Од пакетот кој е со рок за носење до јуни годинава, четири се доставени до Влада и се во скратена постапка. Законот за Судски совет пак како што информираше министерот за правда Филков, е подготвен и доставен на мислење на Венецијанската комисија и објавен на ЕНЕР, а текстот на Изборниот законик, како што кажа, е подготвен од стручните служби во Министерството за правда и во согласност со препораките на ОДИХР.

Филков очекува да поминат и трите закони од реформската агенда за кои е потребно бадентерово мнозинство во парламентот и порача дека нивното носење не треба да се користи за дневно-политички поени.

Според препораките а ОДИХР, изборниот законик ќе опфати прецизирање на начинот на финансирање на партиите за време на кампања, а ќе предвиди и ограничување на донациите. Со новиот Кривичен законик се очекува да биде направено допрецизирање на одредени кривични дела, а дополнително се воведуваат нови кривични дела поврзани си економскиот криминал. Исто така, за семејно насилство ќе се презмаат мерки по службена должност.

Најголема промена во правосудниот систем, Филков очекува се случи со Законот за помилување во кој ќе биде укината аболицијата, односно помилување ќе може да се даде само врз основа на правосилна осудителна пресуда.

Од законите со рок до декември 2025 година, текстот за Законот за кривична постапка, како што кажа Филков, е подготвен од страна на работната група и се изработени коресподентни табли.

Во утринската програма на Канал 5, „Здраво Македонијо“ гостуваше Д-р Милка Клинчева - специјалист по интерна медицина и супспецијалист по кардиологија.

Според светските статистики, кардиоваскуларните болести се водечка причина за смртност во светот, а се проценува дека секој трет човек во текот на животот ќе развие некаква форма на кардиоваскуларно заболување, при што околу 30–35% од популацијата има или ќе има срцеви проблеми, а кај лицата над 65 години тој ризик значително расте и повеќе од половина имаат кардиоваскуларни пореметувања.

Д-р Клинчева зборуваше за тоа како високите температури влијаат на лицата со кардиоваскуларни заболувања.

- Кардиоваскуларните заболувања се најчестата причина за смртност, кај мажите 48%, а кај жените дури 50 % , рече д-р Клинчева. Доколку имаме веќе запушување на крвните садови или некое друго заболување на срцевиот мускул доаѓа до оптоварување на срцето и од тука се појавуваат симптомите и можност за компликации, додаде таа. Можни причини се тахикардија, низок крвен притисок, градна болка, замор, гушење. На цела оваа состојба со високи температури лошо влијае е дехидратацијата. Здравите луѓе треба да пијат над два литри вода, а пациентите со кардиоваскуларни заболувања треба да се консултираат со својот кардиолог околу количината на внес на вода во текот на денот, советува докторката- кажа Д-р Клинчева.

Претседателката Гордана Сиљановска Давкова вели дека иако е правило да има средба со својот хомолог не е проблем да разговара и со бугарскиот премиер Росен Жељазков на самитот на НАТО во Хаг со оглед дека е потврдено оти нејзиниот бугарски колега, претседателот Румен Радев нема да биде присутен.

Сепак, вели дека средбата се уште не е потврдена бидејќи таа е иницирана од претседателот на Европскиот совет Антонио Кошта.