Дали Македонија има надлежност да се откажува од македонското малцинство во Бугарија? - Канал 5

Македонија

Дали Македонија има надлежност да се откажува од македонското малцинство во Бугарија?

Што е тоа што толку ја погоди Софија во Резолуцијата на ЕП донесена во октомври годинава??  

Дали Македонија има надлежност да се откажува од македонското малцинство во Бугарија?

Таа е достапна јавно на сајтот на парламентот и генерално е посветена на слобостите во владеењето на правото во Бугарија, а меѓудругото ја критикува и за состојбата со човековите права.

Во резолуцијата се наведува дека институциите на Унијата се загрижени поради бројните пресуди против Бугарија за малцинствата и нивното непочитување од страна на бугарските власти.

-Европскиот парламент ја повикува Бугарската Влада да ја подобри соработката со набљудувачите за почитување на човекови права и да ги преземе сите потребни мерки за заштита на правата на малцинствата ефикасно, особено правата на слободата на изразување и слободата на здружување, преку спроведување на пресудите од европскиот суд за човекови права. – стои меѓудругото во еден од членовите на резолуцијата, каде во фуснотата се додадени пресудите за македонските здруженија.

Резолуцијата ја актуелизираше бугарскиот прмеиер Бојко Борисов, кој и по средбата со Османи и во интервјуто за ФАЦ, ја посочи како еден од главните проблемите на реалција Скопје-Софија.. Поради тоа, Бугарија бара јасни пишани гранции од Македонија дека нема македонско малцинство.

Но, адвокатот кој ги застапува дел од македонските здруженија пред судот во Стразбур Тони Менкиновски, за Канал 5 вели дека Македонија нема таква надлежност, бидејќи станува збор внатрешен проблем и бугарски државјани кои се чувствуваат како Македонци.

Сепак, засега нема никакви сигнали дека Софија планира да ја постапи по Резолуцијата. Европретеникот од бугарското ВМРО, Ангел Џамбаски, во последното интервју рече дека нема да биде изненадување ако поради тоа им бидат скратени и парите од европските фондови..

-Да не се поврзе тоа со европските пари, тоа е клучното бидејќи гледаме дека парите, сите држави во моментот се борат за што повеќе пари, криза е, се говори за обврзување со почитување на владеење на правото. Тој текст за ОМО Илинден е дел од владеењето на правото. Да не дојде до тоа, признајте ги - ќе има пари, не ги признавате – нема пари? / До тоа ќе дојде, да не се лажете, немојте да се лажете,вели Ангел Џамбаски – Европратеник од Бугарија.

Македонија со Договорот за добрососедство, се откажа од било какви претензии за мешање во внатрешните работи на Бугарија и за штитење на права на луѓе кои не се македонски држвајни, а генерално истото во Уставот е превдидено за сите соседи.. Дали се планира нов чекор на овој план, засега останува непознато.

Во екот на дебатата, денеска лидерто на Алијансата на Албанците Зијадин Села ја повика БУгарија да го признае македонското малцинство, како почеток на вистинско добрососедство..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Жерновски: „Тајниот план“ на Муцунски е тајна само за гласачите на ВМРО

„Тајниот план“ на Муцунски е тајна само за гласачите на ВМРО – Владата на Мицкоски договора прифаќање на Францускиот предлог

Жерновски: „Тајниот план“ на Муцунски е тајна само за гласачите на ВМРО

Ние сакаме преку вас до граѓаните да соопштиме една многу важна вест.

Таа е поврзана со она што го слушнавме од министерот за надворешни работи, Тимчо Муцунски, дека постои, цитирам, таен договор за започнување на преговори со Европската Унија.

Денеска оваа прес-конференција е посветена токму на тоа, односно да го разоткриеме, како опозиција, тој план.

Почитувани граѓани, се подготвува терен за прифаќање на францускиот предлог.

Наши информации од Брисел зборуваат дека Владата на Мицкоски тоа веќе го договорила и тоа се јасни сигнали коишто пристигнаа и од Брисел, и од Берлин, и од Париз.

Исцрпени се буквално сите обиди и лаги коишто претходно се обидуваа луѓето од Владата да ни ги продадат.

Се сеќавате, сè започна со некакво одложено дејство, па потоа со специјални услови, па потоа дека ќе имаме, нели, за нас некакви посебни договори и така натаму.

Па најновото што го слушнавме од Мицкоски е дека ќе сме влегле во Европската Унија, ама без право на глас.

Сето тоа падна во вода и веќе нема простор за нови импровизации.

Единственото нешто што сега го прави човекот којшто седи позади мене и сите околу него е како оваа лага, којашто им ја продадоа на гласачите, да ја претстават како победа. Како да покажат дека тоа не е лага.

Се обидуваат да направат стратегија како да го прикажат како победа она што до вчера за нив беше лага и велепредавство.

И целата таа стратегија за тоа што денеска се случува во овие простории, затоа што како поинаку ќе се објасни дека СДСМ бил во право?

Ќе се објасни дека токму врз тие лаги дојдоа на власт.

Ова сакам да ви го објаснам со тоа што сите заедно, и како политичари, и како новинари, и како граѓани, се зачудивме за наглиот пресврт во политиката и дипломатијата на Тимчо Муцунски.

Сè започна со тоа кога самиот призна дека ние не сме северномакедонци, како што тие тврдеа кога беа во опозиција.

Дека ние не зборуваме северномакедонски јазик, како што тие тврдеа кога беа во опозиција, туку, напротив, дека денеска сме Македонци и дека зборуваме македонски јазик.

Тоа не беше доволно.

За да се подготви теренот уште подлабоко, дојдоа неговите уверувања дека, замислете, протоколот не е дел од преговарачката рамка.

Нешто што беше основа, клуч за напад врз тогашната власт од денешната опозиција, врз СДСМ.

Нешто врз што ги добија изборите.

Претходно претседателката на државата веќе призна дека јазикот, културата и националниот идентитет се заштитени.

Ја цитирам, токму со Преспанскиот договор.

Потоа го имате Тимчо Муцунски. Повторно се изјасни за возвишувањето на НАТО, дека е најдоброто нешто што ни се случило и дека гарантира безбедност за граѓаните.

Затоа сакавме да одржиме оваа прес-конференција за да им објасниме на граѓаните што сега се случува и каква стратегија подготвува Владата на Мицкоски.

Претстојуваат денови кога граѓаните, особено оние коишто ја дадоа поддршката на ВМРО, ќе им стане јасно дека тоа беше партијата којашто врз основа на лаги дојде на власт и којашто сè уште со лаги владее.

Доаѓа време кога ќе стане јасно дека СДСМ ја зборуваше вистината, дека СДСМ презеде обврски, гласаше одлуки коишто беа за добробит на граѓаните, тешки, меѓутоа за да добиеме просперитет во иднина и да ги зачуваме младите во нашата држава.

Доаѓа период кога ќе сведочиме за една победа на политиките и визионерството на СДСМ, но и пораз на политиките и на лагите на ВМРО.

Прес конференција на СДСМ, Андреј Жерновски – член на ИО и Секретар за меѓународна соработка

YouTube video

Скопје, 05.08.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Инцидент во Лајпциг. Дрон со експлозив опасно се приближи до украински авион

НАТО потврди дека во текот на ноќта, во близина на украински авион на германскиот аеродром Лајпциг/Хале, било забележано беспилотно летало, по што летовите биле прекинати поради безбедносен инцидент. 

Инцидент во Лајпциг. Дрон со експлозив опасно се приближи до украински авион

Според безбедносни извори, леталото било опремено со експлозив и детонатор и се наоѓало во непосредна близина на украинскиот товарен авион „Антонов“.

Неколку авиони, вклучително и еден патнички, биле пренасочени откако на аеродромот во источна Германија биле забележани неидентификувано летало и сомнителен предмет.

Операциите во северниот дел на аеродромот продолжиле рано во средата, додека јужниот дел останува затворен додека трае истрагата.

Во близина на јужната писта е пронајден сомнителен предмет, кој полицијата го прегледала со помош на робот за отстранување експлозивни направи. Полицијата истражува дали постои поврзаност меѓу неидентификуван летечки објект и сомнителниот предмет.

Не постои непосредна опасност, изјави портпарол на полицијата. Аеродромот Лајпциг/Хале, сместен во источниот дел на земјата, игра централна улога во транспортот на воена опрема – особено за германската војска и сојузниците од НАТО – а служи и како база за флотата на украинската карго-авиокомпанија „Антонов ерлајнс“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

О. Карпош: Училишен прибор и ранче за секое прваче од Карпош

Општина Карпош на почетокот на новата учебна година ќе ги пречекаат најмладите ученици кои годинава за првпат ќе седнат во училишните клупи, обезбедувајќи им ранче и основен училишен прибор.

О. Карпош: Училишен прибор и ранче за секое прваче од Карпош

Оваа активност се реализира согласно годишната програма на Одделението за образование, за која од Буџетот на Општина Карпош се издвоени 1.000.000 денари.

По повод почетокот на учебната година, градоначалникот Сотир Лукровски, ќе ги посети основните училишта на територија на Општина Карпош, при што на првоодделенците ќе им бидат врачени ранчињата и училишниот прибор.

Со оваа мерка, Општина Карпош ќе им посака топло добредојде на најмладите ученици и успешен почеток на нивното образование, а воедно обезбедува и финансиска поддршка за семејствата во пресрет на новата учебна година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер