Македонија

Двојазични стануваат сите централни државни институции

Фамозниот закон за јазиците кој веќе стапи на сила во себе носи неколку крупни промени во употребата, пред се на албанскиот јазик.

Овие измени или новитети одат во два сегмента, односно на мали промени на локално и големи на централно ниво.

На локално како и со законот од 2008 година, во сите општини каде што живеат над 20% граѓани кои говорат јазик различен од македонските, нивниот мајчин јазик ќе биде втор службен јазик, односно сите општински работи, сообраќајни табли, ќе бидат, во најголем дол од случаите и на албански јазик.

Дополнително сега и униформите на полицијата, медицинските лица, противпожарната бригата на овие места да биде двојазична.

Со новиот закон се предвидува граѓаните од заедниците кои живеат во општини каде што се под 20%, да можат до локалните власти, судовите, управни служби, да се обратат и да побараат одговор на албански јазик.

Сепак, големи промини во употребата на албанскиот јазик ќе има на централно ниво.

Досега албанскиот јазик за службена комуникација можеа да го употребуваат само пратениците во собранието.

Од вчера, албанскиот, можат законски да го употребува Претседателот на собранието, министрите во Владата, сите државни функционери избрани или именувани од владата, судии, обвинители, народен правобранител, Уставен суд, па во сценарио и ако некогаш претседателот на државата е припадник на албанската заедница, тој ќе може службено да го користи албанскиот јазик. Во судовите рочиштата ќе се водат и на албански јазик, доколку бар еден од учесниците или поротата зборува албански јазик.

Со ова граѓаните ќе можат албанскиот да го употребуваат хоризонтално во целата земја и вертикално во буквално сите институции на државата. Исто така граничните премини, кои се наоѓаат во општина каде живеат над 20% Албанци ќе бидат двојазични. Тоа во практика би значело дека граничниот премин Блаце кон Косово ќе биде двојазичен, а Деве Баир или Богородица ќе бидат само на македонски јазик.

Сепак, македонскиот останува единствен јазик за меѓународна употребна, банкнотите остануваат еднојазични, исто важи и за униформите на армијата. Македонскиот јазик ќе биде единствениот јазик кој за интерни службени цели, односно за меѓусебна комуникација, ќе го користат припадниците на МВР и АРМ.

Македонија

Демократскиот сојуз ќе го одржи седмиот Конгрес

Демократскиот сојуз денеска ќе го одржи седмиот Конгрес.

Како што информираат од партијата, на Конгресот што ќе се одржи во хотел „Александар Палас“ се очекува да биде усвоен Повик до граѓаните да се вклучат во промените, како и врвни и стратешки приоритети на ДС за наредниот период.

Живот

Ирак ги криминализираше хомосексуалните врски; максимална казна до 15 години затвор

Ирачкиот парламент синоќа усвои закон со кој се криминализираат хомосексуалните односи и трансродовите лица, со казни кои можат да изнесуваат и до 15 години затвор.

Законот е донесен по првата верзија, која предвидуваше смртна казна.

Веднаш реагираше меѓународната невладина организација Амнести интернешенел, која го критикуваше „кршењето на основните човекови права“, оценувајќи дека усвоените амандмани „ги загрозуваат Ирачаните кои и онака секојдневно се малтретирани“.

Тие амандмани, со кои се менува законот против проституција од 1988 година, беа усвоени на седница на која присуствуваа 170 пратеници од вкупно 329, соопшти прес-службата на ирачкиот парламент.

Новиот закон предвидува казни од десет до 15 години затвор за хомосексуални односи, како и за размена на сексуални партнери (свинг) во хетеросексуални односи.

Законот забранува „секоја организација која промовира хомосексуалност во Ирак“, со седумгодишна затворска казна за „промовирање на хомосексуални односи“.

Законот, исто така, забранува „промена на биолошкиот пол врз основа на индивидуални желби или преференции“ и предвидува казна затвор од една до три години за секое лице или лекар што е вклучен во родова транзиција.

Слична казна е предвидена за секој маж чие однесување се смета за женствено.

Ирачкото општество ја отфрла хомосексуалноста, а малата ЛГБТ+ заедница често е цел на „киднапирање, силување, тортура и убиства“ од вооружени групи кои остануваат неказнети за нивните злосторства, се вели во извештајот на меѓународната невладина организација Хјуман рајтс воч од 2022 година.

Свет

Зеленски: На Украина и требаат најмалку седум ПВО системи „Патриот“

Украинскиот претседател Володимир Зеленски изјави дека на Украина и се потребни најмалку седум системи за противвоздушна одбрана „Патриот“ и ги повика украинските партнери да не губат време за да испратат „одлучен сигнал“ до Русија.

Секако, им благодарам на сите партнери кои веќе ни помогнаа со испраќање на системи за противвоздушна одбрана, од кои секој е неопходен за заштита на човечки животи. Важно е сите нови договори со партнерите за зајакнување на нашата противвоздушна одбрана, која веќе постои, да профункционираат што побрзо. На Украина и требаат седум системи за противвоздушна одбрана, тоа е минимумот, рече Зеленски, пренесува „Украинска правда“.

„Не смееме да губиме време, треба да испратиме одлучувачки сигнал“, рече Зеленски и посочи дека за време на вчерашниот масивен руски ракетен напад со 34 проектили, „непријателот таргетирал различни објекти на енергетската инфраструктура - објекти за транзит на гас и објекти од електроенергетскиот систем".

Тој додаде дека, меѓу другото, безбедноста на снабдувањето на Европската Унија зависи од овие транзитни капацитети на гас.