Енди Мареј донира 600.000 евра за децата во Украина - Канал 5

Тенис

Енди Мареј донира 600.000 евра за децата во Украина

Поранешниот светски тенисер број еден, Британецот Енди Мареј, е добитник на овогодинешната награда Артур Еш за хуманитарна работа.

Енди Мареј донира 600.000 евра за децата во Украина

Ја заслужи за неговите напори да им помогне на украинските деца погодени од руската инвазија на нивната земја. За време на турнирот во Индијан Велс оваа година, Мареј реши целата своја заработка од наградите на турнирите да ја донира за помош на децата во Украина и на крајот таа сума достигна околу 630 илјади долари или околу 600 илјади евра.

„Куќите беа бомбардирани и семејствата беа раселени. Победувам на турнирите на УНИЦЕФ, тоа ми даде дополнителна мотивација и се надевав дека некои други играчи ќе се придружат во собирањето помош“, изјави Мареј.

Здруженијата на тениските професионалци (АТП и ВТА), како и Меѓународната тениска федерација (ИТФ) и организаторите на сите четири Грен слем турнири донираа 700 илјади долари, додека неодамна пензионираниот легендарен Швајцарец Роџер Федерер донираше 500 илјади долари.

„Во Украина има 7,5 милиони деца, од кои на дури 5,2 милиони им е потребна помош. Кога ќе видите слики од нивните маки, уште повеќе ви се превртува стомакот. Имам четири деца со кои, за среќа, сѐ е во ред, но како родител, ваквите работи поинаку влијаат на тебе, додаде Мареј.

Програмскиот специјалист на УНИЦЕФ Татјана Фанучи рече дека донацијата на Мареј била искористена за набавка на медицинска опрема и други потреби за децата кои морале да ги напуштат своите домови.

Ова е втор пат Мареј да ја освои наградата Артур Еш. Тој беше победник за прв пат во 2014 година, придружувајќи им се на Андре Агаси, Роџер Федерер и Аисам-Ул-Хак Куреши кои исто така двапати ја освоија наградата за хуманитарец на годината.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Два инциденти за помалку од 24 часа: Уште еден воз излета од шините во Англија

Патнички воз во Есекс, источна Англија, излета од шините денес, помалку од 24 часа откако во сличен инцидент во воз на релација Лондон-Истборн беа повредени 20 лица.

Два инциденти за помалку од 24 часа: Уште еден воз излета од шините во Англија

Според фотографиите од местото на настанот, возот со девет вагони излетал од шините и удрил во надземна жичана греда кога застанал, објавува Телеграф.

Излетувањето од шините се случило само неколку часа откако лидерите во индустријата инсистирале дека железниците се безбедни за употреба во топло време.

Инцидентот се случил на најжешкиот ден во годината, кога температурите достигнале 38 степени Целзиусови.

Сликите од местото на несреќата покажуваат дека возот тргнувал од Саутенд Викторија кон Лондон Ливерпул Стрит во 13:51 часот.

Засега нема информации дали има повредени во инцидентот.

Тагови: Англија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Прекини на електричната енергија во четири азиски земји

Казахстан, Киргистан, Таџикистан и Узбекистан денес известија за прекини на електричната енергија, кои се случија „поради ненадејна промена во протокот на енергија“ од централноазиската мрежа, објави Министерството за енергетика на Казахстан.

Прекини на електричната енергија во четири азиски земји

Министерствата за енергија на сите четири земји, чии мрежи се меѓусебно поврзани, потврдија прекини на електричната енергија. Тие изјавија дека се работи на враќање на снабдувањето со електрична енергија.

Репортерите на Ројтерс во Алмати, најголемиот град во Казахстан, и Бишкек, главниот град на Киргистан, известија за прекини на електричната енергија. Локалните медиуми во Таџикистан известија за прекини во главниот град Душанбе и вториот по големина град Хуџанд.

Прекините на електричната енергија се чести во Централна Азија

Узбекистанските власти известија за прекини на електричната енергија во некои јужни делови од земјата, главно во близина на границата со Таџикистан.

Недостатокот на електрична енергија е честа појава во Централна Азија, каде што традиционалното потпирање на хидроенергија предизвикува проблеми бидејќи климатските промени ги прават хидроцентралите ранливи на недостиг на вода.

Фото: ВИ

Тагови: Азија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Грција во пламен: Пожарникарите се обидуваат да го спречат ширењето на пожарот

Денес во регионите Варда и Илија во западен Пелопонез, Грција, избувна пожар, кој зафати ниска вегетација.

Грција во пламен: Пожарникарите се обидуваат да го спречат ширењето на пожарот

Според првичните информации, 20 пожарникари, седум возила и три авиони се вклучени во гаснењето на пожарот, објавува „Катимерини“.

Локалните самоуправи исто така даваат помош во гаснењето на пожарот, а на лице место се наоѓаат цистерни за вода и градежна механизација.

Западен Пелопонез моментално е под висока пожарна тревога.

Извор: Б92

Тагови: грција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер