Ел Чапо проговори од самица- бара итна екстрадиција: Моите човекови права се кршат - Канал 5

Свет

Ел Чапо проговори од самица- бара итна екстрадиција: Моите човекови права се кршат

Хоакин „Ел Чапо“ Гузман бара екстрадиција во Мексико од затвор, тврдејќи дека неговите права се кршени во САД, додека адвокатите предупредуваат на сурови услови и екстремна изолација.

Ел Чапо проговори од самица- бара итна екстрадиција: Моите човекови права се кршат

Хоакин „Ел Чапо“ Гузман, поранешниот водач на картелот Синалоа, испрати ново писмо до судијата Брајан Коган барајќи негова екстрадиција во Мексико.

Некогаш најбараниот човек во светот инсистира во писмото на „еднаков третман според законот“ во неговиот случај и бара да му се суди во неговата татковина за обвиненијата што сè уште се водат против него.

Гузман отслужува доживотна казна затвор од 2019 година за злосторства поврзани со дрога и оттогаш е во затворот ADX Флоренс во Колорадо.

Писмото, испратено на 23 април и применато на 1 мај во Федералниот суд за Источниот округ на Њујорк, не е првото во кое Ел Чапо посочува на условите во затворот или бара „фер третман“ во жалбената постапка.

Во новото писмо, рачно напишано на англиски јазик со граматички грешки, тој повторно тврди дека му се прекршени правата за правична постапка.

Адвокатката: „Тој е држен во исклучително тешки услови“

„Напишав неколку писма во врска со праведноста и валидноста на моето барање за жалба на следното рочиште за да добијам фер третман според законот. Ова е барање полно со почитување во врска со прекршувањето на Судот во врска со „убедливите докази“ што не беа презентирани, што го спречи отфрлањето на мојот случај. Барам од Окружниот суд да ми го даде правото да бидам префрлен назад во мојата земја и да се соочам со обвиненијата поврзани со прекршувањето на мојата казна во интерес на праведноста според федералниот закон“, се вели во дел од писмото.

Во претходно писмо, испратено пред само две недели, Гузман бараше „заштита“ на неговите човекови права загарантирани со Уставот на САД.

Во тоа време, тој тврдеше дека судот мора да обезбеди нивно спроведување за да има еднаква заштита.

Неговиот правен тим последен пат јавно зборуваше во февруари. Во тоа време, неговата адвокатка, Мариел Колон, изјави за мексиканскиот весник „Реформа“ дека Гузман изгубил многу тежина во последните месеци и имал епизоди на тахикардија.

„Го држат во исклучително тешки услови. Според мене, тие се нехумани и го кршат Уставот на САД. Тие се сурови“, рече таа.

„Ел Чапо“ екстрадиран во САД во 2017 година

Гузман беше повторно уапсен во Мексико во јануари 2016 година, по две спектакуларни бегства од затвор. Последното, од затворот со максимална безбедност Алтиплано, се случи во јули 2015 година.

Бегството, кое потсетува на холивудска продукција, беше извршено преку тунел опремен со вентилација, осветлување, резервоари за кислород и шини за мотоцикли, директно поврзан со неговата ќелија, што предизвика политичка криза во владата на тогашниот претседател Енрике Пења Нието.

Неговото конечно апсење го означи крајот на тоа поглавје.

Во 2017 година, тој беше екстрадиран во Соединетите Држави, од каде што постојано предупредуваше на екстремната изолација во која се наоѓа, која се применува и на терористите.

Неговите синови го продолжија неговиот криминален пат

Ел Чапо е сè уште затворен во режимот на САМ, што подразбира посебни административни мерки и екстремна изолација.

Во режимот беа вклучени и Теодор Џон Качински, познат како Унабомбер; Џохар Царнаев, еден од извршителите на бомбашкиот напад на Бостонскиот маратон во 2013 година; како и Ричард Рид, кој беше поврзан со Ал Каеда, кој во 2001 година се обиде да детонира бомба скриена во чевла на лет помеѓу Париз и Мајами.

Синовите на Гузман, познати како Лос Чапитос, го продолжија криминалниот пат на својот татко.

Тие се обидуваат да ја преземат контролата врз организацијата преку насилни методи, која ослабна откако неговиот долгогодишен партнер Исмаел „Ел Мајо“ Замбада беше предаден на американската ДЕА во 2024 година.

Борбата за превласт е дополнително поттикната од безбедносните мерки што ги спроведоа заеднички Мексико и САД.

Извор: Б92

Тагови: Ел Чапо

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Секси водителка ги откри тетоважите-„Се гледаат само кога сум без облека“

Атрактивната водителка ги откри своите тетоважи: „Имам многу, видливи се само кога не сум облечена“.

Фото: Секси водителка ги откри тетоважите-„Се гледаат само кога сум без облека“

Маја Џама го откри скриеното значење на својата тајна тетоважа на арапски јазик, која се протега преку нејзиниот бут и која ја направила кога имала само 15 години.

Шармантната водителка Маја Џама често е во центарот на медиумското внимание поради својот атрактивен изглед, но и поради малку бурниот љубовен живот. Таа неодамна раскина со фудбалерот Рубен Дијаз и се чини дека ужива во тоа што е сама.

Во кратко интервју, таа зборуваше за бројните тетоважи на своето тело, кои сепак не се толку лесно забележливи. За некои од нив го откри и нивното значење.

„Мојата прва тетоважа е оваа на бутот, веднаш над линијата на бикини-зоната. Ријана имаше тетоважа на тоа место и имам впечаток дека сите девојки веднаш побрзаа да го направат истото. Но, боже мој, имав 15 години кога со пријателките отидовме кај една жена во Бристол, а низ собата ѝ леташе папагал. Веројатно не ѝ било дозволено законски да нè тетовира, но сепак нè истетовира сите“, изјави таа.

-На мојата тетоважа на арапски јазик пишува: ‚Сакај како никогаш да не си бил повреден и танцувај како никој да не те гледа‘. Мислам дека навистина се водев според тоа. Тоа се двете работи што навистина ги правам! Имам доста тетоважи, но сфатив дека повеќето од нив се видливи само кога носам бикини или долна облека, бидејќи главно се наоѓаат на моите ребра, колкови и бутови“, додаде водителката.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Златко Далиќ си заминува од Хрватска: Веќе се појави името на новиот селектор

На денот кога хрватската репрезентација ќе се врати од Светското првенство, сосема е извесно дека Златко Далиќ ќе ја напушти селекторската позиција. 

Златко Далиќ си заминува од Хрватска: Веќе се појави името на новиот селектор

Најголем фаворит да го наследи е Славен Билиќ, објави порталот „24sata.hr“. Легендарниот хрватски дефанзивец, кој како играч освои бронзен медал на Светското првенство во 1998 година, веќе ги има предводено „Коцкестите“.

Во 2006 година, тој во првиот тим ги вклучи Лука Модриќ, Ведран Чорлука и Едуардо, со кои претходно соработуваше во младата селекција до 21 година.

Квалитетот, искуството и карактерот се издвојуваат како најголеми одлики на Билиќ, па се смета дека тој го поседува „целосниот пакет“ за да го преземе тимот што беше светски вицешампион во 2018 година и освојувач на бронза во Катар во 2022 година.

„Не помалку важно е тоа што Билиќ ја има поддршката од претседателот на Хрватскиот фудбалски сојуз, Маријан Кустиќ, и од директорот на репрезентацијата, Стипе Плетикоса“, се наведува во текстот.

Под водство на Билиќ, Хрватска двапати ја победи Англија во квалификациите на патот до ЕУРО 2008, а драматично загуби во продолжението од Турција на завршниот турнир.

Тој ја водеше репрезентацијата шест години, а потоа беше тренер на Локомотив Москва, Бешикташ, Вест Хем, каде што беше и играч и успешен менаџер, бидејќи го освои седмото место во Премиер лигата, победувајќи ги Ливерпул и Манчестер Сити.

Во претходните години, Билиќ се занимаваше и со новинарство и ја водеше популарната емисија „Неуспехот на шампионите“, во која ги беше домаќин на најголемите спортисти од регионот, пред сè Новак Ѓоковиќ, Златан Ибраховиќ, Жељко Обрадовиќ и Лука Модриќ.

Тагови: Хрватска

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Ивана Крол во „вратоврска и боди повторно ги „запали“ трибините,

На Светското првенство, најпознатата хрватска навивачка Ивана Кнол ги запали трибините со својот атрактивен изглед и минијатурна вратоврска. 

Фото: Ивана Крол во „вратоврска и боди повторно ги „запали“ трибините,

Хрватската фудбалска репрезентација со години ниже големи успеси, а на трибините секогаш ја следи најпознатата навивачка Ивана Кнол, која „освојуваше“ со својот стајлинг- вратоврска над намачканите бујни гради.

Но, вчера атрактивната Ивана не успеа да им помогне на своите соработници на зелениот терен да остварат успех во контроверзниот дуел во Португалија.

Хрватите доживеаја елиминација уште во осминафиналето на Светското првенство во САД, Мексико и Канада – и тоа на крајно болен начин – а на тој натпревар присуствуваше Ивана Кнол.

Фоторепортерите ја следеа уште од моментот кога пристигна на стадионот во Торонто, неколку часа пред почетокот на натпреварот, а таа, како и секогаш, со задоволство позираше пред нив.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер