Џенифер Анистон го почнува денот со кафе со колаген и објаснува зошто е корисно - Канал 5

Шоу биз

Џенифер Анистон го почнува денот со кафе со колаген и објаснува зошто е корисно

Џенифер Анистон започнува трендови и со најмал коментар за нејзината фитнес рутина и исхрана.

Џенифер Анистон го почнува денот со кафе со колаген и објаснува зошто е корисно

Таа го популаризираше повременото постење и вкусните смути, а неодамна сите го ископираа нејзиниот рецепт за салата, која таа ја јадела секојдневно полни 10 години на сетот на „Пријатели“.

Познатата актерка си игра со кучиња на отворено, оди во теретана, ужива со пријателите, а денот го започнува со шолја топло кафе помешано со колаген во прав.

Додатоците на колаген станаа хит во последниве години поради нивниот наводен потенцијал да го вратат младешкиот изглед и да ги зајакнат коските, ноктите и косата. Колагенот сам по себе е моќен протеин кој се наоѓа во коските, ткивото и 'рскавицата, а Eating Well одлучиле да истражат дали неговите додатоци се здрави и треба да се мешаат со кафе.

Некои научни истражувања се занимаваат со колагенот во прав. Нутриционистите го земаат како замена за протеинот од сурутка или грашок во прав, но не сите се подеднакво здрави. За најмногу здравствени придобивки се оние кои наведуваат дека содржат колаген пептиди или хидролизиран колаген, пишува споменатиот портал.

Џенифер сака додаток на колаген кој содржи и витамин Ц и хијалуронска киселина. Сепак, таквите додатоци може да бидат прилично скапи и не се нужно покорисни од конзумирање храна која содржи колаген како што е супа од коски или храна богата со витамин Ц, како што се агруми, бобинки и брокула.

„Дефинитивно не ви треба скап додаток на колаген за да имате силни коски и здрава кожа, коса и нокти“, вели диететичарот Викторија Сивер.

„Јадењето храна која содржи колаген, како супа од коски и пилешка кожа, може да помогне да се зголеми внесот на колаген, но најефективниот начин е да се фокусирате на конзумирање повеќе храна која помага во здравото производство на колаген во вашето тело, особено храна богата со амино киселини пролин и глицин и витамин Ц. Размислете за месото, рибата, млечните производи, јаткастите плодови, гравот, јајцата, пченични никулци и овошје, особено агруми“, препорача таа.

Статија од истражувачот др. Брук Расел вели дека колагенот нема да издржи температури повисоки од телесната температура, а посакуваните здравствени придобивки ќе бидат намалени или целосно отсутни. Затоа, колагенскиот прав, доколку веќе одлучите да го консумирате, подобро е да го додадете во утринското смути или да го промешате со чаша вода.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Двајца загинати во пожарите на грчки остров- туристите евакуирани со бродови (ВИДЕО)

Два пожари на грчкиот остров Саламис во близина на Атина, кои однесоа два живота и доведоа до евакуација на речиси 600 луѓе, во голема мера се ставени под контрола, соопштија денеска пожарникарите.

Двајца загинати во пожарите на грчки остров- туристите евакуирани со бродови (ВИДЕО)

„Ситуацијата е подобрена, нема повеќе активни пожарни фронтови“, изјави портпаролот на противпожарната служба за АФП, додавајќи дека два хеликоптери и повеќе од 200 пожарникари останале на терен.

Пожарите избувнаа во неделата во близина на плажи преполни со капачи на југот и истокот од островот, популарни дестинации за одмор и викенд за атињаните со оглед на нивната близина до грчката престолнина, пренесе Индекс.

Евакуација на населението

Луѓето беа евакуирани со бродови. Иако службите за цивилна заштита брзо издадоа наредба за евакуација, пожарникарите објавија дека пожарот се проширил за само седум минути поради силни ветрови, заробувајќи еден постар пар во близина на нивниот дом.

YouTube video

Тие починаа пред пожарникарите да можат да ги спасат, објави портпаролот на противпожарната служба, Василис Ватракојанис, во телевизиско обраќање во неделата.

Во текот на денешниот ден, три лица сè уште се хоспитализирани со изгореници.

Серија шумски пожари низ целата земја

Иако Грција во голема мера беше поштедена од топлотниот бран што го погоди поголемиот дел од Европа, од крајот на јули беше погодена од неколку големи шумски пожари поттикнати од силни ветрови.

Според пожарникарите, во последните 24 часа низ целата земја избувнаа 36 пожари.

Пет пожарникари досега ги загубија животите, вклучувајќи го и данскиот пилот кој загина во судир во воздух помеѓу два хеликоптери додека се бореше со пожар во близина на Атина претходно овој месец.

Тагови: пожари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Караванот „Силно светнал ден“ вечерва во Куманово

Со стартот на новата работна недела, продолжува и музичкиот -сценскиот караван „Силно светнал ден“, по повод 35-годишнината од незавиноста на Македонија..

Караванот „Силно светнал ден“ вечерва во Куманово

Вечерва е во Куманово, утре ќе биде во Штип, среда во Прилеп.... Во овие вести во живо од Куманово ја имаме Елизабета Дамјаноска Спасеновска..

Бети, што ќе може да видат кумановчани вечерва?

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Руски опозиционер е осуден на 11 години затвор- ја критикувал војната во Украина

Заменик-претседателот на руската либерална партија Јаблоко, Лев Шлосберг, беше осуден во понеделник на 11 години и еден месец во казнена колонија поради критикување на војната во Украина.

Руски опозиционер е осуден на 11 години затвор- ја критикувал војната во Украина

За време на судењето, Шлосберг ја нарече војната катастрофа за Русија, објави Ројтерс.

Обвинение за дискредитација на армијата

Шлосберг беше обвинет за дискредитација на руските вооружени сили и ширење лажни информации за војската. Во своето последно обраќање пред судот во Псков минатиот петок, тој ја прогласи својата невиност и тврдеше дека е жртва на политичкиот процес. Тој, исто така, го повтори својот повик за прекин на огнот.

Забрана за учество на избори

Пресудата против Шлосберг беше донесена кратко време по одлуката на Врховниот суд на Русија на 10 август. Со таа одлука, на партијата Јаблоко ѝ беше забрането да учествува на парламентарните избори што ќе се одржат следниот месец.

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер