Бред Пит ги згрози фановите: Изгледа како да е мртов (ФОТО)

Холивудскиот актер Бред Пит, се појави на насловната страница на GQ како ѕвезда на јулското издание, а неговите обожаватели се згрозени од фотографиите.

Пит рече дека престанал да пие по разделбата со Анџелина Џоли и дека бил трезен околу шест години, а зборувал и за тоа дека присуствувал на состаноци на анонимни алкохоличари една и пол година и колку многу му се променил животот. „Ги видов и животните приказни на другите луѓе кои го допреа дното и тоа ми беше ужасно“, рече актерот.

На фотографиите за магазинот, Бред позира во лесна кошула и панталони, со свежо цвеќе околу него. Сепак, неговите обожаватели се згрозени од професионалните фотографии.

„Изгледа требаше да ја затворат гајбата. Кутриот Бред“, „Изгледа како да е мртов“, „Што е ова? Да не го изгуби облогот?“, „Ужасна фотографија“, „Ова ме исплаши“, се само некои од стотиците коментари под објавата.

Инаку, Пит често се споменува во медиумите како еден од најпосакуваните мажи во светот и важи за член на Првата лига на холивудските актери. Светските медиуми детално го пренесоа неговиот брак со Џенифер Анистон и врската со актерката Анџелина Џоли. Тој е татко на шест деца со Џоли, а по болното раскинување во тек е борба за старателство над децата.

Остин: Војната на Путин е најголемата закана за Европа по Втората светска војна

Американскиот секретар за одбрана Лојд Остин попладнево ја опиша руската војна во Украина како „најголемата закана за европската безбедност од крајот на Втората светска војна“.

„Војната што ја започна Владимир Путин без никаква причина го загрозува не само суверенитетот на Украина“, додаде американскиот министер за одбрана.

Тејлор Свифт се верила во тајност, објавија британските таблоиди

Пејачката Тејлор Свифт наводно е тајно свршена со своето момче Џо Алвин, со кого е повеќе од пет години во врска.

Како што пишува The Sun, пејачката носи голем веренички прстен „зад затворени врати“, а славниот пар за свршувачката само го известиле семејството и најблиските пријатели. Свифт и Алвин почнале да се забавуваат кон крајот на 2016 година, откако наводно се сретнале на Мет Гала во Њујорк.

„Тејлор и Џо се неверојатно среќни и многу, многу заљубени. Тие всушност се свршени веќе неколку месеци, но им кажале само на својот најблизок круг на луѓе - буквално само на семејството и старите доверливи пријатели. Сите се заколнале на тајност“, рекол извор близок на парот и додал дека сакаат да ја држат својата љубов подалеку од очите на јавноста и од папарацо камерите.

„Ако и кога ќе ги разменат своите завети, сигурно нема да има никакво списание „Вог“, „Ролинг Стоун“ или „Хело!“. Ќе биде едноставно и елегантно - исто како нив“, вели изворот. Пред нејзината врска со Алвин, Тејлор Свифт се забавуваше со Том Хидлстон, Хари Стајлс и Калвин Харис, врски што беа доста јавни.

Русите тврдат дека не планираат да нападнат ниту една членка на НАТО

Русија денеска соопшти дека се надева на „разумно решение“ на спорот околу ограничувањата за транспорт на стоки преку територијата на Литванија до регионот Калининград, руска ексклава на Балтичкото Море.

Русија иѝ соопшти на Европската унија дека моменталната ситуација води кон значителни трошоци не само за Литванија, туку и за Унијата, изјави рускиот заменик-министер за надворешни работи Александар Грушко, пренесе руската агенција Интерфакс. Тој додаде дека му се чини дека „сигналот е примен“, односно дека Унијата го разбрала предупредувањето.

Слично мислење изрази и рускиот амбасадор во Европската унија, Владимир Чижов, кој рече дека се надева на „компромисно решение во блиска иднина“.

Кон средината на јуни, Литванија го забрани железничкиот транспорт на некои стоки, кои се на листата на западни санкции, до областа околу Калининград. Москва ги нарече ограничувањата „незаконски“ и се закани со контрамерки.

Грушко рече дека Русија работи на тоа, „но најважното нешто е прашањето за одржување во живот на Калининград“.

Заменик министерот за надворешни работи дополнително нагласи дека Русија не планира да нападне ниту една членка на НАТО. Само „болни умови можеа да го смислат тоа“, рече тој.

притисни ентер