Македонија

ДСЗИ: Договорите на нововработените само со потпис на Иљази се невалидни

Инспектори од Државниот здравствен и санитарен инспекторат денеска повторно ја посетија Клиниката за токсикологија.

Инспектори од Државниот здравствен и санитарен инспекторат денеска повторно ја посетија Клиниката за токсикологија. Се проверуваше по кој основ им биле продолжени договорите за работа на 18те вработени на дело. Од инспекторатот велат договорците се примени со само еден потпис од организацискиот директор што е спротивно на законот за здравствена заштита. Вработувањата следуваат откако пред една недела по наредба на министерството за здравство медицинскиот директор на клиниката Данил Петровски беше разрешен од функцијата.

„Децидно стои во законот за здравствена заштита дека договори за вработување мора да бидат потпишани од двајцата директори , како и за отказни решенија , јавни наабавки .... Во овој случај станува збор за договори за вработувања потпишани само од организацискиот директор. “-изјави ДСЗИ Рената Малденовска.

Ингеренциите на инспекторат завршуваа тука, па случајот сега ќе биде испратен во министерството за здравство, кое треба да ја провери валидноста на договорите.

„ Согласно законот за здравствена заштита работодавецот не предвидел глоба за ваквата работа и поради тоа предметот ќе биде испратен во здравство, за да се провери валидноста на договорите.....Министерстовто за здравство има ингеренции да постпаува доколку валидноста на договорите не е исправна, односно доколку не се валидни треба правниот сектор да се извести,“ -изјави ДСЗИ Рената Малденовска.

Според информации на Канал 5, во моментов дел од договорците, меѓу кои и болничарот, кој барал урина со наркотици да се замени со чиста, директорката Иљази ги испратила на годишен одмор, иако наши извори велат дека не им следува. Додека една сестра и една хигиеничарка, се откажале од вработувањето.

Вчера непријатно добредојде ги пречака вработените на Клиниката. Каде веднаш до апаратот за регистрација на работното време беше поставено писмено известување по наредба на економската директорка Бесија Иљази со кое им се забранува на вработените да даваат изјави или интервјуа поврзани со работата на токсикологија. Натписот и покрај рекации во јавноста и натаму стои, а врбаотените може да даваат изјави само со дозвола од Иљази, оние кои нема да ја почитуваат наредбата ќе подлежат на санкции.

Регион

Ѓедовиќ Хандановиќ: Во Србија состојбата со струјата е стабилна, нема причина за загриженост

Министерката за рударство и енергетика Дубравка Ѓедовиќ Хандановиќ во однос на проблемот со енергетскиот систем во регионот, изјави дека состојбата во Србија се уште е стабилна и дека граѓаните немаат причина за загриженост.

Министерката за рударство и енергетика Дубравка Ѓедовиќ Хандановиќ во однос на проблемот со енергетскиот систем во регионот, изјави дека состојбата во Србија се уште е стабилна и дека граѓаните немаат причина за загриженост, јави дописникот на МИА од Белград.

Ѓедовиќ Хандановиќ за РТС изјави дека прекинот на струјата што се случи вчера во Босна и Херцеговина, Црна Гора, Хрватска и Албанија е еден од најголемите прекини во последните 20 години, како и дека ситуацијата е сложена и бара постојана посветеност.

Таа рече дека во Србија очекувале ваква ситуација поради црвениот аларм и дека од средата на готовност се вработените во Електромрежата на Србија и Електростопанството на Србија.

Таа додаде дека северот на Црна Гора „останува во функција благодарение на поврзаноста со српскиот систем“, како и дека Србија обезбедила дополнително снабдување со електрична енергија на земјите од регионот.

Министерката за рударство и енергетика рече и дека минатата година во Србија почнале инвестициите во „нисконапонската мрежа, во дистрибутивната мрежа, оној дел од електроиндустријата со кој секој граѓанин се среќава “, со цел да се зајакне внатрешниот систем.

Зборувајќи за топлото време, таа рече дека секогаш кога температурата ќе надмине 30 степени, потрошувачката на струја се зголемува за 15 до 20 отсто, а претходните денови потрошувачката била и поголема за 20 до 30 отсто.

Ѓедовиќ Хандановиќ затоа апелираше граѓаните да бидат рационални и во лето, како што беше случај во зима кога потрошувачката беше намалена.

Вчера околу пладне без струја останаа речиси цела Црна Гора, делови од Хрватска и Босна и Херцеговина.

Македонија

Приведен дилер во Куманово

Министерството за внатрешни работи денеска соопшти дека вчера во Куманово е приведен дилер на дрога во чиј дом е пронајден хероин.

- На 21.06.2024 во 20:30 часот во Куманово, полициски службеници од Отсекот за недозволена трговија со дрога и оружје при СВР Куманово го лишиле од слобода С.С. (47) од Куманово. При претрес во неговиот дом, извршен по судска наредба, биле пронајдени и одземени хероин и дигитална вага, се наведува во денешното соопштение.

По целосно документирање на случајот против него ќе следува соодветна пријава.

Свет

Куба се приклучи на Јужна Африка во случајот со тужбата за геноцид против Израел

Кубанската Влада одлучи да се приклучи на спорот што го покрена Јужна Африка против Израел пред Меѓународниот суд на правдата во врска со наводите за наводен геноцид во Газа, објави Радио Хавана Куба.

„Земајќи ги предвид одредбите од членот 63 од статутот на судот, и во строга примена на своите обврски како држава-членка на Конвенцијата за спречување и казнување на злосторството геноцид, Куба ќе го искористи своето право како трета земја да го претстави нејзиното толкување на нормите на конвенцијата дека Израел флагрантно ги прекршил со своите незаконски дејствија на окупираната палестинска територија на Појасот Газа“, се вели во соопштението на кубанската Влада.

Главната цел на тужбата поднесена пред главното судско тело на Обединетите нации, се додава, е да се запрат злосторствата врз палестинскиот народ како резултат на несразмерната и неселективна употреба на сила од страна на Израел.