Дел ја поздравуваат иницијативата на синдикатот УПОЗ кои вчера побараа пократок работен ден и дополнителни неработни денови.
Други пак сметаат дека нам ни треба поголема продуктивност.
Барањето од УПОЗ, до Владата се уште не пристигнало. Вицепремиерот Анѓушев вели дека иницијативата може да почека. Најпрво потребни се детални анализи.
-Треба да го видам барањето, мислам дека ни треба да се зголеми продуктивноста, а потоа да зборуваме за такви барања. – изјави Кочо Анѓушев, вицепремиер за економски прашања.
УПОЗ ги правдаа барањата кои се пракса во повеќе европски земји, со тоа дека ќе помогнат за поголема ефективност на работниците, и ќе се отвораат нови работни места.
Според нив работникот е најпродуктивен до 14 часот.
Тие побараа и во годишниот календар на неработни денови, да се вметнат 2 јануари и 2 мај.
Инаку неодамна во Јапонија, властите во работниот ден, воведоа половина час пауза за дремка.
Според нив тоа ќе ја зголеми продуктивноста на работниците и фирмите нема да трпат големи загуби.
Во Шведска на пример, веќе 2 години работниот ден е 6-часовен.