Здравје

Еден од најголемите експерти во фетална медицина Николаидес Кипрос ќе едуцира доктори на ГАК

Кипријанос Кипрос Николаидeс, најдобриот гинеколог – акушер и пионер во феталната медицина во делот на подобрување на грижата за бремените жени од денеска во Скопје каде ја прими титулата „почесен професор,, на медицинскиот факултет при УКИМ.

Првиот човек на истражувачкиот центар во Лондон во Скопје одржа предавања и покани доктори од гинекологија за едукација во Лондон и во Грција, каде може да ги научат најновите методи во феталната медицина.

Посебен акцент светскиот професор стави на вештачката интелигенција и пренаталниот скриниг, каде објасни дека прегледите ќе бидат со апарат што за неколку секунди ќе даде дијагонстика и потесетува на прегледите од серијата „Ѕвездени патеки“. Исто така со помош на вештачката интелигенција досегашните две години едукација ќе бидат скратени на ефективни шест месеци.

„Неколку компании ја вклучија вештачката интелигенција во нивната работа и со помош на трансдуктор се прави преглед еден, два, три, четири, пет, шест и за неколку секунди може да се каже колку бебиња има: едно, две или повеќе. Како е поставено бебето со главата надоле или нагоре“, изјави Николаидес.

Клиниката за гинекологија и акушерство под покривителство на Кипријанос ја има отворена единицата за фетална медицина. Професорката Данева објасни дека се овозможува знаења за скринингот на фетални неправилности кај плодот уште во утробата на мајката, како и акцент на високиот крвен притисок кај трудницата.

Професорот Кипријанос вчера беше на клиниката каде со директорката на клиниката Папестиев заедно со колегите разговараа за сите потребни едукации и опрема што ја има клиниката и можноста колеги да заминат на едукација во Лондон и Грција. Доктор Ирена Алексиоска Папестиев во 2009 година била негов студент.

Кипријанос посебен акцент стави во делот на потребно едукација во целиот работен век, бидејќи тоа прави подобар доктор и грешките се помали.

Тагови: Доктор

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Романија бара помош од НАТО по нападите врз бродови во Црното море

Романија побара поголема поддршка од сојузниците за заштита на пловидбата во Црното море, по серијата напади со дронови врз трговски бродови во близина на романскиот и бугарскиот брег.

НАТО разгледува дополнителни мерки за намалување на ризиците за поморскиот сообраќај.

Според извештајот на „Асошиејтед прес“, во октомври биле погодени најмалку седум товарни бродови, а во нападите имало загинати и исчезнати членови на екипажите. Инцидентите ја зголемуваат загриженоста за безбедноста на транспортните правци преку кои се извезуваат украинско жито и други стоки.

Меѓу опциите што се разгледуваат се зајакнување на одбраната од беспилотни летала и воспоставување заедничка команда на нато во Црното море, со учество на Романија, Бугарија и Турција. Во дискусиите е вклучен и предлог за мораториум на нападите врз цивилни и трговски бродови.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Кривична пријава за Костадин Костадинов за легализација на објект

Полицијата поднесе кривична пријава против поранешниот градоначалник на Струмица, Костадин Костадинов, и уште две лица, поради сомневања за злоупотреба на службената положба и овластување и фалсификување исправа.

Полицијата поднесе кривична пријава против поранешниот градоначалник на Струмица, Костадин Костадинов, и уште две лица, поради сомневања за злоупотреба на службената положба и овластување и фалсификување исправа при легализација на бесправно изграден објект во струмичкото село Куклиш.

Од министерството за внатрешни работи информираат дека пријавите се поднесени до Основното јавно обвинителство во Струмица. Покрај Костадинов, опфатени се и поранешната раководителка на секторот за урбанизам во општина Струмица и управител на правно лице од Битола, кое во меѓувреме е ликвидирано.

Според МВР, во 2022 година Костадинов и поранешната раководителка, злоупотребувајќи ги своите службени овластувања, му овозможиле на физичко лице од Куклиш да легализира објект изграден без соодветна документација.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Милановиќ го осуди величењето на нацизмот во Сплит: Ова е срамно и недозволиво

Хрватскиот претседател Зоран Милановиќ го осуди однесувањето на дел од навивачите на Торцида, кои вчера во Сплит, пред фудбалскиот натпревар Хајдук и Ајакс во Конференциската лига, извикуваа пароли со кои ги величеа нацистичкиот и усташкиот режим.

„Недозволиво, срамно и за секоја осуда е однесувањето на дел од навивачите на Торцида во Сплит. Извиците и постапките со кои отворено се слават нацистичкиот и усташкиот режим бараат итна и систематска реакција од хрватската полиција, државното обвинителство и, на крајот, судовите. Ги повикувам сите надлежни институции крајно сериозно да пристапат кон истрагата за овој срамен настан, за такво нешто повеќе да не се повтори“, порача Милановиќ.

Тој нагласи дека осудите од владата повеќе не се доволни и побара конкретни мерки и санкции.

„Зборовите на осуда што ги слушаме од владата повеќе не се доволни. Потребни се мерки и санкции што ќе покажат дека во хрватска нема место за величење на нацизмот и усташтвото“, истакна хрватскиот претседател.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.