Брус Вилис исфрлен од аптека

Актерот Брус Вилис е исфрлен од аптека во понеделник откако одбил да носи маска во објектот.

Како што пишуваат странските медиуми, луѓето во продавницата се вознемириле затоа што Вилис не носел маска. Актерот имал марама околу вратот.

Ѕвездата на филмот „Умри машки“, Брус Вилис кој е фотографиран во продавница без маска, го напуштил објектот со празни раце откако менаџерите му рекле дека не можат да го услужат без маска.

Претставникот на Вилис се уште нема дадено коментар за настанот.

Округот Лос Анџелес, е епицентар на кризата со коронавирус во Калифорнија.

Вилис поголем дел од пандемијата го поминал во карантин со поранешната сопруга Деми Мур и нивните возрасни деца во семејниот дом во Ајдахо.

Заев: Да ги послушаме препораките на здравствените работници и на Синодот на МПЦ-ОА

Премиерот Зоран Заев го честиташе денешниот празник Богојавление – Водици, на сите православни верници во земјава, на Синодот на Македонската православна црква – Охридска архиепископија, и на сите свештеници и монашки братства и сестринства.

-Со овој празник кој се слави во име на осветувањето на водите, во име на Христовото крштевање во реката Јордан, кога се јави Бог како бел гулаб, се осветува сè: водата и воздухот, природата и сите созданија, целата земја и сета вселена за очистување на човековата природа која со крштевањето станува нова твар и започнува нов живот, нова можност за обнова на високите универзални хуманистички вредности што ги споделуваме во нашата заедница, напиша Заев на Фејсбук.

Како никогаш досега, продолжува премиерот во честитката, во услови на пандемијата со Ковид-19, овој празник силно нѐ повикува да го просветлиме нашиот ум, да се очисти нашето срце и да се облагороди нашата душа, за да ги поминеме во здравје искушенијата на пандемијата.

-Оваа година да ги послушаме препораките на здравствените работници и на Синодот на МПЦ-ОА и да го прославиме празникот одговорно и со отворени срца да прифатиме дека оваа година ќе се лишиме од традицијата во име на идните празнувања на овој голем празник. Нека е вековит денешниот ден Богојавление – Водици!, напиша премиерот Зоран Заев на Фејсбук.

Во Скопје 203 санкционирани возачи, 19 за брзо возење

На територијата на град Скопје во текот на вчерашниот ден изречени се вкупно 203 мерки, од кои 19 за управување со брзина поголема од дозволената.

Министерството за внатрешни работи во денешното соопштение наведува дека од вкупниот број, 19 мерки се за возење без возачка дозвола, 14 за користење на мобилен телефон, осум мерки за технички неисправни и нерегистрирани возила, 69 мерки за непрописно паркирани возила, четири за минување на затворен семафор (црвено светло) и 20 за неносење заштитна маска

Засилените сообраќајни контроли, стои во соопштението, продолжуваат и во наредните денови. Апелираат до граѓаните да ги почитуваат сообраќајните правила и прописи за да се зголеми безбедноста во сообраќајот.

И покрај строгиот карантин , на Australian Opena се појавија два нови случаи на зараза со корон

Уште двајца тенисери кои ќе учествуваат на првиот грен слем турнир во сезонава на Австралија опен се позитивни за ковид-19, со што вкупниот број на заразени се искачи на седум, објавија денеска локалните здравствени власти.

Австралија опен треба да започне на 8 февруари.

Инфицираните пристигнале со три чартер летови од Абу Даби, Лос Анџелес и Доха, а сите патници од тие летови биле ставени во задолжителен карантин без можност за тренинг. Останатите играчи можат да се подготвуваат за турнирот пет часа на ден и да тренираат на назначените терени во Мелбурн, а остатокот од времето мора да го поминат во хотелските соби.

Играчите се револтирани, а премиерот на државата Викторија, Даниел Ендрјус изјави дека тенисерите нема да добијат посебен третман во строгите мерки за борба против коронавирусот.

"Знам дека многу се дискутираше за правилата. Но, правилата треба да ги следат сите, а играчите беа информирани пред да дојдат во Австралија. Нема да има посебен третман бидејќи вирусот не ги третира играчите поинаку", инсистира премиерот.

притисни ентер