Детали за убиената трудница пред болницата во Приштина: Сопругот барал да му го даде бебето

Косовската полиција се уште трага по Сокол Халили (31), кој е осомничен дека ја убил сопругата, која била во деветтиот месец од бременоста, пред клиниката за гинекологија во Приштина.

Во текот на попладневните часови бил пронајден автомобилот во кој Халили наводно побегнал откако испукал три куршуми во сопругата Хамиде Магаши (35). Автомобилот бил пронајден во Штимље.

Халил Халили, таткото на осомничената за убиството на неговата бремена сопруга, за новинарите изјавил дека повеќе не сака да го види синот.

- Вознемирен сум и многу нервозен. Штета, штета, штета. Имам порака. Се надевам дека вакво зло никогаш повеќе нема да се повтори. Не знам што да правам - вели Халили и вели дека повеќе би сакал тој и сопругата да биле мртви.

Тој наведува дека се обидел да комуницира со неговиот син, по кој полицијата се уште трага, но според него, Сокол не го отворил телефонот, ниту одговарал на пораките што му биле испратени. Халили изјавил и дека имал добри односи со снаата, но нагласил дека младиот пар имал проблеми особено кога Хамиде останала бремена.

Во општина Урошевац прецизираа дека таа била вработена во приватна фирма за одржување која имала договор и дека неодамна дала отказ на работа.

Да потсетиме, Хамиде Магаши (35) беше убиена во дворот на гинеколошката клиника во Приштина. Нејзиниот сопруг Сокол Халили (31) е осомничен за грозоморното убиство на жената, која била во деветтиот месец од бременоста, кој синоќа околу 18 часот испукал три куршуми кон неа кога излегла од гинеколошката клиника.

- Беше облечен во црно и носеше капа додека разговараше со Хамиде - рече сведокот.

Една пациентка, која била сместена во истото одделение на клиниката, изјавила дека Хамиде ѝ рекла дека ја замолуваат да му го даде детето на сопругот штом ќе се породи.

- Морам да го предадам на семејството на мојот сопруг - наводно ѝ рекла Хамиде.

Овие наводи во меѓувреме ги потврдила и сестрата на убиената трудница.

Погребот е закажан за утре во Липљан.

Инаку, Сокол и Хамиде биле во брак само четири месеци, по што се разделиле поради семејно насилство. Триесет и петгодишната Хамиде живеела во куќата на нејзините родители во Липљан. Таа вчера отишла во клиниката во Приштина на преглед пред породувањето, што се очекувало следната недела.

Халили добил забрана за задржување бидејќи на 10 август во куќата на нејзините родители ѝ се заканувал на сопругата. Се покажало дека осомничениот е осуден и казнет од судот во Урошевац за носење оружје без дозвола.

И покрај малтретирањето, Хамиде наводно двапати се враќала во куќата на нејзиниот сопруг Сокол Халили.

Санкционирани 109 возачи на територијата на СВР Тетово

Санкционирани се 109 возачи на територијата на СВР Тетово при денешната акциска контрола, информираат од Министерството за внатрешни работи.

– Во периодот од 11 до 17 часот, Секторот за сообраќајни работи и Мобилната единица за безбедност на сообраќајот на патиштата, спроведоа акциска контрола на територијата на СВР Тетово за санкционирање на возачи кои не ги почитуваат сообраќајните правила и прописи. При контролата санкционирани се 109 возачи. Од нив, 22 за возење без возачка дозвола, 44 за непрописно вградени фолии – затемнети стакла, шест за истечена важност на регистрација и осум мерки кон возачи кои вршат јавен превоз на патници. На сите прекршители изготвени им се соодветни поднесоци, се појаснува во соопштението на МВР.

Оттаму наведуваат дека сообраќајните контроли продолжуваат и во наредните денови.

Во соопштението се апелира до сите учесници во сообраќајот да ги почитуваат сообраќајните правила и прописи и заеднички да се придонесе за побезбедни патишта.

Папата ги повика Израелците и Палестинците на дијалог во потрага по мир

Папата Франциско ги повика Израел и Палестинците на дијалог во потрага по мир и го осуди неодамнешното насилство во регионот.

По неделната молитва во Рим, Папата рече дека е длабоко тажен поради веста за убиените Палестинци во израелските антитерористички операции и смртта на израелските Евреи во нападот на синагога во петокот.

„Со голема болка ги слушам вестите што доаѓаат од Светата земја. Спиралата на смртта, која расте секој ден, ја убива малата доверба што постои меѓу овие два народи“, рече тој.

„Ги повикувам двете влади и меѓународната заедница и барам од нив веднаш, без губење време, да најдат други начини, кои вклучуваат дијалог и искрена потрага по мир“, додаде Папата.

Израелскиот премиер Бенјамин Нетанјаху вети силен, брз и прецизен одговор на нападот на синагога во предградијата на Ерусалим, а израелската армија испрати уште војници на окупираниот Западен Брег.

Нападот во Ерусалим следи по израелската воена операција во градот Џенин на Западниот Брег во четвртокот, во која загинаа девет Палестинци, вклучително и седум вооружени лица, и прекуграничниот оган меѓу Израел и Газа во петокот. Најмалку 30 Палестинци, милитанти и цивили, се убиени на Западниот Брег од почетокот на јануари.

Средба на Спасовски и Демерџиев утре во Скопје

Како што соопшти МВР, изјави од министрите не се предвидени, а на крајот од официјалната средба ќе биде објавено соопштение за медиумите.

Вицепремиерот за јавен ред и безбедност и министер за внатрешни работи на Република Бугарија Иван Демерџиев со придружна делегација, утре, ќе престојува во работна посета на Министерството за внатрешни работи на Република Македонија во рамки на која ќе се сретне со неговиот колега, министерот за внатрешни работи Оливер Спасовски.

Како што соопшти МВР, изјави од министрите не се предвидени, а на крајот од официјалната средба ќе биде објавено соопштение за медиумите.

Посетата на Дерменџиев беше најавена во петокот, по телефонскиот разговор на премиерите на Бугарија и на Македонија, Галаб Донев и Димитар Ковачевски, посветен на актуелните случувања во односите меѓу двете земји. Прес-службите на двете Влади соопштија дека двајцата премиери разговарале за потребата претстојните празнувања на 151-годишнината од раѓањето на Гоце Делчев, да се одвиваат мирно и непречено.

Во таа насока, за утре, беше најавена посетата на вршителот на должноста вицепремиер и министер за внатрешни работи на Бугарија Иван Демерџиев и претседателот на државната агенција „Национална безбедност“ Пламен Тончев, кои ќе имаат работна средба со своите македонски колеги во Скопје на која ќе ги прецизираат заедничките активности за да се гарантира мирно и безбедно одбележување на 4 февруари.

притисни ентер