Моментално се во фаза на пробно производство на првиот автомобил, кое започна пред неполн месец. Фабриката во Пекинг моментално произведува околу 50 прототипови неделно.
Со одобрение од Министерството за индустрија и информатичка технологија (МИИТ), кое треба да биде готово најдоцна до крајот на годината, „Xiaomi“ ќе започне со масовно производство на својот прв автомобил.
„Xiaomi“ веќе почна да вработува работници минатиот месец. Производителот на паметни телефони моментално регрутира, а процесот на вработување е динамичен и многу строг. Одделот за човечки ресурси работи со полна пареа за да вработи 100 нови луѓе кои ќе работат во производството, а некои извори тврдат дека некои од апликантите, кои работеле во „Mercedes“ и „Tesla“, не ги исполнуваат високите критериуми на „Xiaomi“.
Како што пренесува „Klix.ba“, обемниот процес на регрутирање ќе започне на крајот на оваа или на почетокот на следната година, кога се очекува масовно производство. Сепак, масовното производство вклучува фаза на зголемување.
Врз основа на кинеско-странски заеднички вложувања во Кина, како што се оние што ги практикуваат „Volkswagen“ или „Toyota“, зголемувањето на производството на 10.000 единици месечно бара временски период од околу четири месеци, додека за достигнување на полн капацитет потребна е дури цела година, сметаат експертите, додавајќи дека процесот зависи од продажбата и поставувањето на производната линија. „Xiaomi“ е многу амбициозен, планираниот производствен капацитет на фабриката во првата фаза е 150.000 единици годишно.
Минатиот месец медиумите објавија шпионски фотографии од првиот модел на „Xiaomi“ што ќе се произведува во фабриката во Пекинг. Станува збор за прототип на лимузина со кодно име „MS11“.
Сериската верзија треба да понуди верзија со долг домет со капацитет на батерија од 101 kWh, што овозможува автономија од 800 km во верзијата со еден електромотор. Ќе поддржува модерна архитектура од 800 V за брзи полначи до 350 kW. Самата батерија тежи 642 kg, а густината на енергијата е 157 Wh/kg.
„Xiaomi“ има за цел да влезе на пазарот на лимузини од 200.000 јуани (27.400 долари) за да се натпреварува со ривалите како што се „Tesla Model 3“, „BYD Seal“, „Deepal SL03“ и десетици други кинески „EV“ седани кои се многу барани таму на пазарот. Првите автомобили ќе се продаваат во Кина, потоа во Европа и на крајот на американскиот пазар.