Шоу биз

Џеј Ло, Колдплеј, Били Ајлиш... ѕвездите ќе настапат на концертите Global Citizen Live

Некои од најголемите поп -имиња од Били Ајлиш до БТС и Елтон Џон ќе ја поддржат со свој настан Global Citizen во сабота во обид да ја подигнат глобалната свест за климатските промени, гладот и правото за пристап до вакцини за сите.

Концертите, кои се одржуваат во Њујорк, Париз, Лагос, Рио, Сиднеј, Мумбаи и други градови, ќе се емитуваат на глобално ниво и ќе се совпаднат со седницата на Генералното собрание на ОН.

Ѕвездите, исто така, ќе ги поканат лидерите на Г -20 на акција, како и учесниците на состанокот за клима COP26 во ноември.

Ајлиш и Колдплеј ќе настапат во Централ парк во Њујорк, а ќе им се придружат Џенифер Лопез, Камила Кабело, Шон Мендес и Бурна Бој.

Ед Ширан ќе настапи во Париз заедно со Елтон Џон, со поддршка на Доја Кет, Блек Ајд Пис и Стормзи.

Феми Кути ќе настапи во Нигерија, Алок во Рио и Дуран Дуран и Кајли Миног во Лондон.

„На шест континенти, уметниците ќе им помагаат на граѓаните да бараат од владите, големите корпорации и филантропите да работат заедно за да ја одбранат планетата и да ја победат сиромаштијата“, се вели во соопштението на невладината организација „Global Citizen“.

Организацијата се фокусира на „најитните, меѓусебно поврзани закани што најмногу ги погодија сиромашните , на климатските промени, еднаквоста во пристапот до вакцините и гладот“.

Вклучени се и голем број други уметници - вклучително и Металика и The Weeknd - во живо или снимени.

Global Citizen соопшти дека сака да засади милијарда дрвја, да достави милијарда вакцини во најсиромашните земји и оброк за 41 милион луѓе на работ на глад.

Организацијата организирала и други добротворни настани, вклучително и „Vax Live: A Concert to Reunite the World“ претходно оваа година во Лос Анџелес.

Собра музичари, актери, познати личности, светски лидери, па дури и Папата, во единствен повик за глобална вакцинација во борбата против Ковид-19.

Global Citizen се опишува како движење со мисија да се стави крај на екстремната сиромаштија до 2030 година и користи стимулации како билети за концерти за да поттикне притисок врз владите за прашањата поврзани со одржливост и еднаквост.

Лидерот на Светската здравствена организација Тедрос Гебрејезус ја поддржал најновата кампања која повикува на еднаквост во пристапот до вакцините.

„Не можеме да ја игнорираме оваа голема нееднаквост ниту да станеме самозадоволни“, рече Гебрејезус.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

НУ Драмски театар Скопје со „Гидионовиот јазол“ гостува на фестивалот РУТА на Бриони

НУ Драмски театар Скопје со претставата „Гидионовиот јазол“ вечерва (24 август) ќе гостува на Бриони во Хрватска каде што театарот „Улисис“ е домаќин на фестивалот на Регионалната унија на театри (РУТА).

Претставата ќе биде изведена во Летното кино во 21 часот.

„Гидионовиот јазол“ на режисерката Драгана Милошевски-Попова е претстава работена по текст на авторката Џона Адамс. Драматург на претставата е Викторија Рангелова-Петровска, а улогите ги играат актерките Биљана Драгиќевиќ-Пројковска и Ања Митиќ.

Гостувањето на Бриони ќе биде дваесетта изведба на претставата, која досега гостувала на неколку фестивали низ Македонија, како и во регионот на сцените на театрите членки на РУТА. На минатогодишниот 33. Меѓународен фестивал на камерен театар „Ристо Шишков“ актерката Биљана Драгиќевиќ-Пројковска за улогата на Корин Фел ја доби наградата за високо актерско достигнување.

Режисерка Драгана Милошевски-Попова во програмската белешка истакнува дека: „Претставата ‘Гидионовиот јазол’ е моќна и вознемирувачка приказна за вината, одговорноста, тагата и сложениот однос во комуникацијата, како и состојбите во образовниот систем, проблемите со кои се соочува детето низ периодот на детството. На училишна средба меѓу мајката Корин и наставничката Хедер, кој се случува по еден трагичен настан, преку деликатен, емотивно исполнет/напнат дијалог, се отвораат прашањата за детската креативност, слободата на изразување, за уметноста, за одговорноста на наставниците и за родителите, за социјалните мрежи, за врсничкото насилство, за осаменоста, преку кои постепено се разоткрива длабоката болка и се бара, па и се посочува можниот виновник“.

Авторката Џона Адамс е претставничка на новата генерација американски драмски автори. Таа е авторка на 20 драмски текстови во кои драмската структура ја гради преку исклучително јаки и богато нијансирани карактери и ги поставува во сложени меѓусебни психолошки ситуации. Друштвото на американските театарски критичари ѝ ја доделува наградата „Стинберг“ (Steinberg Award) за делото „Гидионовиот јазол“.

Претставата „Гидионовиот јазол“ е на редовниот репертоар на Драмски театар од премиерата која се одржа во мај минатата година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Економија

Денеска нови цени на нафтените деривати

Регуалаторната комисија за енергетика денеска треба да донесе нова одлука за малопродажните цени на горивата.

Со претходната одлука бензините поскапеа за 4,5 денари, а дизелот поскапи за 6,5 денари по литар. Во последната пресметка на регулаторна продолжена беше и примената на намелените акцизи и тоа за 2 денари кај бенизните и за 4 денари по литар кај дизелот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Новак Ѓоковиќ и Арина Сабаленка ги добија своите противници на Ју-Ес Опен

Најтрофејниот свтески тенисер во историјата Новак Ѓоковиќ и најдобрата светска тенисерка Арина Сабаленка ќе се соочат со Френсис Тиафо и Лејла Фернандез во осминафиналето на Грен слемот во Њујорк, УС Опен во конкуренција на мешани двојки.

Ќе видиме како домашната публика ќе реагира на мечот против северноамериканскиот пар и кого ќе го поддржува, а според моменталната ситуација, натпреварот е закажан за утре, 25 август.

Во евентуалното четвртфинале, ги очекуваат победниците од дуелот меѓу брачниот пар Гаел Монфис и Елина Свитолина, односно Алекс Ил и Феликс Оже-Алијасим.

И Александра Круниќ би можела да се најде во главната ждрепка доколку таа и Мате Павиќ ги победат Пејтон Стернс и Кристијан Харисон.

Меѓу поинтересните парови во главната ждрепка се Карлос Алкараз и Серена Вилијамс, кои ги очекуваат своите противници од квалификациите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.