Брегу: Крајната цел е роамингот со ЕУ да биде приближно како роамингот дома - Канал 5

Балкан

Брегу: Крајната цел е роамингот со ЕУ да биде приближно како роамингот дома

Цените на роамингот ќе паѓаат заедно со паѓањето на лисјата следната есен, но тоа е само почеток на процесот. 

Брегу: Крајната цел е роамингот со ЕУ да биде приближно како роамингот дома

Крајната цел е намалувањето на цените на роамингот помеѓу ЕУ и Регионот на приближно исто ниво со домашните цени, изјави Мајлинда Брегу, генерална секретарка на Советот за регионална соработка (РСС) на Самитот во Тирана, по потпишувањето на Декларацијата помеѓу телеком операторите од Западен Балкан и ЕУ.

– Преговорите за постигнување на спогодба никогаш не се лесни. Некогаш се вистинска борба. Оваа Декларација е резултат на силен ангажман на телеком операторите од ЕУ и Регионот со подршка на Европската комисија и на РСС, како и со помош на посветеноста на властите од Западен Балкан, изјави Брегу, се вели во соопштението од РСС.

Брегу, исто така, ги повика и телеком операторите кои денеска не присуствувале, да се приклучат на процесот во секое време.

Како што соопшти РСС, тоа практично значи дека секој телеком оператор од ЕУ и од регионот кои се потписници на Декларацијата ќе ги разгледаат тарифните планови и можностите за помали малопродажни цени за своите корисници во роаминг во другите мобилни мрежи, додека првото значително намалување на цените на услугите на пренос на податоци во роаминг ќе стапат во сила од први октомври 2023 година. Важно е, креаторите на политиките на Западен Балкан да ги забрзаат реформите на политиките за телеком секторите во согласност со заклучоците од Дигиталниот самит на Западен Балкан 2022 година, а со цел создавање на Заеднички регионален пазар и поттикнување на деловното опкружување. Државите од Западен Балкан овие реформи треба да ги спроведат најдоцна до крајот на 2023 година.

Ползата, се вели во соопштението, од Декларацијата со која започна денешниот самит ЕУ – Западен Балкан во Тиран е многукратна, ќе дојде до заштеда на пари на граѓаните во целиот регион и во ЕУ додека патуваат низ Регионот или низ Унијата, а ќе се намалат и оперативните трошоци на стопанствениците и ќе се поттикне работењето надвор од матичните граници.

Укинувањето на роамингот меѓу земјите од Западен Балкан што беше постигнато лани на 1-ви јули после двегодишните преговори со посредство на РСС, доведоа до зголемување на бројот на корисници на роаминг за 100 проценти. Во втората половина на 2021 година бројот на минути во појдовни повици бил зголемен за 237 посто, во дојдовните повици за 173 посто, а обемот на пренос на податоци бил зголемен за 459 посто.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Баерн Минхен убедлив против Унион Берлин, 100 гол на Кејн за „Баварците“

Фудбалерите на Баерн Минхен со „седмица“ дојдоа до победа против Унион Берлин, Кејн го постигна 100-тиот гол за Баварците

Баерн Минхен убедлив против Унион Берлин, 100 гол на Кејн за „Баварците“

Фудбалерите на Баерн синоќа го декласираа Унион Берлин со убедливи 7:0 во четвртото коло од Бундеслигата. Џамал ​​Мусијала погоди во 18. минута и покажа дека болеста е зад него, а потоа Хари Кејн од пенал во 39 минутаго постигна јубилејниот, својот 100-ти гол за Баварците.

Кејн повторно се запиша во листата на стрелците во 54. минута, Мајкл Олисе постигна хет-трик (во 43., 73. и 76. минута), а Исмаил Саибари погоди во 70. минута. Баерн е лидер на табелата со 10 бода.

Тагови: Баерн М. Хари Кејн

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Рубио: „Договорот на САД со Данска и Гренланд е победа за американскиот народ“

Американскиот државен секретар Марко Рубио денеска изјави дека договорот на САД со Данска и Гренланд претставува голема победа за американскиот народ.

Рубио: „Договорот на САД со Данска и Гренланд е победа за американскиот народ“

„Овој историски договор претставува голема победа за Соединетите Држави и за американскиот народ. Благодарение на визијата и лидерството на претседателот Трамп, овој историски договор трајно ги гарантира безбедносните интереси на САД на Арктикот, без никаков трошок за американските даночни обврзници“, изјави Рубио во објава на социјалната мрежа „Икс“ (X).

Како што наведе тој, Гренланд засекогаш ќе биде дел од стратешката одбранбена зона на Северна Америка, што ќе го спречи присуството на кој било противник на таа територија и во нејзината околина.

„Овој договор трајно и целосно ги решава прашањата за нашата национална безбедност поврзани со Гренланд“, заклучи Рубио.

Претходно, американскиот претседател Доналд Трамп објави дека Соединетите Американски Држави постигнале договор со Данска и Гренланд, кој, како што наведе, му обезбедува на Вашингтон трајна контрола врз безбедноста и други прашања поврзани со Гренланд.

Според него, договорот предвидува дека ниту еден противник на САД нема да може да воспостави база или воено присуство, ниту пак да реализира чувствителни инвестиции на Гренланд, без изречно писмено одобрение од Вашингтон.

Тагови: Марко Рубио

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Првиот список на Манчини – девет дебитанти

 Италија е подготвена да започне нова ера по фијаското со Џенаро Гатузо, а сега Роберто Манчини повторно е на чело.

Првиот список на Манчини – девет дебитанти

Искусниот стручњак ја презеде должноста во исклучително деликатен момент, со задача да ги подигне четирикратните светски шампиони кои се најдоа во криза, откако Италија претрпе трет последователен дебакл и не успеа да се пласира на Светското првенство.

За Италија во Лигата на нации претстои исклучително збиен и напорен распоред од четири натпревари за помалку од две недели.

На 25 септември „Аѕурите“ ја пречекуваат Белгија, три дена подоцна гостуваат во Турција, потоа на 2 октомври играат дерби против Франција, додека циклусот го заокружуваат на 6 октомври со уште еден натпревар против Турција.

Манчини прв го објави својот список, на кој се наоѓаат дури девет дебитанти: Мохамед Али Зома, Антонио Вергара, Алесандро Романо, Иса Думбија, Мајкл Кајоде, Масимо Песина, Самуеле Инасио, Себастијано Еспозито и Даниеле Џиларди.

Голмани: Марко Карнесеки (Аталанта), Џанлуиџи Донарума (Манчестер Сити), Масимо Песина (Болоња), Гиљермо Викарио (Јувентус).

Одбрана: Онест Ачанор (Кристал Палас), Алесандро Бастони (Интер), Рикардо Калафиори (Арсенал), Диего Копола (Париз), Џовани ди Лоренцо (Наполи), Федерико Димарко (Интер), Даниеле Џиларди (Рома), Мајкл Кајоде (Брентфорд), Еди Квадиома (Брентфорд), Еди Квадиома Џорџо Скалвини. (Аталанта).

Среден ред: Николо Барела (Интер), Брајан Кристанте (Рома), Иса Думбија (Спортинг Лисабон), Николо Фаџоли (Фиорентина), Давиде Фратези (Лацио), Роландо Мандрагора (Торино), Алесандро Романо (Каљари), Сандро Тонали (Тотенхем).

Напад: Николо Камбијаги (Болоња), Франческо Пио Еспосито (Интер), Себастиано Еспосито (Сасуоло), Самуеле Инасио (Борусија Дортмунд), Мојсе Кин (Комо), Даниел Малдини (Каљари), Џакомо Распадори (Аталанта), Џанлукаталакалап (Аталанта), Антонио (Аталанта) Заниоло (Удинезе), Мохамед Али Зома (Нирнберг).

Тагови: Манчини

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер