Според многумина, најдоброто десно крило во историјата на фудбалот, кој во кариерата освои 43 трофеи, е обвинет за силување на 23-годишна жена на 30 декември 2022 година во ВИП делот на ноќен клуб во Барселона.

Обвинителството против Алвеш има голем број форензички и видео докази и изјави на сведоци. Тврдат дека на споменатиот датум Алвеш ја поканил жртвата и нејзините пријатели, ги почастил со пијачки, а потоа ја однел девојката во тоалет како единствен дел од ноќниот клуб кој не бил покриен со камери. Наводно ѝ побарал орален секс, што таа го одбила, па тој ја силувал, а потоа го напуштил клубот. Девојката веднаш го пријавила настанот во полиција. Лекар ја прегледал, а полицијата почнала истрага.

Алвеш се соочува со 12 години затвор, а откако првпат беше испрашуван во јануари 2023 година, неколку пати го менуваше своето сведочење. Тој прво рекол дека никогаш не ја запознал жртвата, а потоа изјавил дека бил со неа во тоалетот, но ништо не се случило.

Во третата приказна признал дека имал орален секс, а во четвртата дека имало и консензуален секс, но тоа не сакал веднаш да го каже за да не дознае неговата сопруга. Сега, откако смени тројца адвокати, вели дека бил премногу пијан за да знае што прави.

Судењето, во кое наводната жртва ќе сведочи скриена зад завеса и нејзиниот глас ќе биде изменет, започна вчера и се очекува да трае три дена.

Алвеш имаше фантастична кариера. Играше за бразилските клубови Баија и Сао Паоло, Севиља, Барселона, Јувентус, ПСЖ и мексиканскиот Пумас. Покрај споменатите 43 трофеи со најголемите европски клубови, тој двапати ја освои Копа Америка со репрезентацијата на Бразил, за која одигра 126 натпревари и постигна осум гола. И покрај блескавата кариера во најголемите клубови и низата раскошни договори, Алвеш на судењето се пожали на тешката финансиска состојба. Тврди дека е во минус за 20 илјади евра.

⚖️ Judici a Dani Alves.

L'advocada de l'exfutbolista sol•licita la nul•litat del procediment i la suspensió del judici | @RTVECatalunya @Palacios_Isabel

➕ Info: https://t.co/f9rd18dPKT pic.twitter.com/PBMNjZuNiL

— RTVE Notícies (@rtvenoticies) February 5, 2024

Девојката која го обвини Алвеш дека ја силувал, го повторила тоа што ѝ го кажала на полицијата на судењето. Таа сведочела повеќе од еден час, зад затворени врати. Нејзиниот глас бил модулиран, а сликата ѝ била пикселирана, за да не се открие нејзиниот идентитет во случај снимката од судењето да излезе во јавноста.

Таа сведочела дека Алвеш ја силувал откако физички ја совладал во тесниот тоалет на ноќниот клуб. „Само заминав од таму со скршено срце и плачев. Отпрвин не сакав да го пријавам и постојано велев: и онака никој нема да ми верува. Само сакам да си одам дома“.

Девојката која го пријавила Алвеш за силување додава: „Поради последиците од силувањето страдам од вознемиреност, едвај излегувам од дома. Чувствувам дека некој постојано ме следи и го изгубив веселиот карактер што го имав. Покрај тоа, станав опседната со сè“.

Една од нејзините две пријателки кои таа вечер биле со жртвата сведочела вака: „Ние трите отидовме во ВИП кабината каде што беше Алвеш со пријател, откако тој двапати нѐ покани преку келнерот да му се придружиме. Алвеш таму се однесуваше лошо кон мене и уште една другарка.Тој ме фати за задникот, а неа за половиот орган.

Потоа Алвеш отишол во мал тоалет само за ВИП гости, а го следела мојата друга пријателка, онаа што ќе ја силува. Набрзо ми испрати порака на мобилен од тоалетот да дојдам итно и дека мора да излеземе од таму. Ја зедов уште едната пријателка со мене и ја најдовме оваа третата како плаче. Таа само велеше „многу ме повреди“ покажувајќи кон нејзиното меѓуножје“.

Тогаш сведокот, адвокат, на неколку прашања од адвокатот на Алвеш одговори со „не се сеќавам“. Судијата ја потсети дека не може да избегне да одговори на толку многу прашања поради слабата меморија. Сведокот, кој за време на сведочењето неколку пати се расплака, се извини поради тоа и како причина ја наведе големата нервоза што ја почувствувала таа вечер.

Вториот сведок, кој е роднина на жртвата, ги повторил зборовите на првиот сведок и додаде: „Мојата братучетка зема антидепресиви откако беше силувана, не може да работи, не излегува од дома и само плаче. "

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.