Бизарна прес конференција на САД: Иранци ги испрашуваат за визи и за војска (ВИДЕО) - Канал 5

Фудбал

Бизарна прес конференција на САД: Иранци ги испрашуваат за визи и за војска (ВИДЕО)

Во вторник од 20:00 часот Иран и САД го играат натпреварот од 3.коло од групата Б на Светското првенство во кое директно одлучуваат за пласман во нокаут фазата.

Бизарна прес конференција на САД: Иранци ги испрашуваат за визи и за војска (ВИДЕО)

За двата тима пораз значи испаѓање, додека за Иранците бод е во прашање доколку Велс не ја победи Англија. Тоа ќе биде прва средба на овие две репрезентации по Светското првенство во 1998 година, кога Иран победи со 2:1.

Тензиите се високи пред натпреварот, но не поради тоа што се случува на теренот, туку надвор од него. Пред натпреварот, Американската фудбалска асоцијација на Твитер го објави иранското знаме без грбот во знак на поддршка за антирежимските протести во таа земја. Поради ова, Иран побара од ФИФА да ги исфрли САД од турнирот, а не е новост дека овие две земји со години имаат многу заладени односи.

На прес-конференцијата пред натпреварот имаше многу ирански новинари кои ги испрашуваа Тајлер Адамс и тренерот Грег Берхалтер за работи кои немаат врска со фудбалот. Репортерот на Iranian News најпрво му кажа на Адамс како правилно да го изговори „Иран“ и дека е време да го научи тоа. Потоа го прашал како може да претставува расистичка земја како Америка.

„Се извинувам што погрешно го изговорив името на вашата земја. Што се однесува до расизмот и дискриминацијата, можете да ги најдете каде и да одите во светот. Во мојата земја, нешто се прави околу тоа секој ден, и важно е да се направи напредок во ова“, се обиде Адамс да ги смири тензиите.

„Спортот е нешто што треба да ги зближи луѓето и нациите, а вие сте спортист. Зошто не побарате од вашата влада да ја повлече флотата од Персискиот залив?“ друг новинар го праша американскиот тренер Берхалтер.

„Се согласувам, спортот треба да служи за зближување на нациите. Ајде сите да се натпреваруваме како браќа“, одговори Берхалтер, кој не сакаше да ги спомнува политичките или какви било други проблеми меѓу САД и Иран.

Иранците потоа го прашаа како би го коментирал фактот дека со САД имаат потешкотии или не им издаваат визи на иранските граѓани. Видно уморен од прашањата што немаат врска со него, Берхалтер изјави дека е фудбалски тренер и дека не ја разбира баш добро политиката.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Во Охрид е пуштен во употреба реконструираниот дел на Охридскиот аеродром „Св. Апостол Павле“

Во Охрид денеска е пуштен во употреба реконструираниот дел на Охридскиот аеродром „Св. Апостол Павле“.

Во Охрид е пуштен во употреба реконструираниот дел на Охридскиот аеродром „Св. Апостол Павле“

На отворањето присуствува премиерот Христијан Мицкоски и вицепремиерот и министер за транспорт Александар Николоски.

Реконструкцијата опфати проширување на патничкиот терминал за 30 до 40 проценти, проширување на капацитетот на шалтерите за патници и багаж за 100 метри квадратни, проширување на зоната за безбедносна контрола на патници и багаж, проширување на административната зграда од 290 метри квадратни на 700 метри квадратни, нов ресторан-кафетерија за вработените, нови канцеларии за Граничната полиција, Царинската управа и паркинг за вработените.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Орден „8 Септември“ доделени на Јордан Плевнеш и Раде Сиљан и постхумно на Џеват Гега, Мето Јовановски и Глигор Чемерски

Претседателката Гордана Сиљановска-Давкова, по повод празникот упати честитка до граѓаните во која порача дека независноста не е завршено минато, туку трајна обврска на секоја генерација да ја чува, гради и надградува државата.

Орден „8 Септември“ доделени на Јордан Плевнеш и Раде Сиљан и постхумно на Џеват Гега, Мето Јовановски и Глигор Чемерски

Претседателката и собраниска делегација утринава положија цвеќе на вечните почивалишта на првиот претседател на Македонија, Киро Глигоров, на претседателот Борис Трајковски и на на првиот претседател на Владата, Никола Кљусев.

Сиљановска - Давкова им доделии орден „8 Септември“ на Јордан Плевнеш и Раде Сиљан и постхумно на Џеват Гега, Мето Јовановски и Глигор Чемерски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Два бомбашки напади во центарот на Атина (ВИДЕО)

Рачни гранати беа фрлени денеска на две локации во центарот на Атина, соопшти грчката полиција, додавајќи дека нема повредени.

Два бомбашки напади во центарот на Атина (ВИДЕО)

Првиот напад се случил во 4:25 часот наутро по локално време, кога рачна граната беше фрлена во продавница за здрава храна во Ахарнон, а наводно во продавницата во тој момент се наоѓал и обезбедувач со сириско потекло, објави „Прото тема“.

Вториот напад се случил во 4:55 часот наутро во областа Агиос Пантелејмонас, кога непознат напаѓач фрлил експлозивна направа во наргиле бар во сопственост на Сириец.

Полицијата е на местото на настанот. Снимки од продавницата и барот по експлозиите се појавија и на социјалните мрежи.

Тагови: Атина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер