Отстраниле 6.000 стаорци и 60 кози од остров на кој имало само едно дрво: Вегетацијата се зголемила за 2.000 проценти - Канал 5

Отстраниле 6.000 стаорци и 60 кози од остров на кој имало само едно дрво: Вегетацијата се зголемила за 2.000 проценти

На островот Редонда – мало и ненаселено карпесто парче земја во Карипското Море што ѝ припаѓа на државата Антигва и Барбуда – од некогашното бујно зеленило останало само едно дрво.

Отстраниле 6.000 стаорци и 60 кози од остров на кој имало само едно дрво: Вегетацијата се зголемила за 2.000 проценти

Децениското уништување го претворило ова место, долго повеќе од километар и половина, во сива и гола карпа што полека се рони и се уривало во морето.

Сепак, таму се случи едно од најголемите еколошки чуда на модерното време, природата целосно се обнови, и тоа без ниту едно засадено растение.

Еколозите не населија повторно ниеден животински вид ниту засадија нови садници.

Нивната единствена задача била да ја отстранат причината за катастрофата — околу шеесет диви кози и речиси 6.000 црни стаорци.

Ефектот од оваа акција бил неверојатен, пишува CNN. Оттогаш, вегетацијата на островот е зголемена за повеќе од 2.000 проценти, петнаесет видови копнени птици се вратиле на карпите, додека популацијата на реткиот црн гуштер, кој не живее никаде на друго место на планетата, е зголемена тринаесет пати.

Свесна дека островот е на работ на целосно уништување, владата на Антигва и Барбуда во 2016 година започнала опсежен проект за ревитализација, во соработка со локалната организација „Environmental Awareness Group“ и меѓународни невладини организации, меѓу кои и „Fauna & Flora“.

Првиот чекор беше исклучително тежок: еколозите мораа рачно да ги фаќаат козите на мошне стрмни карпи, а потоа со хеликоптер да ги префрлат на безбедно, на соседната Антигва. Потоа следеше борба против стаорците. Стручниот тим кампувал непрекинато два месеца на оголените карпи на Редонда, поставувајќи отровни мамки во секоја пукнатина и пештера.

Во текот на првите ноќи, истражувачите слушаа како илјадници глодари трчаат околу нивните шатори. Упорноста вроди со плод – во 2018 година, Редонда официјално беше прогласена за остров без стаорци, а тој статус успешно се одржува и денес. Денес, Редонда повторно е зелен карипски рај.

Случајот со овој остров стана глобален пример за тоа како природата поседува неверојатна моќ за самообновување, под услов луѓето да ѝ помогнат преку отстранување на инвазивните видови што самите ги донеле.

Кристофер Колумбо ја здогледал Редонда уште во 1493 година, но никој не стапнал на нејзините стрмни карпи во текот на следните двесте години. Она што конечно ги привлекло луѓето во 19-тиот век биле милионите морски птици, или поточно нивниот измет – гуаното.

Овие природни слоеви, нарекувани „бело злато“, масовно се користеле како врвно ѓубриво и како клучна состојка во производството на барут. Во екот на експлоатацијата, од островот годишно се ваделе и до 4.000 тони гуано.

Рударските активности биле целосно прекинати со избувнувањето на Првата светска војна. Луѓето го напуштиле островот, но животните што ги донеле со себе останале таму. Козите лакомо ја јаделе секоја вегетација што никнувала од земјата, додека црните стаорци немилосрдно ги напаѓале јајцата на птиците, пилињата и локалните гуштери.

Без корените на растенијата што ја држеле почвата, карпите и земјата почнале да се лизгаат во Карипското Море, задушувајќи ги коралните гребени и морското дно. Птиците престанале да се гнездат, а на крајот и самите кози почнале да гладуваат, па нивните скелети ја прекриле оголената карпа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фото: Сидни Свини никогаш по провокативна

Жежок спектакл со  една од најубавите жани во Холивуд, актерката Сидни Свини.

Фото:  Сидни Свини никогаш по провокативна

Русокосата убавица се појави во десега најпровокативното издание.

Сидни Свини ја пречекува празничната сезона во мошне провокативно издание, кое повторно е дел од нејзината најнова колекција.

Актерката Сидни Свини позира облечена само во бела чипкана долна облека за новата кампања на нејзиниот бренд „Syrn“. Фотографиите, инспирирани од зимската магија, беа објавени како дел од серија фотографии на Инстаграм-профилот на нејзиниот бренд.

Сидни позираше пред снежна позадина, седејќи на црвен сатенски огртач со крзнени детали. Таа носи градник со прерамки околу вратот и соодветни гаќички со низок струк и исечоциа. Ова не е прва празнична колекција, но Сидни не сака да губи време.

„Првите снегулки во сезоната-заводничка“, стои во описот на објавата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фото: Фатална српска пејачка во теретана: Утринско растегнување!!

Најфаталната Србинка го запали интернетот! Се појави „жежок“ материјал од атрактивната пејачка Теодора Џеферовиќ  – неверојатно е што прави оваа жена во теретана.

Фото: Фатална српска пејачка во теретана: Утринско растегнување!!

Сексапилната пејачка Теодора Џехверовиќ покажа како го започнува својот ден, а сцената од теретаната го привлече вниманието на нејзините следбеници.

Теодора очигледно не ги пропушта тренинзите, дури и кога станува збор за раните утрински часови.

На својот профил на Инстаграм таа објави видео од теретаната, на кое се гледа како напорно работи на својата форма и се посветува на вежбањето.

Таа носеше кафеав спортски комплет, составен од краток топ и тесен шорц, а вежбите ги изведуваше боса, во бели чорапи, со помош на спортски подлоги.

Покрај објавата, таа накратко напиша „Утринско растегнување“, придружено со емотикон на жена која медитира.

Пејачката уште еднаш покажа дека физичката активност е важен дел од нејзиното секојдневие, а судејќи според видеото, таа го започнува денот со вежбање и грижа за својот изглед и физичка подготвеност.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Вселенско летало по осум години стигна до Меркур

Вселенското летало „БепиКоломбо“ (BepiColombo) – заедничка европско-јапонска вселенска мисија – пристигна кај Меркур по патување кое траеше повеќе од осум години и сега е подготвено да влезе во неговата орбита, пренесува „Гардијан“. 

Вселенско летало по осум години стигна до Меркур

Мисијата „БепиКоломбо“ ќе стане втората во историјата што ќе орбитира околу оваа планета – најмалата во Сончевиот Систем – при што се планира мапирање на нејзината површина и проучување на нејзината внатрешност.

Целта на оваа мисија, вредна 1,6 милијарди евра, е да се утврди како Меркур се формирал толку блиску до Сонцето, зошто поседува магнетно поле, како и каков е составот на мразот скриен во кратерите на планетата кои се постојано во сенка.

Професорката Ема Банс од Универзитетот во Лестер, која работи на проектот веќе 20 години и е главен истражувач за инструментот „Спектрометар за рендгенско снимање на Меркур“ (MIXS) – дизајниран за анализа на геохемискиот состав на површината на планетата – ја опиша мисијата како „многу сложена и предизвикувачка“, на чија реализација се чекало долго време.

По влегувањето во орбитата на Меркур, MIXS ќе го анализира геохемискиот состав на површината на планетата; сепак, се очекува да поминат неколку месеци пред научниците да можат да започнат со набљудување на Меркур. На почетокот на декември, вселенското летало ќе се раздели на две орбитални единици – една европска и една јапонска – кои ќе маневрираат во посебни поларни орбити околу планетата.

Научните операции се планирани да започнат во април следната година. Европската сонда, „Орбитер за планетата Меркур“ (MPO), ќе ја мапира површината и составот на планетата во висока резолуција, истовремено проучувајќи ја внатрешноста на Меркур за да фрли светлина врз неговото необично големо јадро. Нејзиниот јапонски пандан ќе го мери магнетното поле на планетата и нејзината натриумова егзосфера – исклучително тенок слој од гас и атоми што ја опкружува планетата.

Иако Меркур е само 50 проценти поголем од Месечината, тој има четири пати поголема маса; едно од прашањата што мисијата ќе ги истражува е потеклото на оваа извонредно висока густина. Се очекува вселенските летала да кружат околу Меркур приближно три години, по што ќе останат без гориво, ќе изгубат височина и на крајот ќе удрат во површината.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер