил детален увид во процесот. Потоа го посетил Василевски во шаторот и го повикал на разговор во неговата канцеларија. Антовиќ уверува дека постапката за вработување била законска и дека тоа можат да го проверат и надлежните институции.

-Јас навистина не можам да замислам дека медицинскиот факултет како таков, кој е дел од УКИМ, не ги почитува законите кои важат во државата. Одговорно тврдам дека, се она што пропишува законот за работни односи е испочитуван од страна на медицинскиот факултет и тоа може да биде проверено од сите надлежни институции, а воедно го упатив доктор Василевски дека пред судовите во Македонија може да покрене постапка, во која што тоа лесно може да се докаже. Потоа, мислам, дека во една пријателска атмосфера се разделивме и одлуката да го прекине штрајкот е негов личен чин, кој јас навистина го поздравувам, бидејќи сметам дека здравјето негово е пред се и над се. - Светозар Антовиќ – Декан на Медицински факултет - Скопје.

Во однос на тоа дали и тој ќе има средба – министерот за здравство Клековски вели дека Василевски не се пријавил за работа во установа под министерството за здравство, односно конкурирал во образовна институција, па од таму не е соодветно тој да разговара. Тој вели дека е во тек со случувања и дека во основа, работата која сакал да ја добие Василевски, ја добиле кандидати кои подобро ги исполнувале критериумите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Меѓу доминантните прашања пред Комитетот за надворешни работи, се најде предлогот едногласноста да се замени со квалификувано мнозинство и со тоа да се отстрани досегашното право - една членка да може да блокира земја - кандидантка во текот на преговорите по поглавја. На ваквиот клучен предлог, се спротивстави бугарскиот европратеник Станислав Стојанов, а Македонија ја наведе како пример зошто таквата промена не треба да се прифати. Едногласноста не треба да се злоупотребува – му одговори Кос и порача билатералните прашања да се решаваат меѓу двете засегнати страни, иако како што потоа дополни, ЕУ е подготвена да биде дел од разговорите.

-Укинувањето на принципот на едногласност и неговата замена со принципот на квалификувано мнозинство е загрижувачко. Нема потреба да брзате да примате кандидати кои не се подготвени. Едногласноста е многу моќна алатка која вие практично сакате да ја елиминирате. Постојат земји-кандидатки како што е Македонија, каде што човековите права се уште се нарушувани,- -Станислав Стојанов, европратеник од Бугарија.

-Г-дине Стојанов, да, и јас многу се залагам за користење на едногласноста сè додека не се злоупотребува. Не, не сакаме да ја елиминираме, предлагаме некои делови да бидат поефикасни, земјите-членки ќе дискутираат, и се согласувам со вас дека билатералните прашања немаат никаква врска со процесот на пристапување. Апелираме до секоја земја-членка и земјите-кандидатки да го сторат ова билатерално,- -Марта Кос, еврокомесарка за проширување.

Непочитувањето на правата на малцинствата ќе биде причина да се активираат заштитните мерки за новите членки како суспендирање на правото на глас и финансиската поддршка, дополни еврокомесарката.

-Ги споменавте правата на малцинствата. Токму ова го правиме. Ова е Член 2. Токму ова го прават Украина и Унгарија во вистинско време и токму ова треба да го направат Македонија и Бугарија,- -Марта Кос, еврокомесарка за проширување.

На прашање од известувачот за земјава – Томас Вајц кој е ставот на земјите членки отворањето и затворањето на поглавјата да се одвива со квалификувано мнозинство, Кос призна дека во моментов тие се со поделени реакции и ставови. Новите претпристапни политики како предлог на Колегиумот на комесари се се уште во процес на дебата, а финалниот стратешки дијалог по ова прашање ќе се одвива следната недела во Европскиот Совет.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Спорните серии од бугарскиот производител „Бул Био“ за кои алармот го вклучи Хрватска се користени и во Македонија до јуни летово, кога им поминал рокот, но досега нема регистрирано дете дијагностицирано со остеомиелитис, потврдува Министерот за здравство Сашо Клековски.

Во меѓувреме, државата ќе обезбеди вакцини од друг производител, од Јапонија, во соработка со УНИЦЕФ, а пратката од околу 15.000 вакцини доволни за една година се очекува да стигне во земјава за десетина дена, со цел да се обезбеди континуитет на имунизацијата бидејќи Македонија е земја со висок ризик за туберколоза. Властите велат дека се додека сомнежите за бугарската вакцина не се потврдат или отфрлат таа воопшто нема да се користи во Македонија, а се очекува истрагата да заврши за два до три месеци.

Остеомиелитис е позната, но многу ретка можна несакана реакција на БСЖ вакцинацијата, но ова заболување, или воспаление на коските што го зафаќа коскеното ткиво и коскената срцевина може да има повеќе причинители, велат од Националниот комитет за имунизација.

Откако Хрватска најави истрага поради сомнежот за квалитетот на вакцината, бугарскиот државен фармацевтски производител Bul Bio ги отфрли ваквите тврдења. Тие соопштија дека направиле сопствена истрага која покажала дека во два од четирите пријавени случаи во Хрватска, била администрирана доза што била десет пати поголема од пропишаната, соопшти бугарското министерство за здравство.

Бесеже вакцината против тешки форми на туберкулоза која се администрира веднаш по раѓањето, но може да се прими до една година потоа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.