Богат Србин поднел барање да му се смени годината на раѓање од 1954. во 1974, сите му се смеат - Канал 5

Живот

Богат Србин поднел барање да му се смени годината на раѓање од 1954. во 1974, сите му се смеат

Богољуб Кариќ, член на некогаш најбогатото српско семејство, побарал да му се смени годината на раѓање.

Богат Србин поднел барање да му се смени годината на раѓање од 1954. во 1974, сите му се смеат

Кариќ во денешната изјава потврдил дека на својот 65 роденден поднел барање до градската управа на Крагуевац како надлежен државен орган да донесе одлука за промена на податоците на неговото раѓање, јавуваат српските медиуми.

Богољуб Кариќ побарал да се утврди дека е роден на 17 јануари 1974 година. во Пеќ, а не на 17.01.1954 г. година, како што е запишано во матичната книга. Тој оценил дека барањето се заснова на валидни закони и неспорни факти и додаде дека причините не се само лични. Кариќ се опишал себеси како „уникатна личност во современата српска историја“ и рече дека аплицирал во име на сите оние кои, без разлика на возраста, се чувствуваат способни да работат и да бидат посветени на семејството и општеството.

„Ова е во име на сите оние кои не сакаат да одат во пензија и да бидат на товар на буџетот на Република Србија, Фондот за пензиско и инвалидско осигурување и Фондот за здравствено осигурување, кои не сакаат права од овие средства, за да не да се намалат средствата кои би оделе кај други луѓе, на кои им се навистина потребни“, рече Кариќ.

Според него, барањето е „поднесено во име на сите луѓе кои, како мене, мислат дека човекот никогаш не е стар, се додека се чувствува млад и способен за работа и дека никој освен Бог нема право да определи колку долго ќе бидеме на овој свет, до кога ќе работиме и создаваме“.

Кариќ смета дека мора да се променат законите кои го прогласуваат човекот за стар и неподобен за работа само поради датумот на раѓање.

Барањето на богатиот Србин ги забавува твитерџиите кои цел ден објавуваат шеги за него.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Црна хроника

Кавадарчанец е уапсен- за време на „Тиквешки гроздобер“ му пронашле дрога и пари

Лишен од слобода кавадарчанец, при преглед кај него пронајдена дрога и пари.

Кавадарчанец е уапсен- за време на „Тиквешки гроздобер“ му пронашле дрога и пари

На 05.09.2026 во 22:45 часот, за време на одржување на манифестација „Тиквешки гроздобер“ во Кавадарци, полициски службеници од Отсекот за недозволена трговија со дрога при СВР Велес, го лишија од слобода К.М.(34) од Кавадарци, затоа што при преглед кај него биле пронајдени и одземени бела прашкаста материја и пари.

Тој бил задржан во полициска станица, известен бил јавен обвинител и по документирање на настанот против него ќе биде поднесена соодветна пријава.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Косел трева, па запалил пожар во с. Брезница- уапсен е

Лишен од слобода маж од Македонски Брод, предизвикал пожар во село Брезница.

Косел трева, па запалил пожар во с. Брезница- уапсен е

На 05.09.2026 полициски службеници од ОВР Македонски Брод го лишија од слобода М.Т.(38) од Македонски Брод, постапувајќи по пријава дека на 05.09.2026 околу 10:00 часот предизвикал пожар во с.Брезница, Македонски Брод, така што од искрење на бензински тример за косење, во близина на неговата куќа во с.Брезница, настанал пожар кој се проширил кон соседните имоти.

Повредени лица нема, а пожарот е изгаснат од екипа од ЈП „Национални шуми“ и локалното население. По документирање на настанот ќе следува соодветна пријава.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Инцидент во Англија: Навивач му удри шлаканица на фудбалер (ВИДЕО)

Натпреварот помеѓу Портсмут и Кардиф, кој се одигра вчера во рамките на 5-тото коло од Чемпионшип, беше нарушен со инцидент во кој гостинскиот играч Кристијан Биелик влезе во физичка пресметка со млад навивач. 

Инцидент во Англија: Навивач му удри шлаканица на фудбалер (ВИДЕО)

Сето тоа се случи во 70-тата минута на стадионот Фратон Парк, при што Портсмут водеше со 2-0. Натпреварот заврши со тој резултат.

Поранешниот ученик на фудбалската академија на Арсенал се обиде да ја добие топката што заврши на трибините. Снимките од инцидентот покажуваат како навивачот ја фрла топката од него, на што Биелик реагираше фаќајќи го навивачот за вратот и туркајќи го подалеку. Младиот навивач потоа стана и се обиде да возврати.

Натпреварот беше накратко прекинат, а навивачот кој беше зграбен за вратот од фудбалерот беше отстранет од стадионот. Биелик не беше санкциониран.

Изјави по натпреварот

Тренерот на Кардиф, Брајан Бери-Мерфи, рече дека навивачот го удрил Биелик и ја пофали реакцијата на судијата.

„Сакав да проверам дали е заштитен и дали е добро, и беше. Судијата и неговите помошници се справија со ситуацијата беспрекорно, според мене. Тој рече дека јасно видел што се случило, ги смирил сите и ја спровел правилната постапка. Играчите постојано се изложени на неприфатливи ситуации“, рече тој.

Менаџерот на Портсмут, Џон Мусињо, им се извини на Кардиф и нивните играчи.

„Судијата објасни дека имало врева кога Кристијан тргнал по топката и еден навивач го удрил. Не беше убаво да се види. Само го видов и е добро, но тоа не е важно, вакви работи не треба да се случуваат. Сакаме да создадеме вжештена атмосфера на Фратон Парк, во што успеавме во последните години. Понекогаш се преминува границата, го разбирам тоа, но не мислам дека има потреба од вакви сцени. Им се извинуваме на играчите и на Кардиф и ќе направиме сѐ што можеме за да се осигураме дека ова нема да се повтори.“

Тагови: навивач фудбалер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер