Новата постапка произлегува од барањето на колумбиската пејачка да се изменат условите за патување на момчињата, кои се движат меѓу Мајами и Барселона за да поминуваат време со својот татко.

Шакира и Пике постигнаа договор за старателство по разделбата во 2022 година, но пејачката сега бара измени што првенствено се однесуваат на логистиката на меѓународните патувања на нивните синови, кои сега имаат 13 и 11 години.

Според изјавата на претставникот на пејачката, пренесена од шпанските медиуми, Шакира не сака Милан и Саша да поминуваат помалку време со својот татко.

Нејзиното барање се однесува на поинаков договор околу обврските за патување меѓу САД и Шпанија, со цел товарот од долгите патувања порамномерно да се распредели меѓу родителите. „Целта е да се осигура дека напорот и тешкотиите при патувањето меѓу Мајами и Барселона нема да паднат исклучиво врз децата“, се наведува во соопштението.

Во основата на барањето лежи практичен проблем што произлегува од големото растојание меѓу местата на живеење на родителите, како и од временската разлика.

Así fue el reencuentro de Shakira con Gerard Piqué… ¡y no fue de lo más cordial! 😬🔥 El encuentro se llevó a cabo en los juzgados de Barcelona, luego de que la intérprete de “Día de Enero” solicitara una modificación al régimen de visitas de Piqué con sus hijos. 👀⚖️ La cantante busca que sea él quien viaje a Miami para verlos y no que los niños tengan que trasladarse constantemente a Barcelona, como lo han estado haciendo hasta ahora. ✈️🌴 ¡Y así fue este nuevo capítulo de la historia entre Shakira y Piqué! 🫣 📹: Vanitatis

— Raul Gutierrez🇲🇽 (@Raulgutierrez) October 6, 2026

Момчињата живеат со мајка им во Мајами, додека Пике живее во Барселона. Следствено, патувањето меѓу двете земји може да биде особено напорно, особено за време на кратките училишни распусти.

Шакира предлага во такви ситуации Пике да патува во Мајами за да помине време со своите синови, наместо момчињата да патуваат во Барселона. Таа сака да ја заштити нивната рутина.

Правниот тим на пејачката смета дека таквата промена би им овозможила на Милан и Саша да ги одржуваат своите вообичаени училишни, социјални и семејни рутини за време на пократките распусти. Тие наведуваат дека овој пристап подобро би ја заштитил емоционалната, физичката и академската благосостојба на момчињата.

Посебен акцент се става на фактот дека самото патување меѓу Флорида и Шпанија може да одземе значителен дел од времето со кое момчињата располагаат за време на училишните распусти.

Тимот на Шакира нагласува дека целта не е да се ограничи времето што синовите го поминуваат со својот татко, туку поинаку да се организира логистиката на нивните посети.

Новата правна постапка доаѓа речиси четири години откако Шакира и Пике постигнаа договор за старателството над Милан и Саша по нивната разделба.

Откако се пресели во Мајами во 2023 година, Шакира јавно апелираше до медиумите и фотографите да им овозможат поголем мир и приватност на нејзините синови, по периодот на силен медиумски интерес.

Тогаш таа нагласи дека, покрај својата јавна кариера, таа пред сè е мајка посветена на заштитата на менталната и емоционалната благосостојба на своите деца.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Министерката за енергетика, рударство и минерални суровини Сања Божиновска од денеска, 7 октомври, престојува во Виена, каде што по посебна покана на Дипломатската академија на Виена учествува во програмата „Жени лидери – Југоисточна Европа и Црното Море/Јужен Кавказ 2026“.

Преку посетата во Виена, Министерството за енергетика, рударство и минерални суровини ги претставува енергетските приоритети на земјата пред релевантни европски институции, претставници на јавниот сектор, дипломати и идни носители на одлуки, со цел отворање нови можности за соработка, размена на искуства и унапредување на партнерствата во енергетиката.

Програмата „Жени лидери 2026“, организирана од Дипломатската академија на Виена, е посветена на зајакнувањето на женското лидерство и на современите предизвици во јавниот сектор. Учеството на министерката Божиновска овозможува размена на искуства и отворање прашања од значење за иднината на регионот и Европа, вклучително и лидерството, управувањето со кризи, родовата еднаквост и дигиталната дипломатија.

Енергетската соработка меѓу Македонија и Австрија е еден од клучните сегменти на посетата. Министерката ќе оствари работна средба со Северин Грубер, генерален секретар на Сојузното министерство за економија, енергетика и туризам на Австрија. Во фокусот ќе бидат билатералната и економската соработка, енергетската транзиција, енергетската сигурност и можностите за воспоставување и продлабочување на соработката во области од заеднички интерес.

Посебен дел од агендата е посветен на младите и идните дипломати. Министерката Божиновска ќе има обраќање и ќе одржи предавање пред студентите на Дипломатската академија на Виена, посветено на енергетската транзиција и актуелните состојби во енергетскиот сектор во Македонија.

Пред студентите ќе бидат претставени реформите и процесите што го менуваат македонскиот енергетски систем – развојот на обновливите извори на енергија, модернизацијата на енергетската инфраструктура, постепеното напуштање на јагленот и спроведувањето на праведната енергетска транзиција. Ќе бидат презентирани и приоритетите поврзани со енергетската сигурност, диверзификацијата на снабдувањето, регионалното поврзување и интеграцијата во европскиот енергетски пазар.

Во услови на новата енергетска и геополитичка реалност во Европа, посебно значење има регионалната енергетска поврзаност. Во овој контекст, значајно место имаат новите енергетски коридори, вклучително и Вертикалниот гасен коридор, кои придонесуваат за поголема сигурност и диверзификација на снабдувањето.

Со активната меѓународна агенда, Министерството продолжува да ги гради партнерствата во регионот и Европа, да ги отвора можностите за нови инвестиции и соработка и да ги позиционира македонските енергетски интереси во пошироките европски процеси. Посетата во Виена е насочена кон создавање конкретни можности за соработка и размена на искуства во енергетиката, со фокус на сигурна, модерна и одржлива енергетска иднина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

16 ГОДИНИ НАЦИОНАЛЕН СЛЕМ.

Промоции, изложби, поетско-музички перформанси, почнува „Поетски слем Македонија“

Националниот „Поетски слем Македонија“ 2026 годинава по 16-ти пат ќе се одржува во Прилеп и ќе трае од 8 до 11 октомври.

Литературната манифестација е во организација на Театарска работилница - Прилеп, а ќе се отвори утре во 18:30 часот во галеријата НУЦК „Марко Цепенков“ со изложба на ДЛУМ-Битола. На истата локација ќе се одржи и поетската монодрама „ Лидија или сѐ што знам за жените“, со почеток во 20 часот.

Оваа година, за титулата национален претставник, ќе се натпреваруваат дваесетина учесници и учеснички од различни возрасти и со уникатни стилови на изразување и творење, кои доаѓаат од цела Македонија. Учесници се Бобан Богатиновски, Лиле Јовановска, Тања Кузманоска, Билјана Павлеска, Виктор Спасески, Жане Гудеска, Јулијана Маринковиќ, Маја Малиновска, Марија Грубор, Наталија Наумовска Велковска, Стефанија Граовац, Тони Павлески, Лилјана Сливоска, Елена Пренџова, Игор Трпчески.

Годинава директно во финаленото влегоа Валерија Дамчевска, Матеј Петров и Јован Лешев, кои добија најмногу бодови на настанот по повод Светскиот ден на слемот, кој се одржа на 26 септември во Скопје.

Специјални гости годинава се поетесите Елијане Лусија Леонардо Бутелане и Наташа Сокре

од Мозамбик, Африка.

На девети октомври во кафулето „Долапче“ со почеток во 18 часот ќе се одржи промоција на збирка поезија на хаику, хаига и задачи за креативно пишување од Елена Пренџова, а промоторка ќе биде Катарина Фиаменго од Србија. Потоа, во клубот „Дипломатик“ со почеток во 19 часот ќе се одржат промоции на две збирки поезија од авторките Александра Јуруковска и Сузана Мицевска, а промотор ќе биде Звонко Димоски.

Во киното „Мис Стон’ со почеток во 20 часот ќе настапат специјалните гостинки од Мозамбик - Африка, Елијане Бутелане и Наташа Сокре, а после нивниот настап на истата локација ќе се одржи полуфиналето во слем.

Третиот фестивалски ден ќе се одржат неколку поетски промоции на книги, како и главното слем-натпреварување.

Промоција на збирка поезија од Марија Грубор, чија промоторка ќе биде Елена Пренџова, ќе се одржи во клуб „Дипломатик“ со почеток во 18 часот.

Фестивалот свечено ќе се отвори со слем-караванот, кој ќе почне на прилепскиот плоштад (кај Саатот) и ќе се движи до НУЦК „Марко Цепенков“.

Ќе се одржи и промоција на книгата „Како паѓаме јас и ти“ од Ненад Јолдески, а промотор ќе биде Ѓоко Здравески.

Главното слем-финале ќе се одржи во киното „Мис Стон“ со почеток во 21 часот, по што следи концертна промоција на збирката „Пружини“ од Пијан Славеј (Бранислав Николов), заедно со „Хот џез оркестра“.

Последниот фестивалски ден (11 октомври) учесниците ќе имаат можност да присуствуваат на литургија во манастирот „Успение на Пресвета Богородица“ – Трескавец, каде што потоа ќе се одржи и поетско читање.

Вечерта ќе е посветена на поезијата на Тихомир Јанчовски, настан што ќе се одржи во вилата „Ана Плетварска“ со почеток во 19:30 часот.

„Поетски слем Македонија“ досега има испратено 11 национални претставнички и претставници на Европското слем-првенство, како и двајца претставници на Светското слем-првенство.

Годинешниот победник ќе ја претставува Македонија на Европското слем-првенство, со можност и на Светското, а како подарок ќе добие часовник од брендот „11и11“.

Дизајнотот на плакатот е на уметникот Владимир Лукаш.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.