Џонсон му подари на Бајден велосипед од 6.000 долари

Премиерот на Велика Британија, Борис Џонсон, на претседателот на САД, Џо Бајден, му подари велосипед вреден 6.000 долари, произведен во Америка.

Шефовите на седумте водечки економии во светот се собраа во Корнвол, Англија, на Самитот Г7, а Џонсон ја искористи можноста да му подари подарок на својот колега за неговата прва официјална средба, бидејќи и самиот тој е страствен велосипедист и често вози по улиците на Лондон “.

Како што се наведува, Бајден (78) исто така сака да вози велосипед, само тој тоа го прави во затворен простор, вртејќи ги педалите во место.

Велосипедот го изработил Стивен Биленки, познат производител од Филаделфија, кој рече дека Стејт департментот го контактирал со барање да го обои велосипедот во црвена, бела и сина боја, наведува „Тајмс“.

„Ова е посовремена верзија на британски велосипед со рачно насликано британско знаме и соодветна кацига“, додаде Биленки.

Велосипедот е направен од компанијата Биленки, основана во 1983 година и специјализирана за производство на челични и титаниумски велосипеди.

УХМР: Попладне нестабилно со пороен дожд и грмежи

Летото на северната хемисфера официјално започна утрово во 5 часот и 32 минути, додека на јужната хемисфера во исто време започна зимата.

Првата недела од летото е со најава за високи температури и до 40 степен.

Изгоре камион кај Струмица, нема повредени

Во близина на селото Добрашинци, кај Струмица денеска околу 13:30 часот изгоре камион. Предизвикана е материјална штета, повредени нема.

Според информацијата од Територијалната противпожарна единица на Струмица, во гаснењето на запалениот камион марка „Застава" учествувале тројца пожарникари и едно против пожарно возило, а пожарот бил локализиран и целосно изгаснат за кусо време.

Според пожарникарите причина за пожарот најверојатно е самозапалување на товорното возило од електричната инсталација.

Министерот Јетон Шаќири оствари работна средба со градоначалникот на Дебар, Хекуран Дука

,,Денес ми беше чест, во просториите на Министерството за информатичко општество и администрација да го чекам на работен состанок, градоначалникот на Општина Дебар, Хекуран Дука.

За време на состанокот разговаравме за можноста за дигитализација на услугите на оваа општина и нивно вклучување во националниот портал за е-услуги. Го уверив градоначалникот Дука дека Министерството што го водам е подготвено да ги стави на располагање сите свои капацитети за да помогне во овој процес.

Исто така се дискутираше за можноста за поврзување на оваа општина со системот за управување со документи (ДМС). Со поврзување на овој систем, меѓуинституционалната комуникација станува побрза и поефикасна.

Состанокот го завршивме со ветување дека ќе ја продлабочиме меѓуинституционалната соработка и комуникација, со цел да постигнеме конкретни резултати во иднина, во корист на граѓаните“, истакна министерот за информатичко општество и администрација Јетон Шаќири.

притисни ентер