Дејвид Линч објави дека боледува од емфизем, но нема да се пензионира - Канал 5

Шоу биз

Дејвид Линч објави дека боледува од емфизем, но нема да се пензионира

Американскиот режисер Дејвид Линч во објава на својот интернет-простор вчера потврди дека боледува од белодробен емфизем поради „долгогодишното уживање во цигарите“, но во истовреме тој уверува дека „никогаш нема да се пензионира“.

Дејвид Линч објави дека боледува од емфизем, но нема да се пензионира

Откако „го оставил тутунот, неговиот мирис и задоволството да запали цигара“, 78-годишниот режисер во објавата на „Х“ пишува дека „секое задоволство има своја цена“, а тоа што тој треба да го плати е болеста на белите дробови. Во интервју што ќе биде објавено во септемвриското издание на британското списание „Сајт енд саунд“ (Sight and Sound), режисерот на филмовите „Твин Пикс“, „Мулхоланд Драјв“ и „Морнарот и Лула“ („Златна палма“ во Кан, 1990) признава дека е помалку активен од порано и дека можеби за време на идните проекти ќе мора да им дава инструкции на своите актери од далечина.

Тој потоа објави смирувачка порака на социјалните мрежи: „Пред две години се откажав од пушењето и добрата вест е дека, и покрај емфиземот, моето здравје е одлично и никогаш нема да се пензионирам“.

Во мигов тој работи на ТВ-серијата „Неснимена ноќ“ (Unrecorded Night), којашто според ИМДБ е од жанрот драма-мистерија.

Како режисер на бројни култни играни филмови, објавени меѓу 1977 и 2006 година, овој филмаџија беше номиниран за Оскар за „Човекот слон“ (1980), „Син сомот“ (1986) и „Мулхоланд драјв“ (2001). Доби почесен Оскар во 2019 година за целата своја филмографија.

Во 2017 година режисерот ја сними третата сезона од ТВ-серијата „Твин Пикс“ од 1990 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Официјално претставен „Tesla Cybercab“, возење само за избраните

Илон Маск официјално претстави спортски двосед без волан во Тексас – „Tesla Cybercab“.

Официјално претставен „Tesla Cybercab“, возење само за избраните

„Cybercab“, кој беше претставен на голем број фанови и влијателни лица на роботски такси, беше додаден на постојните роботски такси на „Tesla“, кои досега се состоеја од теренски возила и „Model Y“, објавува Ројтерс.

Златниот „Cybercab“, со врати што се отвораат нагоре, ја симболизира стратегијата на Илон Маск, кој ја фокусираше иднината на целата компанија на софтвер за автономно возење и роботика.

Неговиот пристап ја зголеми вредноста на акциите на компанијата на 1,4 трилиони долари (1,20 трилиони евра), што е повеќе од вкупната вредност на неколку од водечките светски производители на автомобили.

Само неколку часа по презентацијата во Остин, Националната администрација за безбедност на сообраќајот на автопатиштата на САД (NHTSA) објави дека ќе започне ревизија на околу 1.000 вакви возила, така што не секој ќе може да се вози на почетокот.

Целта е да се утврди како „Tesla“ заклучила дека возилата се во согласност со федералните безбедносни прописи.

Извор: Б92

Тагови: Tesla

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Претседатeлката Гордана Сиљановска-Давкова во Вила Водно прими талентирани ученици добитници на медали и награди

Сиљановска-Давкова  во Вила Водно прими талентирани ученици со нивните ментори од основните и средните училишта.

Претседатeлката Гордана Сиљановска-Давкова во Вила Водно прими талентирани ученици добитници на медали и награди

По повод 8 Септември, Денот на независноста и одбележувањето на 35 годишнината од независноста, претседатeлката Гордана Сиљановска-Давкова во Вила Водно прими талентирани ученици со нивните ментори од основните и средните училишта кои во учебната 2025/2026 година учествуваа на меѓународни научни олимпијади и натпревари, а дел од нив се и добитници на медали, високи награди и признанија. На средбата присуствуваше и министерката за образование и наука, Весна Јаневска.

Тагови: Гордана Сиљановска-Давкова

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: 8 жртва од западнонилска треска, 8 недели нема извештај за водата во Гостивар

Уште еден човечки живот е загубен од западнонилска треска. Бројот на починати се искачи на осум.

СДСМ: 8 жртва од западнонилска треска, 8 недели нема извештај за водата во Гостивар

Осум жртви од западнонилска треска и осум недели без извештај за водата во Гостивар.

Две здравствени кризи, ист модел на однесување на власта на Мицкоски и Клековски: задоцнета реакција, институционален хаос, молк и никаква одговорност.

СДСМ со недели предупредуваше дека власта задоцни со превенцијата од западнонилската треска. Задоцни со прскањето против комарци, задоцни со системските мерки и со навремената заштита на граѓаните.

Бројот на заболени и починати расте, а одговорност нема.

Истото се случи и со здравствената криза во Гостивар.

Околу 5.000 граѓани побараа медицинска помош, а осум недели подоцна јавноста сè уште го нема целосниот извештај за водата.

Што кријат Мицкоски и Клековски осум недели?

Цената на нефункционалниот систем ја плаќаат граѓаните – со своето здравје, а за жал и со своите животи.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер