Борозан: Признанието на Клековски е најсилна потврда – бараме кривична одговорност! - Канал 5

Македонија

Борозан: Признанието на Клековски е најсилна потврда – бараме кривична одговорност!

Над 4.070 граѓани во Гостивар досега побарале медицинска помош поради затруена вода со фекалии.

Борозан: Признанието на Клековски е најсилна потврда – бараме кривична одговорност!

Само вчера се регистрирани уште 125 прегледи на лица со симптоми, а едно дете е хоспитализирано.

Овие бројки се најсилниот доказ за целосниот колапс на институциите задолжени да го штитат најважното - здравјето на граѓаните.

Министерот за здравство Сашо Клековски самиот призна дека „црвените светла“ во Гостивар се запалиле со задоцнување.

Тоа признание не ја намалува вината. Напротив, ја потврдува.

Клековски призна дека институциите задоцниле во реакцијата, но тоа не го кажа затоа што сакаше да ја соопшти вистината, туку затоа што веќе не можеше да ја сокрие неспособноста.

Првите симптоми кај граѓаните се појавиле уште на 14 јули, кога во болницата секојдневно се јавувале околу 200 пациенти со исти симптоми.

Наместо итна реакција, епидемија беше прогласена дури на 19 јули.

Пет дена институциите молчеле. Пет дена не ја предупредиле јавноста. Пет дена не презеле мерки, додека стотици граѓани се разболувале.

А Центарот за јавно здравје Тетово водата ја прогласил за безбедна.

Гостиварчани 22 дена пиеле загадена вода со фекалии. Над 4.070 граѓани се разболеа затоа што „црвените светла“ на Мицкоски и Клековски се вклучија предоцна.

Целосен институционален неуспех и системски колапс на Владата на Мицкоски.

Признанието на Клековски е најсилна потврда - не е само за политичка туку и за кривична одговорност.

Цел еден град е отуен, мора кривично да одговараат.

Бараме Кривична одговорност од министерот Сашо Клековски, директорката на Државниот санитарен и здравствен инспекторат Марија Андоновска и директоритите на локални Центри за јавно здравје.

Јавното обвинителство да не чека наредби од Мицкоски туку да делува согласно закон.

Одговорност за труењето во Гостивар мора да има!, рече Маја Борозан од СДСМ.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Јувенстус со нова понуда за Емилијано Мартинез

Јувентус е блиску до ангажирање на еден од најдобрите светски голмани, Емилијано Мартинез.

Јувенстус со нова понуда за Емилијано Мартинез

Според Дејвид Орнштајн, доверлив новинар на „Скај Спортс“ и „Атлетик“, претставниците на клубот од Торино доставиле нова, подобрена понуда до Астон Вила, а договорот меѓу двата клуба е сè поблизу.

Јувентус е подготвен да плати пакет вреден 10 милиони евра, структуриран како фиксен износ од 7 милиони евра плус 3 милиони евра во вид на бонуси поврзани со учинокот. Сепак, клубот од Бирмингем во моментов инсистира на 10 милиони евра во загарантирани средства, па преговорите се фокусираат токму на структурата на плаќањето.

Личните услови не претставуваат проблем Орнштајн нагласува дека личните услови меѓу 33-годишниот аргентински интернационалец и „Старата дама“ воопшто не претставуваат пречка. Мартинез изрази силна желба да се пресели на стадионот „Алијанц“ и е подготвен да го прифати понудениот повеќегодишен договор.

Трансферот дополнително го поткрепува фактот што Астон Вила веќе е длабоко во преговори за ангажирање на голман-замена; следствено на тоа, се очекува клубовите да постигнат компромис и наскоро да го финализираат договорот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Видео: Пожарот во Белгија се шири кон Германија

Големиот пожар што беснее во областа Хај Фенс (High Fens) и во природниот резерват Хај Свомп (High Swamp) во источниот дел на Белгија се наоѓа на само три километри од германската граница.

Видео: Пожарот во Белгија се шири кон Германија

Ситуацијата во пограничниот град Моншау, во западна Германија, беше напната во текот на изминатата ноќ, а на жителите од некои делови на градот им беше препорачано да се подготват за напуштање на своите домови, пренесува „Блид“.

„Не може да се исклучат ризиците по здравјето предизвикани од чадот од пожарот. На жителите на Платевен, Лејлох и Калтерхерберг, западно од Месевего, им се препорачува да ги напуштат овие подрачја до 10 часот наутро и да престојуваат кај роднини и пријатели“, се наведува во соопштението на локалните власти.

Потврдено е дека градските власти на Моншау ќе отворат прифатилиште во општествениот центар во Имгенбројх, почнувајќи од 7 часот наутро, за сите оние што не можат самостојно да најдат алтернативно сместување.

Екипите за итни интервенции во Моншау не очекуваат огнот наскоро да се прошири на германска територија, но потврдуваат дека се во состојба на подготвеност.

„Секако, внимателно ја следиме ситуацијата. Ќе продолжиме континуирано да ја следиме и проценуваме состојбата, а по потреба ќе ангажираме и дополнителни противпожарни сили“, изјави Филип Кригер, командант на противпожарната служба во Моншау.

Од белгиска страна, евакуацијата на градовите Кихелшајд и Лејкауљ веќе е започната.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МО: Утре во 19 часот, почесна артилериска стрелба по повод Денот на Армијата

Почесна артилериска стрелба по повод Денот на Армијата

МО: Утре во 19 часот, почесна артилериска стрелба по повод Денот на Армијата

Министерството за одбрана ги информираме граѓаните на Скопје, дека на 17-ти август 2026 година (понеделник), со почеток во 19.00 часот, во касарната ,,Илинден“ во Скопје од страна на единица на артилерискиот баталјон на Армијата ќе се изврши почесна артилериска стрелба со истрелување на 10 плотуни од 6 артилериски орудија.

Почесната стрелба како дел од протоколарните обврски на Армијата за одбележување на празници е во рамки на активностите кои се реализираат по повод одбележувањето на 18Август-Денот на Армијата.

Претходно, истиот ден, во 18.00 часот ќе биде извршена и пробна артилериска стрелба со истрелување на еден плотун од 6 артилериски орудија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер