Битола го одбележува Денот на заштитникот на градот Свети Нектариј Битолски - Канал 5

Живот

Битола го одбележува Денот на заштитникот на градот Свети Нектариј Битолски

Општина Битола во соработка со Преспанско пелагониската епархија, го одбележува Денот на Заштитникот на градот Свети Нектариј Битолски.

Битола го одбележува Денот на заштитникот на градот Свети Нектариј Битолски

НЕКА НИ Е ЧЕСТИТ ДЕНОТ НА ЗАШТИТНИКОТ НА ГРАДОТ „СВЕТИ НЕКТАРИЈ БИТОЛСКИ“

Одбележувањето започна со утринска богослужба и Света Божествената Литургија, а потоа се изврши свечена Литија со моштите на „Свети Агатангел Битолски“, а во чест на патронот и заштитник на градот Битола – Свети Нектариј Битолски.

После завршувањето на Литијата, Градоначалникот на Општина Битола, Тони Коњановски оствари средба со Митрополитот Преспанско-пелагониски господин Петар.

На средбата, Градоначалникот Коњановски, испрати празнична честитка до сите граѓани:

„Битола го одбележува Денот на заштитникот на градот Свети Нектариј Битолски.

Сега, кога се наоѓаме на крајот на една тешка година на борба со пандемијата од КОВИД 19, како и низа други случувања кои дополнително ни се испречуваат на патот на нормалното живеење, ваквото чествување е уште едно потсетување за сите нас, дека треба да продолжиме да живееме чесно, исполнети со љубов, вера и надеж.

Да правиме добро за другите, за доброто да можеме да го почувствуваме сите.

Во таа насока Општина Битола, годинава во духот на хуманоста, во одбележувањето на Денот на заштитникот на градот се вклучува со мал придонес кон подобрување на секојдневието на оние на кои тоа им е најпотребно.

Како што се вели во тропарот на Свети Нектариј Битолски, дека Битола е градот кој го воспита него, со негова заштита да си посакаме здравје за сите нас, за да можеме да продолжиме да воспитуваме здрави генерации.

Од оваа година, Општина Битола, токму како поттик за младите генерации, преку програмата за култура по повод чествувањето на Свети Нектариј Битолски, воведува награди за талентираните ученици, кои со својот неуморен труд, постојано го збогатуваат своето знаење, а за тоа имаат одредени признанија. Јавниот повик за оваа намена ќе биде објавен на почетокот на идната година, со точно утврдени критериуми за пријавување.

Целта на ваквиот пристап е да ги насочиме младите на вистинскиот пат, да ја поддржиме трудољубивоста и да дадеме придонес за наш заеднички напредок. Само преку добро образовани деца, можеме да зборуваме за добри лекари, професори, архитекти, експерти во својата област, кои ќе продолжат да ја создаваат иднината на градот во кој живееме.

НЕКА ДЕНОТ НА ЗАШТИТНИКОТ НА ГРАДОТ НЕ ЗАШТИТУВА СИТЕ НАС.

НЕКА НИ Е ЧЕСТИТ СВЕТИ НЕКТАРИЈ БИТОЛСКИ“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Останува во затвор поранешната ѕвезда на Премиер лигата- судењето му е закажано за идната година

Поранешниот англиски фудбалер Џои Бартон ќе остане во притвор откако новото барање за кауција беше одбиено од судот во Ливерпул. 

Останува во затвор поранешната ѕвезда на Премиер лигата- судењето му е закажано за идната година

Почетокот на судењето, кое беше закажано за минатата недела, беше одложено за 8 март 2027 година.

Обвинение и судска одлука

Бартон беше обвинет за нанесување тешки телесни повреди на Кевин Линч, што 44-годишниот поранешен фудбалер го негираше на суд и се изјасни за невин. Наводниот напад се случил на 8 март во Хајтон. Обвинителството тврди дека на инцидентот му претходело заедничко консумирање алкохол во локален голф клуб.

Според обвинението, Линч претрпел сериозни повреди на окото во нападот. Тој е поранешен тренер во пониска лига и основач на академија за специјално образование. Бартон се појави на рочиштето преку видео врска од затворот ХМП во Ливерпул. Откако судијата Дејвид Потер го одби барањето за кауција, Бартон само кимна со главата за да покаже дека ја разбира одлуката.

Следното прелиминарно рочиште е закажано за 11 декември оваа година, а се очекува главниот претрес да трае околу две недели. Потоа Бартон ќе добие шанса да ја презентира својата одбрана пред поротата.

Кариера и контроверзии

За време на неговата кариера, поранешниот играч од средниот ред беше почитуван поради неговите фудбалски вештини, но стана познат и по инцидентите надвор од теренот. Неговото однесување честопати привлекуваше исто толку медиумско внимание како и неговите игри.

Своите најдобри играчки години ги помина во Премиер лигата, каде што играше за Манчестер Сити, Њукасл Јунајтед, Квинс Парк Ренџерс и Барнли. Во Англија беше член на Евертон, а во странство го носеше дресот на Марсеј и Ренџерс. Одигра еден натпревар за англиската репрезентација, во 2007 година против Шпанија.

По завршувањето на играчката кариера, се префрли на тренерска работа. Ги водеше Флитвуд Таун и Бристол Роверс, но тој период од неговата кариера беше обележан и со јавни конфликти и дисциплински проблеми.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Мицкоски на прославата за 35 години независна Македонија, исто како на Илинден - го нарекува народот „талог“

На прославата за 35 години независна Македонија, Мицкоски побара „да не се делиме“, па веднаш се закани дека ќе „расчистува со талогот“ и седна до државниот обвинител Ненад Савески.

СДСМ: Мицкоски на прославата за 35 години независна Македонија, исто како на Илинден - го нарекува народот „талог“

Исто како менторот Вучиќ. Повторно копи-пејст. Прво навредување, а потоа повик на единство.

Хипокризија во најчиста форма.

На јубилејот на независноста премиерот прво зборува за единство, за жртвите, за иднината.

Потоа ја активира истата стара фашистичка реторика на „талог“ кампањата што ја води од Илинден наваму, по теркот од најмрачните периоди.

И за да биде пораката кристално јасна, седнува до државниот обвинител.

Ова не е државнички говор.

Ова е отворена закана.

Ова е порака: ние ги контролираме институциите, ние ќе „расчистуваме“, ние одлучуваме кој е талог, а кој е ВМРО, тоа е криминална елита.

Додека зборува за правда и за тоа дека „талогот не смее да стане елита“, неговата Влада е најголемиот пример токму за тоа - криминални тендери, задолжувања од 4 милијарди евра за две години, мито дури и кај директорите и возачите, поделби, заплашување на критичарите и медиумите.

Граѓаните не се талог.

Опозицијата не е талог.

Критичарите не се талог.

Талог е оној што ја злоупотребува власта, што ги дели луѓето, што седи до обвинителот и испраќа закани на денот на независноста.

СДСМ ќе продолжи да ја брани демократијата, слободата на говор и правото на секој граѓанин да не биде обележан како „талог“ само затоа што мисли поинаку.

Народот ќе победи.

Криминалците ќе одговараат.

Власта ќе биде вратена на граѓаните, се наведува во партиското соопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Симболот на Брисел , облечен во македонска носија по повод 8- Септември (ВИДЕО)

На социјалнит емрежи се појави видео од еден од најпознатите симболи на Брисел, облечен во македонска носија. 

Симболот на Брисел , облечен во македонска носија по повод 8- Септември (ВИДЕО)

Еден од најпознатите симболи на Брисел, статуата Манекен Пис, денеска за првпат беше облечен во традиционална македонска носија, по повод 8 Септември – Денот на независноста и 35 години од осамостојувањето на Македонија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер