Донели: Потрагата по преживеани од авионската несреќа во Вашингтон се одвива во тешки услови - Канал 5

Свет

Донели: Потрагата по преживеани од авионската несреќа во Вашингтон се одвива во тешки услови

Нуркачки тим од канцеларијата на ФБИ во Вашингтон ги помага напорите за лоцирање на жртвите од падот на авионот и хеликоптерот, изјави портпаролот на бирото за Си-Ен-Ен.

Донели: Потрагата по преживеани од авионската несреќа во Вашингтон се одвива во тешки услови

Шефот на вашингтонската противпожарна служба и службата за итни случаи, Џон А.Донели Постариотденеска изјави дека сите напори во рамките на потрагата по преживеани во авионската несреќа во близина на Вашингтон, каде се судрија воен хеликоптер и патнички авион, се насочени кон реката Тотомак и дека условите се тешки поради длабочината и студенилото на водата, како и поради ветерот.

Донели изјави дека условите за нуркање се тешки бидејќи водата во реката е матна, па операцијата за пребарување најверојатно ќе потрае неколку дена, пренесе Си-Ен-Ен.

Нуркачки тим од канцеларијата на ФБИ во Вашингтон ги помага напорите за лоцирање на жртвите од падот на авионот и хеликоптерот, изјави портпаролот на бирото за Си-Ен-Ен.

Градоначалничката на Вашингтон, Муриел Боузер утринава потврди дека и патничкиот авион и воениот хеликоптер паднале во реката Потомак. Таа изјави дека 64 лица се наоѓале во авионот на компанијата „Американ ерлајнс“, а тројца во воениот хеликоптер.

Боузер рече дека истрагата за инцидентот ќе ја води Националниот одбор за безбедност на транспортот.

Околу 19 авиони биле во воздух во моментот на падот на авионот и хеликоптерот во близина на аеродромот Роналд Реган, а тие биле пренасочени кон меѓународниот аеродром Далес, на околу 30 километри западно.

На аеродромот Реган вчера беа закажани околу 858 влезни и појдовни летови, а за денеска беа закажани 869 летови.

Последната голема несреќа на патнички авион во САД се случи во февруари 2009 година кога авион на компанијата „Континентал ерлајнс“ се урна во куќа на приближување до аеродромот Бафало, Њујорк, при што загинаа 49 лица.

Досега се пронајдени телата на најмалку 18 загинати патници. Во патничкиот авион имало вкупно 64 патници а во воениот хеликоптер „Блек Хок“ уште тројца војници.

Официјален претставник за Си-Би-Ес изјави дека досега не се пронајдени преживеани.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Руски балистички ракети го погодија Киев, оштетија мост и повредија шест лица

Неколку бранови руски балистички ракети го погодија Киев ноќеска, само неколку часа откако претседателот Володимир Зеленски предупреди дека Русија подготвува уште еден голем напад врз инфраструктурата.

Руски балистички ракети го погодија Киев, оштетија мост и повредија шест лица

Според властите, најмалку шест лица во градот Киев се повредени, заедно со уште едно лице во околната киевска област. Меѓу повредените во Киев е и 14-годишно девојче, изјави градоначалникот на Киев, Виталиј Кличко. Двајца од повредените се хоспитализирани.

Рускиот напад, исто така, го оштети клучниот Северен мост во Киев, кој во моментов е затворен за сообраќај во двата правци, додаде тој. Од утрото, оштетени се коловозот, тролејбуската контактна линија и далноводот, рече Кличко.

„Сообраќајните работници и комуналните работници веќе работат на Северниот мост“, увери градоначалникот.

Додека воздухопловните сили на Украина предупредија дека балистичките ракети се насочени кон главниот град, серија експлозии го потресоа градот. Првиот бараж од ракети го нападна Киев брзо, а воздухопловните сили објавија дека најмалку шест ракети биле лансирани кон градот во рок од неколку минути непосредно пред 23 часот локално време на 6 ноември.

До утрото на 7 ноември, воздухопловните сили објавија дека Русија лансирала 172 дронови од типот Шахед, од кои 137 со млазен погон, и неодреден број балистички ракети кон Украина преку ноќ. Воздухопловните сили тврдеа дека собориле или потиснале четири балистички ракети и 149 дронови од типот Шахед, вклучувајќи 117 дронови со млазен погон, на 24 локации.

Тагови: балистички ракети Киев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Тероростички напад во Краков: Најмалку петмина убиени, голем број застрелани- напаѓачот пукал во минувачи (ВИДЕО)

Најмалку пет лица се убиени, а десет се ранети во пукотница во близина на главниот плоштад во полскиот град Краков, јавува ТВН 24, а пренесува Ројтерс.

Тероростички напад во Краков: Најмалку петмина убиени, голем број застрелани- напаѓачот пукал во минувачи (ВИДЕО)

Полскиот премиер Доналд Туск напиша на X дека полицијата го истражува инцидентот и дека добива информации од Министерството за внатрешни работи.

Според Би-Би-Си, меѓу ранетите има и полицајци.

Според полицијата, луѓето биле застрелани на случаен избор од маж кој отворил оган со автоматско оружје од автомобил.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Опозицијата и студентите го почнаа маршот кон кабинетот на Еди Рама- продолжуваат антивладините протести во Албанија (ВИДЕО)

Поддржувачите на Албанската демократска партија денес започнаа марш од седиштето на партијата до кабинетот на премиерот, како дел од протестот против владата, објави албанскиот „Евроњуз“.

Опозицијата и студентите го почнаа маршот кон кабинетот на Еди Рама- продолжуваат антивладините протести во Албанија (ВИДЕО)

Демонстрантите, предводени од пратениците Фламир Нок, Агрон Џекмарк и други, се придружија на студентските протести составени од млади луѓе од различни градови во земјата.

Тие ги повикаа граѓаните, професорите и другите да им се придружат, нагласувајќи дека продолжуваат да ги отфрлаат повеќекратните понуди за дијалог од албанскиот премиер Еди Рама.

YouTube video

Рама, исто така, создаде онлајн платформа чија цел, како што изјави, е да служи како простор за комуникација првенствено со студентите, но и со другите граѓани.

Според него, платформата е „функционален мост“ отворен 24 часа на ден, преку кој можат да се испраќаат прашања, критики и предлози.

Тој рече дека нема забранети прашања и дека сака да разговара со студентите.

Академиците постојано го отфрлаат повикот на Рама за дијалог, кој беше придружен со предлог за одржување состаноци пред зградата на владата.

Платформата предвидува одржување на доверливоста на корисниците, додека пристапот се остварува преку идентификација на порталот е-Албанија.

„Се очекува пораките од пошироко значење да добијат јавни одговори, додека индивидуалните проблеми ќе бидат проследени до надлежните институции“, пишува „ Albanian post “.

Тагови: Албанија Еди Рама

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер